તાજ છીનવાયો / ટીમ ઈન્ડિયા સાથે ફરી મજાક: ICCએ ટેસ્ટમાં નંબર 1 બનાવી છીનવી લીધો તાજ, જાણો કેમ થયું આવું

• ભારતીય ટીમ સાથે મજાક
• ટીમ ઈન્ડિયા નંબર વનથી સીધા નંબર ૨ પર પહોચી ગઈ
• ICCએ ટેસ્ટના રેન્કિંગમાં નંબર વનનો ખિતાબ આપ્યું હતો

ICC દ્વારા સમયાંતરે ક્રિકેટની ટીમનું રેન્કિંગ લીસ્ટ જાહેર કરવામાં આવતું હોય છે. જેમાં આજે ICCએ ટેસ્ટના રેન્કિંગમાં નંબર વનનો ખિતાબ ટીમ ઈન્ડિયાને આપી રેન્કિંગ લીસ્ટની જાહેરાત કરી હતી. મહત્વનું છે કે આ જાહેરાત બુધવારે બપોરે અંદાજીત ૧.૩૦ વાગ્યા આસપાસ કરી હતી. અને ત્યાર બાદ સમી સાંજ થતાં થતાં ટીમ ઈન્ડિયા નંબર વનથી સીધા નંબર ૨ પર પહોચી ગઈ હતી. અને ઓસ્ટ્રેલિયાની ટીમ નંબર વન બની ગઈ છે.

ICC Test Ranking | થોડા સમય માટે ટીમ ઈન્ડિયા ટેસ્ટમાં નંબર 1, બાદમાં તાજ છીનવાયો#TestCricket #vtvgujarati #VTVCard #India #IndianCricketTeam pic.twitter.com/OgIfHGUYQq

— VTV Gujarati News and Beyond (@VtvGujarati) February 15, 2023

ટીમ ઈન્ડિયા નંબર વનથી સીધા નંબર ૨ પર પહોચી

ICCની વેબસાઈટમાં જે પ્રમાણે અપડેટ કરવામાં આવ્યું તે પ્રમાણે વાત કરીએ ૧૧૫ પોઈન્ટ સાથે ટીમ ઈન્ડિયાને નંબર વન બપોરે અંદાજીત ૧.૩૦ વાગ્યાના સમયે બતાવવામાં આવી હતી. અને ત્યાર બાદ સાંજે ફરી આ રેન્કિંગ લીસ્ટ અપડેટ કરતા ઓસ્ટ્રેલિયાની ટીમ ૧૨૬ પોઈન્ટ સાથે નંબર વન કરતુ રેન્કિંગ લીસ્ટ ફરી નવુ જાહેર કરવામા આવ્યું હતુ. ત્યારે સૌ કોઈ વિચારી રહ્યા છે કે માત્ર થોડા જ કલાકોમાં ટીમ ઈન્ડિયા નંબર વનથી સીધા નંબર ૨ પર કેવી રીતે પહોચી ગઈ.

ટીમ ઈન્ડિયાને નંબર વન બનવા માટે રાહ જોવી પડશે

ટીમ ઈન્ડિયાને હવે ટેસ્ટ રેન્કિંગમાં ફરી એકવાર નંબર વન બનવા માટે રાહ જોવી પડશે. મહત્વની વાત એ છે કે આ પહેલા વર્ષ ૧૯૭૩માં સૌ પ્રથમ વખત ટેસ્ટના રેન્કિંગમાં નંબર વન બની હતી. ત્યાર બાદ ઘણા વર્ષો બાદ એટલે કે વર્ષ ૨૦૦૯માં ટેસ્ટમાં ટોચના સ્થાને એટલે કે નંબર વન બની હતી. ત્યારે ટીમ ઈન્ડિયાના કેપ્ટન તરીકે માહી એટલે કે મહેન્દ્રસિંહ ધોની હતા. ત્યાર બાદ ત્રીજી વખત વિરાટ કોહલીએ આ કરી બતાવ્યું હતુ. ત્યારે વર્ષ ૨૦૧૬માં ટીમ ટોચના સ્થાન પર પહોચી હતી.