BIG NEWS / ભારતના મોસ્ટ વૉન્ટેડ ખાલિસ્તાની આતંકીની કેનેડામાં હત્યા, NIAએ જાહેર કર્યું હતું 10 લાખનું ઇનામ

• કુખ્યાત ખાલિસ્તાની આતંકવાદી હરદીપ સિંહ નિજ્જરની કેનેડામાં હત્યા
• બ્રિટિશ કોલંબિયા પ્રાંતના સરે શહેરમાં કરવામાં આવી હત્યા 
• હરદીપ સિંહ નિજ્જર ઉપર હતું 10 લાખ રૂપિયાનું ઈનામ 

બ્રિટિશ કોલંબિયા પ્રાંતના સરે શહેરમાં કુખ્યાત ખાલિસ્તાની આતંકવાદી અને 10 લાખ રૂપિયાનું ઈનામ ધરાવનાર હરદીપ સિંહ નિજ્જરની ગોળી મારીને હત્યા કરવામાં આવી છે. અત્યાર સુધીની પ્રાપ્ત માહિતી અનુસાર નિજ્જરને ગુરુદ્વારા પાસેના પાર્કિંગમાં ગોળી મારીને હત્યા કરવામાં આવી હતી. ગુપ્તચર એજન્સીના સૂત્રોના જણાવ્યા અનુસાર. જે સમયે નિજ્જરની ગોળી મારીને હત્યા કરવામાં આવી હતી તે સમયે તેની સાથે વધુ બે લોકો હતા. હાલ તપાસ એજન્સીઓ હુમલાખોરોની ઓળખ મેળવવાની કવાયતમાં છે અને મૃતકની સત્તાવાર ઓળખની પ્રક્રિયા પણ ચાલી રહી છે.
 
ગુપ્તચર એજન્સીના સૂત્રોના જણાવ્યા અનુસા ખાલિસ્તાની આતંકવાદી હરદીપ સિંહ નિજ્જર ઘણા વર્ષોથી કેનેડામાં રહેતો હતો અને ત્યાંથી ભારત વિરુદ્ધ ખાલિસ્તાની આતંકવાદને વેગ આપતો હતો. ગુપ્તચર સૂત્રોના જણાવ્યા અનુસાર, નિજ્જર છેલ્લા એક વર્ષમાં ભારતીય તપાસ એજન્સીઓ માટે વધુ મોટો માથાનો દુખાવો બની ગયો હતો. કારણ કે તેણે લોરેન્સ બિશ્નોઈ ગેંગના ઓપરેટિવ્સને વિદેશમાં લોજિસ્ટિક્સ અને પૈસા આપવાનું શરૂ કર્યું હતું.

ભારત સરકારે નિજ્જરને જાહેર કર્યો હતો આતંકવાદી 
થોડા દિવસો પહેલા ભારત સરકારે હરદીપ સિંહ નિજ્જરને ડેઝિગ્નેટેડ આતંકી જાહેર કર્યો હતો. થોડા મહિના પહેલા નિજ્જરના બે સહયોગીઓની ફિલિપાઈન્સ અને મલેશિયામાંથી ધરપકડ કરવામાં આવી હતી. હરદીપ સિંહ નિજ્જર ઉ.વ. પિયારા સિંહ મૂળ VPO ભરસિંહપુર, થાણા, ફિલૌર, જલંધર જિલ્લાના રહેવાસી છે.

નિજ્જર ભારતમાં આતંકી હુમલાની બનાવી રહ્યો હતો યોજના 
નિજ્જર લાંબા સમયથી કેનેડામાં રહેતો હતો. નિજ્જર ભારતમાં મોટા આતંકવાદી હુમલાનું કાવતરું ઘડી રહ્યો હતો. હરદીપ સિંહ નિજ્જર આવી ઘણી પ્રવૃત્તિઓમાં સામેલ છે, જે ભારતની સાર્વભૌમત્વ અને અખંડિતતા માટે નુકસાનકારક છે. તે શીખ યુવાનોને હથિયારો અને દારૂગોળો ખરીદવા અને ભારતમાં આતંકવાદી પ્રવૃત્તિઓ કરવા માટે નાણાં મેળવવાની તાલીમ આપતો હતો.