ખુશખબર / આ દેશમાં કોરોના વાયરસની રસી શોધાઈ ગઈ, હ્યુમન સેલમાંથી વાયરસનો અંત

• ઉંદરો પર સારુ પરિણામ મળ્યું
• માણસો પર રસી પરીક્ષણો સફળ
• વિશ્વમાં 115 સ્થળોએ રસી શોધ ચાલુ છે

જો આ દાવો સાચો સાબિત થાય છે, તો તે વિશ્વ માટે મોટી રાહતની વાત હશે. ઇટાલિયન સમાચાર એજન્સી એએનએસના જણાવ્યાનુંસાર રોમની સ્પાલનજાની હોસ્પિટલમાં ચેપી રોગ સાથે સંકળાયેલ આ રસીનું પરીક્ષણ કરવામાં આવ્યું હતું અને ઉંદરમાં એન્ટિ-બોડી તૈયાર કરવામાં આવ્યું હતું. તે પછી તેનો ઉપયોગ માનવો પર કરવામાં આવ્યો અને તેણે તેની અસર દર્શાવી છે.

ઉંદરો પર સારુ પરિણામ મળ્યું

વૈજ્ઞાનિકોએ ઉંદરો પર રસીનું પરીક્ષણ કર્યું હતું. પ્રથમ રસી પછી જ ઉંદરોની અંદર શરીર એન્ટી બોડિઝ તૈયાર થઈ ગઈ હતી, જે વાયરસને કોષોને સંક્રમિત કરતા અટકાવી છે. આ રીતે પાંચ જુદી જુદી રસીના ઉપયોગથી ઘણી એન્ટિ-બોડીઝ બનાવવામાં આવી. જેમાં સંશોધનકારોએ બે એન્ટિ-બોડીઝની પસંદગી કરી કે જેણે શ્રેષ્ઠ પરિણામો આપ્યા છે.

માણસો પર રસી પરીક્ષણો સફળ

રોમની લાજારો સ્પાલનજાની નેશનલ ઇન્સ્ટિટ્યૂટ ફોર ઇન્ફેક્શન ડિસીઝના સંશોધનકારોએ જણાવ્યું હતું કે જ્યારે આ રસીનો ઉપયોગ માણસો પર કરવામાં આવ્યો હતો, ત્યારે એવું જોવા મળ્યું હતું કે તેણે કોષમાં હાજર વાયરસની હત્યા કરી હતી.

આ સારા સમાચાર એવા સમયે આવ્યા છે જ્યારે કોવિડ -19 સામે ડબ્લ્યુએચઓના નિષ્ણાતોએ દાવો કર્યો છે કે  બની શકે કે એચઆઇવી અને ડેન્ગ્યુની રસી નથી મળી એમ કોરોના વાયરસ રસી પણ ન  મળે.

ઘણા દેશોએ પહેલાથી જ રસી બનાવવાનો દાવો કર્યો છે

એક તરફ અમેરિકા ચીનની વુહાન લેબ પર વિશ્વમાં મોતનો વાયરસ ફેલાવવાનો આરોપ લગાવી રહ્યો છે, બીજી તરફ વિશ્વના ઘણા દેશોની લેબ્સમાં જીવ બચાવવા માટે રસી બનાવવાની હોડમાં લાગ્યા છે. ઓસ્ટ્રેલિયા, બ્રિટન અને જર્મનીએ પણ ઇટાલી પહેલા કોરોના રસી બનાવવાનો દાવો કર્યો છે.

વિશ્વમાં 115 સ્થળોએ રસી શોધ ચાલુ છે

અત્યાર સુધીમાં, વિશ્વમાં છ સ્થળોએ રસીનું ક્લિનિકલ ટ્રાયલ ચાલી રહ્યું છે. જ્યારે વિશ્વમાં 115 સ્થળોએ રસીઓ મળી આવી છે. જો કે, એવું માનવામાં આવે છે કે આ વાયરસની રસી બનવામાં એકથી દોઢ વર્ષનો સમય લાગી શકે છે. આવી સ્થિતિમાં ઇટાલીનો દાવાથી કોરોના સામે લડતા વિશ્વની આશા લઈને આવ્યો છે.