ટેક / આઈફોન લવરનું ખિસ્સું પૂરેપૂરું ઢીલું થશે.! લોન્ચ પહેલા iPhone 15ની કિમંતો થઈ ગઈ લિક, જાણો કેટલી

• એપલ iPhone 15નું લોન્ચિંગ કરશે
• iPhone 15ની એશિયાની કિંમત લીક થઈ
• iPhone 15 Pro Maxની કિંમત સૌથી વધુ

એપલનાં ચાહકો સહિત સમગ્ર દુનિયા આઈફઓન 15 સીરીઝનાં લૉન્ચિંગની રાહ જોઈ રહી છે. તેની લૉન્ચિંગને હજુ એક મહિનાનો સમય બાકી છે પરંતુ એ પહેલાં જ એપલનાં આ આઈફોન 15 સીરીઝની કિંમત લીક થઈ ગઈ છે. એપલ આ સીરીઝમાં  iPhone 15, iPhone 15 Plus, iPhone 15 Pro અને iPhone 15 Pro Max મોડલ્સ લૉન્ચ કરવા જઈ રહી છે. મીડિયા રિપોર્ટ અનુસાર iPhone 15 Pro Max મોડલની કિંમત સૌથી વધારે હોઈ શકે છે.

કિંમતને લઈને માહિતી થઈ લીક
માહિતી અનુસાર બાર્કેલેજની એનાલિસ્ટ ટીમ લૉન્ગે એશિયાની સપ્લાય ચેન કંપનીઓની સાથે વાતચીત કરીને ભવિષ્યવાણી કરી છે કે એપલ આઈફોન 15 Pro મોડલ, હાલનાં 14નાં મોડલની સરખામણીએ વધુ મોંઘો રહેશે. એવું કહેવાઈ રહ્યું છે કે iPhone 15 proની કિંમત Iphone 14 proથી 100 ડોલર વધુ હશે જ્યારે iPhone 15 pro maxની કિંમત Iphone 14 pro maxથી 100-200 ડોલર વધારે હશે.

શું હશે કિંમત?
લીક થયેલી ખબર અનુસાર iPhone 15 અને iPhone 15 plusની કિંમત પહેલાની જેમ 799-899 ડોલર રહેશે. આ સિવાય iPhone 15 proની કિંમત 1099 ડોલર જ્યારે iPhone 15 Pro maxની કિંમત 1299 ડોલર થઈ શકે છે.

કેવા હશે ફીચર?
લીક થયેલી માહિતી અનુસાર iPhone 15 pro maxમાં પેરિસ્કોપ ટેકનોલોજીની સાથે એડવાન્સ ટેલીફોટો લેંસ રહેશએ જે આઈફોન 14 પ્રો મોડલનાં 3xની તુલનામાં 5-6x સુધી ઝૂમ કરી શકશે. નાનાં આઈફોન પ્રોમાં આ પ્રકારની સુવિધા મળશે નહીં. પ્રો મોડલમાં USB-C પોર્ટ, ટાઈટેનિયમ ફ્રેમ અને કસ્ટમાઈઝ એક્શન બટન, A17 બાયોનિક ચિપ હોઈ શકે છે.

iPhone 15ની ડિઝાઇન અલગ હશે
થોડા વર્ષો પહેલા એક તસવીર વાયરલ થઈ હતી જેમાં iPhone 14 સિરીઝ કર્વ સાથે બતાવવામાં આવી હતી, પરંતુ લૉન્ચ ફ્લેટ પેનલ સાથે થયું હતું. હવે એવું કહેવામાં આવી રહ્યું છે કે iPhone 15માં iPhone 5cની જેમ કર્વ ધાર હશે. પરંતુ કંપનીએ આ અંગે કોઈ પુષ્ટિ કરી નથી. આ અફવાના આગમન પછી, લોકપ્રિય ટિપસ્ટર LeaksApplePro એ જણાવ્યું છે કે Apple હજુ પણ iPhone 15 ની ડિઝાઇન બદલવાની પુષ્ટિ કરી નથી.