સ્વાસ્થ્ય / લીવરથી માંડીને હાર્ટ રહેશે હેલ્થી, ફેટ-શુગર પણ નહીં વધે, કારેલા ખાવાના 5 મોટા ફાયદા

• 100 ગ્રામ કારેલાછે પોષકતત્વોનો ખજાનો
• કારેલા ડાયાબિટીસના દર્દીઓ અને સગર્ભા મહિલાઓ માટે આવકારદાયક
• કારેલામાં ઓછી કેલેરી અને સૌથી વધુ ફાઇબરનું પ્રમાણ

કારેલા એક એવી સબ્જી છે જે મોટાભાગના લોકોને પસંદ હોતી નથી અને તેમનું નામ લેતાની સાથે જ મોઢામાં કડવાટનો અનુભવ થાય છે. પરંતુ સ્વાદમાં કડવી લાગતી આ સબજી સ્વાસ્થ્ય માટે ખૂબ ફાયદાકારક છે. કારણ કે કારેલામાં ખૂબ ઓછી કેલેરી અને સૌથી વધુ ફાઇબરનું પ્રમાણ હોવાથી તે ડાયાબિટીસના દર્દીઓ અને ખાસ સગર્ભા મહિલાઓ માટે આવકારદાયક સાબિત થાય છે.

પોષકતત્વોનો ખજાનો ગણાતા કારેલા
પોષકતત્વોનો ખજાનો ગણાતા 100 ગ્રામ કારેલામાં દાવા અનુસાર 17-kcal કેલરી હોય છે. વધુમાં 3.7 ગ્રામ કાર્બોહાઇડ્રેટ અને 2.8 ગ્રામ ફાઇબર હોય છે. તો 10 ગ્રામ પ્રોટીન અને માત્ર 0.2 ગ્રામ જ ચરબી હોય છે, ઉપરાંત 84 મિલિગ્રામ વિટામીન સી ,  471 IU વિટામીન પણ હોય છે. પોટેશિયમ 296 એમજી, કેલ્શિયમ 19 એમજી, આયર્ન 0.38 એમજી અને મેગ્નેશિયમ 17 મિલિગ્રામ હોય છે. જે શરીર માટે ખૂબ જ ગુણકારી હોય છે. 100 ગ્રામ કારેલાનું સેવન કરવાથી તમે વજન ઘટાડી શકો છો અને સુગરને પણ કંટ્રોલમાં લઇ શકાય છે.

બ્લડ સુગર કંટ્રોલમાં આવે છે
100 ગ્રામ કારેલાનું સેવન કરવાથી બ્લડ સુગર આસાનીથી કંટ્રોલમાં આવી શકે છે. ડાયાબિટીસના દર્દીઓ માટે કારેલાને આશીર્વાદરૂપ ગણવામાં આવે છે. કારણ કે તેમાં ચારેન્ટિન અને પોલિપેપ્ટાઇડ-પી જેવા તત્વો હોય છે, જે ઇન્સ્યુલિનના ઉત્પાદનમાં વધારો કરે છે. 

વધતા વજનને પણ કરી શકે છે કંટ્રોલ

સૌથી ઓછી કેલેરી અને વધુ ફાઇબરથી ભરેલા કારેલા વજનને પણ કંટ્રોલમાં કરી શકે છે જે વજન ઘટાડવા માટે ખૂબ જ ઉપયોગી સાબિત થાય છે. ફાઇબરના સેવાનથી ભૂખ સંતોષી શકાય છે. જેથી તે ખૂબ જ ઉપયોગી છે.

લિવર પણ સ્વસ્થ રાખે છે

સર્વેમાં જાણવા મળતા પરિણામ મુજબ કારેલાના સેવનથી લિવર પણ સ્વસ્થ રહે છે અને કારેલામાં ઓક્સિડેવિટ તત્વ હોય છે જે તણાવ દૂર કરી લિવરને કાર્ય કરવામાં મદદરૂપ થાય છે. બીજી બાજુ વિટામીન c થી ભરપૂર કારેલા ઇમ્યુનિટી માટે પણ ખૂબ આવકારદાયક ગણવામાં આવે છે. તેનાથી બીમારીઓથી બચવામા મદદ મળે છે અથવા ઇન્ફેક્શનનો ખતરો પણ ટળી જતો હોય છે.