હેલ્થ / બહુ ટ્રાય કર્યું છતાં નથી વધી રહ્યું વજન? દૂધની સાથે આ એક વસ્તુ ખાવાની કરી દો શરૂ, 15 જ દિવસમાં દેખાશે અસર

• વજન વધારવા માટે અપનાવો આ ટીપ્સ
• દૂધ સાથે કરો આ વસ્તુનું સેવન
• શરીર બની જશે સુડોળ અને તંદુરસ્ત

ઘણા લોકો પોતાના શરીરની કમજોરીને કારણે ડગલેને પગલે શર્મ અનુભવતા હોય છે. લાખ કોશિશ કરવા છતાં પણ વજન વધતો નથી. ત્યારે વજન વધારવા માટે વ્યાયામ ઉપરાંત વજન વધારવા માટે કારગત ઉપાય અને માફક ખોરાક મહત્વનો ભાગ ભજવતો હોય છે. ખજૂર, દૂધ સહિતના પૌષ્ટિક તત્વોનો સેવન કરવું જરૂરી છે ઉપરાંત જેટલી ગેલેરી તમે દિવસ દરમિયાન બર્ન કરો છો તેનાથી વધારે કેલેરી વાળો ખોરાકનું સેવન કરવું જરૂરી બને છે.

દૂધ અને ખજૂરનું કોમ્બિનેશન વજન વધારવા માટે રામબાણ

દૂધ અને ખજૂરનું કોમ્બિનેશન વજન વધારવા માટે મહત્વનું સાબિત થઈ શકે છે. રાત્રે સુતા પહેલા દૂધ અને ખજૂરનું સેવન કરવુ સૌથી વધુ ફાયદો થઈ શકે છે  આ ઉપરાંત સવારે દૂધનો સેવન કરવું ફાયદામાં રહે છે. દૂધમાં બે થી ત્રણ ખજૂર મિક્સ કરી અને ધીમા તાપમાનમાં ગરમ કર્યા બાદ સેવન કરવાથી ફાયદો મળી શકે છે.જેની સાથે બદામ અને પિસ્તા તથા કેસર પણ ફાયદામંદ નીવડે છે.

ખજૂરમાં ફાઇબર અને પોટેશિયમ તથા કેલ્શિયમ સહિતના તત્વો હોવાથી તે શરીર માટે અત્યંત ઉપયોગી છે. જેને લઇને ઇમ્યુનિટી સિસ્ટમ પણ વધે છે. ઉપરાંત એનર્જી પણ બનાવી રાખે છે. દૂધમાં કેલ્શિયમ પ્રોટીન અને વિટામિન ડી હોવાથી તે જલ્દી પચી જાય છે અને બ્લડ શુગર લેવલ રાખવામાં મદદ કરે છે.જે લોકો દુબળા પાતળા છે, તે લોકોએ કેળા અને દૂધ મિશ્ર કરીને ખાવા જોઈએ. જેનાથી મેટાબોલિક રેટમાં વૃદ્ધિ થાય છે. શરીરની કેલરીમાં વૃદ્ધિ થાય છે અને વજન ઝડપથી વધે છે. 

દૂધ અને દલિયા

દૂધ અને દલિયા વજન વધારવાની સાથે આરોગ્ય માટે પણ લાભદાયી છે. નિયમિતરૂપે દૂધ અને દલિયાનું સેવન કરવાથી વજન વધે છે. જે લોકો વજન વધારવાનું વિચારી રહ્યા છે, તેમણે તેમની ડાયટમાં દૂધ અને દલિયા જરૂરથી શામેલ કરવા જોઈએ. 

દૂધ અને ભાત

દૂધ અને ભાત વજન વધારવા માટે ખૂબ જ લાભદાયી છે. દૂધ અને ભારત કેલરી તથા કાર્બ્સમાં વૃદ્ધિ કરે છે. પેટ ભરીને ખાવાથી વજન પણ વધે છે. 

દૂધ અને બટાકા

દૂધ અને બટાકામાં ઉચ્ચ માત્રામાં કેલરી અને કાર્બ્સ રહેલા હોય છે. જો તમે વજન વધારવાનું વિચારી રહ્યા છે, તો ડાયટમાં દૂધ અને બટાકા જરૂરથી શામેલ કરવા જોઈએ. 

દૂધ અને મધ

જે લોકોનું શરીર ખૂબ જ પાતળું છે, તેમણે દૂધ અને મધ મિશ્ર કરીને તેનું સેવન કરવું જોઈએ. આ પ્રકારે કરવાથી ઝડપથી વજન વધે છે. ગણતરીના દિવસોમાં તમારું શરીર સુડોળ બની જશે. 

દૂધ અને કિશમિશ

દુબળા પાતળા લોકો માટે દૂધ અને કિશમિશ રામબાણ તરીકે કામ કરે છે. દુધ અને કિશમિશ મેટાબોલિક એક્ટિવિટીમાં વૃદ્ધિ કરે છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.