- ઇન્કમટેક્સ રિટર્ન ફાઇલ કરવાને લઈ મોટી અપડેટ
- ITR ફાઈલ કરવાની છેલ્લી તારીખ 31 જુલાઈ 2023
- 31મી જુલાઈ સુધીમાં ઈન્કમ ટેક્સ રિટર્ન ફાઈલ નહીં કરો તો દંડ
ઇન્કમટેક્સ રિટર્ન ફાઇલ કરવાને લઈ મોટી અપડેટ સામે આવી છે. વાત જાણે એમ છે કે, ઇન્કમટેક્સ રિટર્ન ફાઇલ કરવાની છેલ્લી તારીખ નજીક આવી રહી છે. વ્યક્તિગત રીતે ITR ફાઈલ કરવાની છેલ્લી તારીખ 31 જુલાઈ 2023 છે. આ તારીખ સુધી લોકો નાણાકીય વર્ષ 2022-23માં થયેલી કમાણી જાહેર કરી શકે છે. નોંધનીય છે કે, 31 જુલાઈ આવવામાં માત્ર એક જ દિવસ બાકી છે. આવી સ્થિતિમાં લોકોએ વહેલી તકે તેમનું આવકવેરા રિટર્ન ફાઇલ કરવું પડશે, નહીં તો લોકોને મુશ્કેલીનો સામનો કરવો પડી શકે છે.
દંડ ભરવો પડી શકે છે
વિગતો મુજબ જો લોકો 31મી જુલાઈ સુધીમાં ઈન્કમ ટેક્સ રિટર્ન ફાઈલ નહીં કરી શકે તો લોકોએ દંડ પણ ભરવો પડી શકે છે. જે લોકોની આવક કરપાત્ર છે તેમણે 31મી જુલાઈ સુધીમાં પેનલ્ટી વિના ઈન્કમ ટેક્સ રિટર્ન ફાઈલ કરવાનું રહેશે. નહીં તો લોકોએ લેટ ફી ચૂકવવી પડી શકે છે. કરપાત્ર આવક અનુસાર દંડ 5 હજાર રૂપિયા સુધી હોઈ શકે છે.
છેલ્લી તારીખ લંબાવાશે ?
અગાઉ આવકવેરા વિભાગ દ્વારા આવકવેરા રિટર્ન ફાઈલ કરવાની છેલ્લી તારીખ પણ લંબાવવામાં આવી હતી. જોકે પરંતુ આ વખતે એવું લાગતું નથી. આવકવેરા વિભાગ દ્વારા ITR ફાઇલ કરવાની છેલ્લી તારીખ લંબાવવાનો કોઈ સંકેત આપવામાં આવ્યો નથી. આવી સ્થિતિમાં લોકોએ છેલ્લી તારીખની રાહ જોયા વિના ITR ફાઈલ કરવું જોઈએ. ઘણી વખત છેલ્લી તારીખમાં સર્વરની સમસ્યાનો પણ સામનો કરવો પડી શકે છે.
ઈન્કમ ટેક્સ રિટર્નની સાથે ઈન્કમ ટેક્સ ડિપાર્ટમેન્ટ તરફથી ટ્વીટ કરીને લેટેસ્ટ અપડેટ્સ પણ આપવામાં આવ્યા છે. આવકવેરા વિભાગ તરફથી ટ્વીટ કરીને કહેવામાં આવ્યું છે કે 31 જુલાઈ, 2023 આવકવેરા રિટર્ન ભરવાની છેલ્લી તારીખ છે, આવી સ્થિતિમાં લોકોએ વિલંબ કર્યા વિના ITR ફાઈલ કરવું જોઈએ.
