વિવાદ વધ્યો / 'દરેક ભાષાનો પોતાનો ઇતિહાસ હોય છે' : અજય દેવગણના ટ્વિટ બાદ છેડાયો વિવાદ, એકઠા થયા કર્ણાટકના નેતા, જાણો શું કહ્યું

• અજય દેવગન અને કન્નડ અભિનેતા સુદીપ વચ્ચેની હિન્દી ભાષાનો વિવાદ વધ્યો
• કર્ણાટકના પૂર્વ મુખ્યપ્રધાન સિદ્ધારમૈયાએ આ વિવાદમાં ઝંપલાવ્યું
• હિન્દી રાષ્ટ્રીય ભાષા ક્યારેય ન હતી અને થશે પણ નહીં

હિન્દી ભારતની રાષ્ટ્રીય ભાષા ક્યારેય ન હતી અને થશે પણ નહીં

મહત્વનું છે કે અજય દેવગન અને સુદીપની વચ્ચે ટ્વિટર એક્સચેન્જનું કેન્દ્ર બિંદુ હિન્દી ભાષા જ હતી. કોંગ્રેસ નેતા અને કર્ણાટકના પૂર્વ મુખ્યપ્રધાન સિદ્ધારમૈયાએ કહ્યું, મને કન્નડ હોવા પર ગર્વ છે. દેશની ભાષાના વિવિધતાના વખાણ કરવા દરેક ભારતીયની જવાબદારી છે. દરેક ભાષાનો પોતાનો સમૃદ્ધ ઈતિહાસ હોય છે, જેના પર લોકોને ગર્વ હોય છે. કર્ણાટક કોંગ્રેસના અધ્યક્ષ ડીકે શિવકુમારે પણ આ ચર્ચામાં સામેલ થઇને તેનુ વજન વધાર્યુ છે. તેમણે ટ્વિટ કર્યુ, દેશમાં 19,500 માતૃભાષાઓ બોલવામાં આવે છે. દરેક ભાષામાં ભારત પ્રત્યે પ્રેમ એકજેવો હોય છે. એક ગૌરવપૂર્ણ કન્નડિગા અને એક ગૌરવાન્તિ કોંગ્રેસી તરીકે હું બધાને યાદ અપાવુ છુ કે કોંગ્રેસે ભાષાના આધારે દરેક રાજ્યોનું નિર્માણ કર્યુ. કારણકે કોઈ એક ભાષા બીજી ભાષા પર હાવી ના હોય. અનેકતામાં એકતા. કર્ણાટકના પૂર્વ સીએમ અને જદ એસ નેતા એચડી કુમારસ્વામીએ એક લાંબા ટ્વિટર થ્રેડ પોસ્ટમાં આ મુદ્દા પર તેમની પ્રતિક્રિયા દર્શાવી છે. તેમણે કહ્યું કે અભિનેતા સુદીપના નિવેદનમાં કશું અયોગ્ય નથી. 

એચડી કુમારસ્વામીએ અજય દેવગનના વ્યવહારને જણાવ્યો ઉગ્ર

એચડી કુમારસ્વામીએ પોતાના ટ્વિટમાં લખ્યું, અભિનેતા કિચ્ચા સુદીપનુ એવુ કહેવુ છે કે હિન્દી એક રાષ્ટ્રભાષા નથી, યોગ્ય છે. તેમના નિવેદનમાં ભૂલ શોધવાની કોઈ વાત નથી. અભિનેતા અજય દેવગન ફક્ત સ્વભાવથી હાઈપર છે, પરંતુ તેમનુ ટ્વિટ ગજબ વ્યવહારને પણ દર્શાવે છે. ફક્ત એટલા માટે કે એક મોટી આબાદી હિન્દી બોલે છે, આ એક રાષ્ટ્રભાષા બનતી નથી. 9થી પણ ઓછા રાજ્યોમાં હિન્દી પ્રાથમિક ભાષા તરીકે બોલવામાં આવે છે. કાશ્મીરથી લઇને કન્યાકુમારી સુધી મોટાભાગના રાજ્યોમાં આ બીજી, ત્રીજી ભાષાના રૂપમાં છે અથવા તે પણ નથી. આ સ્થિતિ આવતા અજય દેવગનના નિવેદનમાં શું તથ્યતા છે? ડબ ના કરવાનો તમારો શું અર્થ છે? દેવગને આ મહેસુસ કરવુ જોઈએ કે કન્નડ સિનેમા હિન્દી ફિલ્મ ઉદ્યોગને પછાડી રહ્યો છે. કન્નડિગાઓના પ્રોત્સાહનના કારણે જ હિન્દી સિનેમાનો વિકાસ થયો છે. અજય દેવગને આ ના ભૂલવુ જોઈએ કે તેમની પહેલી ફિલ્મ ફૂલ અને કાંટે બેંગલોરમાં એક વર્ષ સુધી ચાલી હતી.