- બાળકીઓ માટે શરૂ કરવામાં આવેલી સરકારની સ્કીમ પોપ્યુલર થઈ
- આ સ્કીમમાં રોકાણ કરવાથી સારા રિટર્નની સાથે ટેક્સ બેનિફિટ મળે છે
- જાણો, આ સ્કીમમાં કેટલું રોકાણ કરી શકાય છે
આ લોકો ખોલાવી શકે છે એકાઉન્ટ
10 વર્ષથી નાની ઉંમરના બાળકીના નામ પર આ એકાઉન્ટ ખોલાવી શકે છે. બાળકીના માા-પિતા અથવા ગાર્ડિયન બાળકીના નામ પર આ એકાઉન્ટ ખોલાવી શકે છે. તમે મહત્તમ બે બાળકીઓના નામ પર SSY Account ખોલાવી શકો છો. જો કે, Twins અથવા Tripletsના જન્મ જેવી અસાધારણ પરિસ્થિતિઓમાં બેથી વધુ એકાઉન્ટ ખોલાવી શકાય છે. જો તમે તમારી દીકરીના નામ પરથી Sukanya Samriddhi Account ઓપન કરાવવા માગો છો તો તેના માટે તમારે અમુક ડોક્યુમેન્ટની જરૂર પડે છે. સુકન્યા સમૃદ્ધી યોજના હેઠળ એકાઉન્ટ ખોલાવવા માટે બાળકીના બર્થ સર્ટીફિકેટ અને માતા-પિતા અથવા ગાર્ડિયનના બેસિક કેવાઈસી ડોક્યુમેન્ટની જરૂર પડે છે.
.jpg)
દર વર્ષે ઓછામાં ઓછા 250 રૂપિયા જમા કરાવવા પડશે
તમે અંદાજે 250 રૂપિયાના ઈન્વેસ્ટમેન્ટની સાથે આ એકાઉન્ટ ઓપન કરાવી શકો છો. તમારે દર વર્ષે ઓછામાં ઓછા 250 રૂપિયા જમા કરાવવા પડે છે. જો તમે આવુ નહીં કરો તો તમારું એકાઉન્ટ ડિફોલ્ટ એકાઉન્ટ જાહેર કરી દેવામાં આવે છે. તમે એક એકાઉન્ટમાં એક નાણાંકીય વર્ષમાં મેક્સિમમ 1.5 લાખ રૂપિયાનું રોકાણ કરી શકો છો. જો તમે લિમિટથી વધુ રકમનું રોકાણ કરો છો તો મોટાભાગની રકમ પર વ્યક્તિને કોઈ પણ પ્રકારનું વ્યાજ મળતુ નથી. આ સ્કીમમાં રોકાણ પર સેક્શન 80C હેઠળ ટેક્સ બેનિફીટ્સ મળે છે. સરકાર દર ત્રણ મહિનાની શરૂઆત પહેલા SSY સહિત બધા સ્મૉલ સેવિંગ સ્કીમ્સ માટે વ્યાજ દરની જાહેરાત કરે છે. આ સમયે સુકન્યા સમૃદ્ધી યોજના માટે વ્યાજના દર 7.6 ટકા છે.
