કંગના રણૌત બોલિવુડની ફેમસ એક્ટ્રેસમાંથી એક છે. બિંદાશ અંદાજમાં પોતાનું નિવેદન આપવાના કારણે કંગનાને કોન્ટ્રોવર્શિયલ ક્વીન તરીકે પણ ઓળખવામાં આવે છે. કંગનાનો જન્મ 23 માર્ચ, 1987એ હિમાચલ પ્રદેશના મનાલીમાં થયો હતો.
આજે પણ તેનો પરિવાર મનાલીમાં રહે છે. કોન્ટ્રોવર્શિયલ ક્વીન કંગનાની બોલિવુડ સુધીની સફર ખૂબ જ મુશ્કેલ રહી હતી. કંગનાએ પોતાના સપનાને પુરા કરવા માટે નાનપણમાં જ ઘર છોડી દીધુ હતું.
કંગનાના જન્મથી ખુશ ન હતા પરિવારના લોકો
કંગનાનો જન્મ હિમાચલ પ્રદેશના મંડી જિલ્લાની પાસે આવેલા સુરજપુરમાં થયો હતો. કંગનાના પિતા અમરદીપ રણૌત એક બિઝનેસમેન હતા. કંગનાએ એક ઈન્ટરવ્યૂમાં કહ્યું હતું કે જ્યારે તે પેદા થઈ તો તેનો પરિવાર ખુશ ન હતો. જ્યારે બીજી બાળકીનો જન્મ થયો છે તે જાણીને પરિવારના લોકો ખુશ ન હતા.
12માં ધોરણમાં ફેલ થઈ હતી કંગના
ઈન્ટરવ્યૂમાં કંગનાએ જણાવ્યું કે તેમના માતા-પિતા તેમને ડોક્ટર બનાવવા માંગતા હતા. પરંતુ તે 12માં ધોરણમાં ફેલ થઈ ગઈ. પરંતુ કંગના બાળપણથી જ એક્ટર બનવા માંગતી હતી. કંગના પોતાના સપનાને પુરા કરવા માટે ઘર છોડીને દિલ્હી આવી ગઈ.
દિલ્હી આવીને કંગનાએ થિએટર ડાયરેક્ટર અરવિંદ ગૌડ પાસેથી એક્ટિંગની ટ્રેનિંગ લીધી. ત્યાર બાદ તે ઈન્ડિયા હેબિટેટ સેન્ટરનો ભાગ બની અને ઘણા સીરિયલ, નાટકમાં કામ કર્યું. તેનું પહેલું નાટક પ્લે ગિરીશ કર્નાડનું રક્ત કલ્યાણ હતું.
વધુ વાંચો: શું કંગના રનૌત બંધાશે લગ્નના બંધનમાં? કહ્યું 'હું પણ એક પરિવાર...'
કોફી પીતી વખતે મળી ગઈ ફિલ્મ
તમને જણાવી દઈએ કે કંગનાને પહેલી ફિલ્મ કોફી પીતી વખતે મળી ગઈ હતી. વર્ષ 2005માં ડાયરેક્ટર અનુરાગ બાસુએ કંગનાને એક કેફેમાં કોફી પીતી વખતે જોઈ હતી. ત્યાર બાદ તેમણે તેને ફિલ્મની ઓફર આપી. વર્ષ 2006માં કંગનાએ થ્રિલર ફિલ્મ ગેંગસ્ટરની સાથે પોતાના કરિયરની શરૂઆત કરી હતી. ગેંગસ્ટર ફિલ્મ માટે કંગનાને બેસ્ટ ડેબ્યૂ એક્ટ્રેસનો ફિલ્મફેર એવોર્ડ મળ્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
