IPL 2023 / 'રોહિત શર્માએ IPLમાંથી...', મુંબઇ ઇન્ડિયન્સની હાર બાદ સુનીલ ગાવસ્કરની 'હિટમેન'ને સલાહ

• રોહિત શર્માનું IPLમાં ખરાબ પ્રદર્શન 
• પ્રદર્શનને લઈને ગાવસ્કરે આપી સલાહ 
• કહ્યું થોડા સમયનો બ્રેક લઈ લો 

પાંચ વખત ચેમ્પિયન મુંબઈ ઈન્ડિયન્સને મંગળવારે આઈપીએલમાં અમદાવાદના નરેન્દ્ર મોદી સ્ટેડિયમમાં ગુજરાત ટાઈટન્સ વિરૂદ્ધ હારનો સામનો કરવો પડ્યો. આ હાર બાદ ભારતના પૂર્વ કેપ્ટન અને દિગ્ગજ બેટ્સમેન સુનીલ ગાવસ્કરે રોહિત શર્માને એક ખાસ સલાહ આપી છે. તેમણે કહ્યું કે મુંબઈ ઈન્ડિયન્સના કેપ્ટનને થોડા સમય માટે IPLમાંથી બ્રેક લઈ લેવો જોઈએ. 

કોહલીએ પણ ગયા વર્ષે લીધો  હતો બ્રેક 
ભારતના સ્ટાર બેટ્સમેન વિરાટ કોહલીએ પણ ગયા વર્ષે થોડા દિવસનો બ્રેક લીધો હતો. તે ફ્રેશ થઈને પરત ફર્યા અને ફરી જબરદસ્ત ફોર્મમાં ચાલી રહ્યા છે. રોહિત શર્મા મુંબઈના સામે આઠ બોલ પર બે રન બનાવીને આઉટ થઈ ગયા. ગાવસ્કરે હિટમેનને સલાહ આપી છે કે રોહિતને આગામી વિશ્વ ટેસ્ટ ચેમ્પિયનશિપ ફાઈનલ પર વધારે ધ્યાન કેન્દ્રિત કરવું જોઈએ. 

શું કહ્યું સુનીલ ગાવસ્કરે? 
ગાવસ્કરે કહ્યું, "મેં મુંબઈ ઈન્ડિયન્સના બેટ્સમેન ક્રેમમાં અમુક ફેરફાર જોવા માંગું છું. ઈમાનદારીથી હું એમ પણ કહેવા માંગુ છું કે રોહિતે આ સમયે બ્રેક લેવો જોઈએ અને પોતાને વિશ્વ ટેસ્ટ ચેમ્પિયનશિપ ફાઈનલ માટે ફિટ રાખવા જોઈએ. તે અંતમાં અમુક મેચો માટે ફરીથી પરત આવી શકે છે. હાલ તેમણે પોતાને રાહત આપવી જોઈએ. તે થોડા ચિંતિત દેખાઈ રહ્યા છે."

પૂર્વ કેપ્ટને આગળ કહ્યું, "બની શકે છે કે આ સ્તર પર તે વિશ્વ ટેસ્ટ ચેમ્પિયનશિપના વિશે વિચારી રહ્યા હોય. જોકે મને આ વિશે નથી ખબર, મને એવું લાગે છે કે તેમને બ્રેકની જરૂર છે. તે અંતિમ બે ત્રણ મેચમાં પરત ફરે જેથી વિશ્વ ટેસ્ટ ચેમ્પિયનશિપ ફાઈનલ માટે તે પોતાને લયમાં રાખે."