જ્યોતિષ શાસ્ત્ર / સાંજના સમયે પૂજા કરતી વેળાએ ભૂલથી પણ ન કરતા આ કાર્ય, નહીં તો દેવતા થઇ જશે નારાજ

• સનાતન ધર્મમાં પૂજા પાઠનું ખાસ મહત્વ 
• સાંજની પૂજામાં ખાસ રાખો આ ધ્યાન 
• નહીં તો દેવતા થઇ જશે નારાજ

સનાતન ધર્મમાં પૂજા પાઠનું ખાસ મહત્વ જણાવવામાં આવ્યું છે. કહેવાય છે કે કોઈ પણ શુભ અથવા માંગલિક કાર્ય કરતા પહેલા ભગવાન ગણેશની વિધિ વિધાન પૂર્વક પૂજા આરાધના કરવામાં આવે છે. 

સનાતન ધર્મમાં ત્રિકાળ સંધ્યા કરવાનો પણ નિયમ છે. એટલે કે સવારની પૂજા બપોરની પૂજા અને સાંજની પૂજા. આ સમય પૂજા માટે ખૂબ જ ઉપયોગી માનવામાં આવે છે. એટલે કે સંધ્યાના સમયે પૂજા આરાધના કરવાથી અનેક ઘણા લાભની પ્રાપ્તિ થાય છે. 

સાંજની પૂજા છે ખૂબ જ ખાસ 
ધાર્મિક ગ્રંથો અનુસાર ભગવાન શંકર અને માતા પાર્વતી સંધ્યા કાળમાં ધરતી પર વિચરણ કરે છે. માટે સાંજના સમયે પૂજા આરાધના કરતી વખતે અમુક વાતોનું ખાસ ધ્યાન રાખવું જરૂરી છે. જેથી ભગવાન શિવ અને માતા પાર્વતીના આશીર્વાદ પ્રાપ્ત થઈ શકે. 

પૂજા-આરાધના કરવાનું મહત્વ 
સનાતન ધર્મમાં પૂજા-આરાધના કરવાનું ખાસ મહત્વ જણાવવામાં આવ્યું છે. કોઈ પણ પૂજા આરાધના કરવા પહેલા તેમના નિયમોને જરૂર જાણી લેવા જોઈએ. આ પૂજા આરાધના કરવાનું એક વિધાન છે. એક નિયમ છે. જેનું દરેક લોકોએ પાલન કરતા રહેવું જોઈએ. વિધિ વિધાન પૂર્વક પૂજા આરાધના કરવાથી ઘરમાં સુખ સમૃદ્ધિનો વાસ થાય છે. માતા રાણી પ્રસન્ન થાય છે. 

જ્યાં સવારના સમયે ભગવાનની પૂજા આરાધના કરતી વખત ફૂલ ચડાવવું ખૂબ જ શુભ માનવામાં આવે છે. તો બીજી તરફ સંધ્યા કાળમાં પૂજા આરાધના માટે ફૂલ ન તોડવા જોઈએ. શાસ્ત્રોમાં તેને અશુભ માનવામાં આવે છે. 

શંખ અને ઘંટ વગાડવાના નિયમ 
સવારની પૂજામાં શંખ અને ઘંટ વગાડવો જોઈએ. પરંતુ સાંજની પૂજા આરાધના કરતી વખતે શંખ અને ઘંટ ન વગાડવો જોઈએ. ફક્ત આરતી કરતી વખતે જ ઘંટ વગાડવો જોઈએ. માન્યતા છે કે સૂર્યાસ્ત બાદ બધા દેવી દેવતા સુવા જતા રહે છે અને શંખના અવાજથી તેના આરામમાં ખલેલ પહોંચે છે. 

આ નિયમો જાણવા પણ જરૂરી 
શાસ્ત્રો અનુસાર સવારના સમયે સૂર્ય દેવની પૂજા આરાધના કરવામાં આવે છે ત્યાં જ સૂર્યાસ્તના બાદ ગમે ત્યારે સૂર્ય દેવની પૂજા આરાધના ન કરવી જોઈએ. તેના ઉપરાંત સાંજની પૂજા આરાધનામાં ક્યારેય પણ તુલસીનો પ્રયોગ ન કરવો જોઈએ. સૂર્યાસ્ત બાદ તુલસીના પાન ન તોડવા જોઈએ. સાંજના સમયે ભગવાનની પૂજામાં હંમેશા બે દિવા કરવા જોઈએ. જેમાં એક ઘી અને એક તેલનો હોવો શુભ માનવામાં આવે છે.