IND vs WI / 'ભગવાને કંઇક વધારે...', ટીમ ઇન્ડિયામાં સ્થાન ન મળતા આ ખેલાડીએ આપી ચોંકાવનારી પ્રતિક્રિયા, જુઓ શું કહ્યું

• વેસ્ટઈન્ડિઝના પ્રવાસ માટે ભારતીય ટીમની જાહેરાત
• આ ખેલાડીને ટીમમાં જગ્યા નહીં
• ખેલાડીએ આપ્યું ચોંકાવનારું નિવેદન

વેસ્ટઈન્ડિઝના પ્રવાસ દરમિયાન રમાનાર પાંચ મેચની T20 સીરિઝ માટે ભારતીય ટીમની જાહેરાત કરવામાં આવી તે સમયે કેટલાક ખેલાડીઓને શામેલ કરવામાં આવ્યા નહોતા. જેમાં એક નામ યુવા વિકેટકીપર બેટ્સમેન જિતેશ શર્મા પણ શામેલ છે. આ વર્ષની શરૂઆતમાં શ્રીલંકા અને ન્યુઝીલેન્ડ વચ્ચે રમાયેલ T20 સીરિઝની મેચમાં જિતેશ શર્માને શામેલ કરવામાં આવ્યો હતો, પરંતુ વેસ્ટઈન્ડિઝ સામેની મેચ માટે ટીમમાં શામેલ કરવામાં આવ્યો નથી. 

IPL ની 16મી સીઝનમાં જિતેશ શર્માએ શાનદાર પ્રદર્શન કર્યું હતું. ઘરેલુ ક્રિકેટમાં પણ જિતેશ શર્માએ અત્યાર સુધીમાં શાનદાર પ્રદર્શન કર્યું છે. વેસ્ટઈન્ડિઝ પ્રવાસ માટે જિતેશ શર્માને શામેલ કરવામાં ના આવતા જિતેશ શર્માએ જણાવ્યું છે કે, ભગવાન પાસે તેમના માટે કોઈ સારી યોજના હશે. 

મીડિયા રિપોર્ટ અનુસાર જિતેશ શર્માએ જણાવ્યું છે કે, તેઓ મહેન્દ્રસિંહ ધોની અને એડમ ગિલક્રિસ્ટને આઈડલ માને ચે. ઉપરાંત વિરાટ કોહલી અને રોહિત શર્માને પણ ફોલો કરે છે. તેમને અંબાતી રાયડૂની બેટીંગ ખૂબ જ ગમતી હતી અને તેમની સાથે વિદર્ભ ક્રિકેટ એસોસિએશનમાં વધુ સમય પસાર કર્યો છે. 

જિતેશ શર્માનું નિવેદન
શ્રીલંકા અને ન્યુઝીલેન્ડ સામે T20 સીરિઝ દરમિયાન જિતેશ શર્માને ભારતીય ટીમનો હિસ્સો બનાવવામાં આવ્યો હતો. આ દરમિયાન જિતેશ શર્માએ જણાવ્યું કે, શીખવા માટે આ એક ખૂબ જ સારી તક છે. તમે 28-29 વર્ષના છો, પરંતુ તમારે સતત સુધારો કરવો ખૂબ જ જરૂરી છે. એક મોટા સ્તરે પહોંચ્યા પછી તમને જે ખાલીપણું લાગી રહ્યું છે અને ગેમમાં શીખવા માટે તમારી પાસે અનેક વસ્તુઓ હોય છે.