- મુકેશ અંબાણીએ જુના કર્મચારીને આપી ભેટ
- મનોજ મોદીને આપી 1500 કરોડની ભેટ
- 22 માળનું મકાન કર્યું ગિફ્ટ
રિલાયમ્સ ઈન્ડસ્ટ્રીના ચેરમેન અને એશિયાના સૌથી અમીર વ્યાપારી મુકેશ અંબાણી મોટા બેંક બેલેન્સની સાથે મોટુ દિલ પણ રાખે છે. પોતાના કર્મચારીઓની મદદ માટે તે હંમેશા ઉભા રહે છે. તેમણે હાલમાં જ પોતાના એક એમ્પ્લોયને 1,500 કરોડ રૂપિયાનું મકાન ગિફ્ટ કર્યું છે.
વર્ષોથી રિલાયન્સ માટે કામ કરી રહેલા મનોજ મોદીને મુકેશ અંબાણીએ 22 માળની બિલ્ડિંગ ભેટમાં આપી છે. અંબાણીના રાઈટ હેન્ડ કહેવાતા મનોજ મોદી શરૂઆતથી લઈને અત્યાર સુધી કંપનીની સાથે છે. તે રિલાયન્સના કર્મચારી હોવાની સાથે મુકેશ અંબાણીના મિત્ર પણ છે.
કોણ છે મનોજ મોદી?
મનોજ મોદીને લોકો અંબાણીના સૌથી નજીકના કર્મચારી તરીકે જાણે છે. તેમને મુકેશ અંબાણીના રાઈટ હેન્ડ પણ કહેવામાં આવે છે. રિલાયન્સના દરેક સોદાની સફળતાની પાછળ તેનો હાથ હોય છે. વર્ષોથી તે કંપની માટે પુરી ઈમાનદારી અને નિષ્ઠા સાથે કામ કરી રહ્યા છે.
મુકેશ અંબાણી જ નહીં પરંતુ તેમના બાળકો આકાશ, અનંત અને ઈશા પણ મનોજ મોદીની દરેક વાત માને છે. તેમના કામનું સન્માન કરતા હવે અંબાણી પરિવારે તેમને કિંમતી ભેટ આપી છે. મુકેશ અંબાણીએ પોતાના જુના કર્મચારી અને મિત્રો માટે મુંબઈના પોશ વિસ્તારમાં 22 માળની બિલ્ડિંગ ખરીદી છે.
22 માળની બિલ્ડિંગ કરી ગિફ્ટ
અંબાણી પરિવારના મનોજ મોદી માટે મુંબઈના નેપિયન સી રોડમાં 22 માળની બિલ્ડિંગ ખરીદી છે. આ પ્રોપર્ટીનું નામ વૃંદાવન રાખ્યું છે. તમને જણાવી દઈએ કે નેપિયન સી રોડ મુંબઈનો પોશ વિસ્તાર છે.
અહીં પ્રોપર્ટીના રેટ્સ 45,100 રૂપિયાથી લઈને 70,600 રૂપિયા પ્રતિ વર્ગ ફૂટ સુધી છે. આ બિલ્ડિંગની કિંમત 1,500 કરોડ રૂપિયા જણાવવામાં આવી રહી છે. 1.7 લાખ વર્ગ ફૂટ એરિયામાં આ બિલ્ડિંગ બની છે.
મુકેશ અંબાણીના રાઈટ હેન્ડ
મનોજ મોદી મુકેશ અંબાણીના કોલેજ ફ્રેન્ડ પણ છે. અંબાણી અને મોદી બન્ને ક્લાસમેટ રહ્યા છે. બન્નેએ એક સાથે યુનિવર્સિટી ડિપાર્ટમેન્ટ ઓફ કેમિકલ ટેક્નોલોજીમાંથી અભ્યાસ કર્યો છે. વર્ષ 1980થી જ મનોજ મોદી રિલાયન્સ ઈન્ડસ્ટ્રી સાથે જોડાયેલા છે. બિઝનેસ ઉપરાંત અંબાણી પરિવારમાં પણ તેમની ખૂબ ઈજ્જત છે.
મુકેશ અંબાણી પણ તેમની કહેલી વાતો પર ધ્યાન આપે છે. અંબાણી પરિવારના બાળકો માટે તે મેન્ટોરની રીતે કામ કરે છે. રિલાયન્સમાં તેમને MM કહીને બોલાવવામાં આવે છે.
CEO જેટલો પાવર
મનોજ મોદી રિલાયન્સ જીયો અને રિલાયન્સ રિટેલના ડાયરેક્ટરના પદ પર છે. તે લાઈમલાઈટથી દૂર રહે છે. તે કોઈ સોશિયલ મીડિયા પ્લેટફોર્મ પર નથી. તે હજીરા પોટ્રોકેમિકલ કોમ્પ્લેક્સ, જામનગર રિફાઈનરી, પહેલા ટેલીકોમ બિઝનસ, રિલાયન્સ રિટેલ અને 4જી રોલઆઉટ જેવા તમામ પ્રોજેક્ટ સાથે જોડાયેલા છે. તેમની પાસે કંપનીના CEO જેટલો પાવર છે.
