જરૂરી વાત / અપરણિત યુવતીઓ પણ કરી શકે છે કરવા ચોથનું વ્રત! જાણી લો નિયમ અને પૂજા વિધિ

• 13 ઓક્ટોબરે છે કરવા ચોથનું વ્રત 
• અપરણિત યુવતીઓ પણ કરી શકે છે વ્રત 
• જાણી લો નિયમ અને પૂજા વિધિ 

દર વર્ષે કારતક માસના કૃષ્ણ પક્ષની ચતુર્થીના દિવસે કરવા ચોથનું વ્રત કરવામાં આવે છે. આ વખતે કરવા ચોથ 13 ઓક્ટોબરે છે. આ દિવસે પરણીત મહિલાઓ પોતાના પતિના લાંબા આયુષ્ય માટે વ્રત રાખે છે. ઘણી અપરણીત યુવતીઓ પણ પરણીત મહિલાઓ સાથે વ્રત રાખે છે. જો કે, આ માટેના નિયમો અલગ છે.

અપરણીત યુવતીઓ આ રીતે તોડવો ઉપવાસ
અપરણીત યુવતીઓએ ચંદ્રને બદલે તારાઓને જોઈને ઉપવાસ તોડવો જોઈએ. આ દરમિયાન કરવાની જગ્યાએ તે પાણીથી ભરેલા કલશનો ઉપયોગ કરી શકે છે. કરવાનો ઉપયોગ પરણિત મહિલાઓ કરે છે.

લગ્ન નક્કી થયા હોય તેવી યુવતીઓ પણ કરી શકે છે વ્રત 
કરવા ચોથ વ્રતના દિવસે પરણીત મહિલાઓ નિર્જલા વ્રત રાખે છે અને તેમના પતિની રક્ષા અને સૌભાગ્ય માટે પ્રાર્થના કરે છે. જો કે આ વ્રત પરણીત મહિલાઓ માટે માનવામાં આવે છે. પરંતુ જેમના લગ્ન નક્કી થયા છે આવી અપરણીત યુવતીઓ પણ આ વ્રત રાખી શકે છે.

અપરણીત યુવતીઓએ ન કરવો ચાયણીનો ઉપયોગ 
કરવા ચોથ વ્રતના દિવસે પરણિત મહિલાઓ પૂજા દરમિયાન ચાયણીનો ઉપયોગ કરે છે. આવી સ્થિતિમાં કુંવારી છોકરીઓએ ચાયણીનો ઉપયોગ ન કરવો જોઈએ.

શંકર-પાર્વતીની પૂજા કરવી
કરવા ચોથના વ્રતના દિવસે અવિવાહિત કન્યાઓએ શંકર-પાર્વતીની પૂજા કરવી જોઈએ અને વ્રતની કથા સાંભળવી જોઈએ. પરિણીત સ્ત્રીઓ ચંદ્રની પૂજા કર્યા પછી ઉપવાસ તોડે છે એવામાં અવિવાહિત છોકરીઓ માટે ચંદ્રની પૂજા કરવાનું કોઈ વિધાન નથી.

નિર્જળા વ્રત ન કરવું
અપરિણીત છોકરીઓએ કરવા ચોથના દિવસે નિર્જળા વ્રત ન કરવું જોઈએ. અવિવાહિત યુવતીઓ નિરાહાર વ્રત કરી શકે છે. નિર્જળા વ્રતમાં સુહાગન મહિલાઓ પતિના હાથથી પાણી પીને પારણા કરે છે. એવામાં કુંવારી યુવતીઓને નિર્જળા વ્રત ન કરવા જોઈએ.