મહાશિવરાત્રિ / કેરાલાથી લઇને મહાકાલેશ્વર..., વહેલી સવારથી જ શિવાલયો મહાદેવ હરના નાદથી ગૂંજી ઉઠ્યા, જુઓ Videos

Mahashivratri 2024 : દેશભરમાં આજે મહાશિવરાત્રી પર્વની ધામધૂમથી ઉજવણી કરવામાં આવી રહી છે. શિવભક્તો મધ્ય  પ્રદેશના મહાકાલ જ્યોતિલિંગ  મંદિર અને ઓમકારેશ્વર- મહાકાલેશ્વર જ્યોતિલિંગ મંદિરે દર્શન કરવા માટે પહોચી રહ્યા છે. ઉજ્જૈનના મહાકાલેશ્વર મંદિરમાં આરતી કરવામાં આવી હતી. આ દરમિયાન મોટીસંખ્યામાં શિવભક્તો ઉપસ્થિત રહ્યા હતા. વહેલી સવારથી જ શિવાલયો હર હર મહાદેવના નાદથી ગૂંજી ઉઠ્યા છે.

 

મંદસૌરમાં  મોડીરાતથી શિવભક્તોની કતારો લાગી
મંદસૌરના પ્રસિદ્ધ પશુપતિનાથ મંદિર, ભોપાલ નજીકના ભોજપુર શિવ મંદિર, ગ્વાલિયરના અચલેશ્વર મહાદેવ મંદિર અને ઇન્દોરના દેવગુરાડિયા મંદિરમાં ભક્તો માટે વિશેષ વ્યવસ્થા કરવામાં આવી છે. રાજ્યના તમામ જિલ્લાઓના શિવ મંદિરોમાં મહા શિવરાત્રી પર્વની ધામધૂમથી ઉજવણી થઇ રહી છે. એમપીમાં ઉજ્જૈનના મહાકાલ મંદિરની સાથે ખંડવા જિલ્લાના ઓમ કારેશ્વર મંદિર અને મંદસૌરના પશુપતિનાથ મંદિરમાં મોડી રાતથી શિવભક્તોની કતારો જોવા મળી હતી.

 

પીએમ મોદીએ દેશવાસીઓને શુભેચ્છા પાઠવી

પીએમ નરેન્દ્ર મોદીએ મહાશિવરાત્રીના અવસર પર તમામ દેશવાસીઓને શુભેચ્છા પાઠવી છે. તેમણે કહ્યુ કે  મારા દેશના તમામ પરિવારજનોને મહાશિવરાત્રીની શુભકામનાઓ. હું ઇચ્છું છું કે આ મહાન તહેવાર દરેકના જીવનમાં નવી ઉર્જા લાવે અને અમૃતકાલમાં દેશના સંકલ્પોને પણ નવી શક્તિ આપે. જય ભોલેનાથ!

 

કાશી વિશ્વનાથ મંદિરમાં આરતી કરવામાં આવી

મહા શિવરાત્રી નિમિત્તે વારાણસીના કાશી વિશ્વનાથ મંદિરમાં આરતી કરવામાં આવી હતી. તે જ સમયે, પ્રયાગરાજમાં મહા શિવરાત્રી નિમિત્તે સંગમ ઘાટ પર ભક્તોએ પૂજા કરી સ્નાન કર્યુ. અહી અયોધ્યાના નાગેશ્વરનાથ મંદિરમાં પણ ભક્તોએ  પૂજા-અર્ચના કરી હતી.

 

મધ્ય પ્રદેશના ગ્વાલિયરમાં મહાશિવરાત્રીના અવસરે અચલેશ્વર મહાદેવ મંદિરમાં ભક્તોએ પૂજા-અર્ચના કરી હતી.

 

મહાશિવરાત્રી નિમિત્તે ઉત્તરાખંડના હરિદ્વારમાં આવેલા દક્ષેશ્વર મહાદેવ મંદિરે મોટીસંખ્યામાં શ્રદ્ધાળુઓ પહોંચી રહ્યા છે. મંદિરમાં પૂજા માટે ભક્તોની લાંબી કતારો જોવા મળી રહી છે. આ દરમિયાન ભક્તો મહાદેવની સ્તુતિ કરી રહ્યા છે.

વધુ વાંચો: મહાશિવરાત્રી 2024 ના શુભ મહૂર્તઃ આજે મહાશિવરાત્રિ, પૂજા માટે મળશે માત્ર આટલો જ સમય, જાણો મુહૂર્ત અને વિધિ

શ્રી મહાકાલેશ્વર મંદિરમાં આરતી કરવામાં આવી

પૂર્વથી પશ્વિમ અને ઉત્તરથી દક્ષિણ સુધી દેશના તમામ મંદિરોમાં ભક્તો પૂજા માટે પહોચ્યા છે. મહા શિવરાત્રીના અવસરે આંધ્રપ્રદેશના વિજયવાડામાં રામલિગેશ્વર સ્વામી મંદિરમાં ભક્તોએ પૂજા અર્ચના કરી. અહી પંજાબના અમૃતસરના શઇવાલા બાગ ભૈયા મંદિરમાં દર્શન કરવા માટે સવારથી ભક્તોની લાંબી કતારો જોવા મળી રહી છે. જ્યારે મધ્ય પ્રદેશના ઉજ્જૈનમાં શ્રી મહાકાલેશ્વર મંદિરે સવારની આરતી કરવામાં આવી જેના દર્શન માટે મોટીસંખ્યામાં ભક્તો પહોચ્યા હતા.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો