શનિ પ્રકોપ / સુખ-ચેન છીનવાઇ જશે, દુખના પહાડ તૂટી પડશે, કષ્ટદાયક હોય છે શનિની સાડાસાતી, કહેરથી બચાવશે આ આસાન ઉપાય

• કુંડળીમાં શનિની અશુભ સ્થિતિ નુક્સાનકારી
• શનિવારનાં દિવસે શનિદેવને પ્રસન્ન કરવું લાભદાયી
• જ્યોતિષ શાસ્ત્રમાં શનિની સાડાસાતી માટે ઉપાયોનો ઉલ્લેખ

જ્યોતિષ શાસ્ત્રમાં શનિને અશુભ અને ક્રૂર ગ્રહ માનવામાં આવ્યું છે. તેમને કર્મફળનાં દાતા કહેવામાં આવે છે. જે લોકોને કર્મો અનુસાર શુભ કે અશુભ ફળ આપે છે. શનિ કર્મોનાં ન્યાયાધીશ છે. શનિની કૃપા હોય તો વ્યક્તિ જીવનમાં ખૂબ સફળતા મેળવે છે. પણ જો શનિની અશુભ સ્થિતિ હોય તો વ્યક્તિનાં જીવનમાં સતત મુશ્કેલીઓ આવતી રહે છે. ખાસ કરીને શનિની સાડાસાતી વ્યક્તિનું સુખ-શાંતિ બધું છીનવી લે છે. જ્યોતિષ શાસ્ત્રમાં કેટલાક ઉપાયો આપવામાં આવ્યાં છે જેનો ઉપયોગ કરીને શનિનાં પ્રકોપથી બચી શકાય છે.

શનિની સાડાસાતીથી બચવાનાં ઉપાયો

• શનિ મંત્ર "ॐ शं शनैश्चराय नमः" નો ઉચ્ચાર કરવો જોઈએ. દરરોજ આ મંત્રનાં જાપથી સાડાસાતીનાં નકારાત્મક પ્રભાવો ઓછા થઈ શકે છે.
• શનિદેવને કાળા તલ અતિપ્રિય હોય છે. શનિવારનાં દિવસે કાળા તલનું દાન કરવાથી શનિની મહાદશા અને સાડાસાતીથી રાહત મળે છે.
• નીલમ રત્ન ધારણ કરવાથી શનિગ્રહનાં અશુભ પ્રભાવોને ઓછા કરી શકાય છે. જો કે કોઈપણ રત્નને ધારણ કરવાથી પહેલાં જ્યોતિષ જાણકારની સલાહ લેવી જોઈએ.
• શનિવારે શનિની પૂજા કરવાથી શનિની મહાદશાથી છૂટકારો મળે છે. શનિવારનાં દિવસે હનુમાન ચાલીસાનો પાઠ કરવાથી પણ સાડા સાતીનાં અશુભ પ્રભાવો દૂર કરી શકાય છે. હનુમાન ચાલીસાનાં પાઠ શનિની તમામ પીડાઓથી મુક્તિ અપાવે છે.
• શનિવારનાં દિવસે દાન કરવાથી કે ગરીબોને મદદ કરવાથી શનિનાં અશુભ પ્રભાવને ઘટાડવામાં મદદ મળે છે. શનિદેવને લોખંડ, તલ, સરસવાનું તેલ વગેરે અતિપ્રિય હોય છે. આ ચીજોનું દાન કરવાથી ઉગ્ર શનિ શાંત થાય છે.
• શનિવારનાં દિવસે પીપળાનાં ઝાડની પૂજા કરવી જોઈએ અને તેની નીચે દીવો કરવો જોઈએ.