સંકટ / યુક્રેનમાં ફસાયેલા ભારતીયો શું કરે? સરકારે આપી એડવાઇઝરી અને હેલ્પલાઈન નંબર

• રુસે કર્યો યૂક્રેન પર હુમલો 
• યૂક્રેનમાં ભારતીય નાગરીકો ફંસાયા 
• ભારતીય દૂતાવાસની સલાહ 

રુસે ગુરુવારે યૂક્રેન પર હુમલાઓ શરુ કર્યા છે. આ દરમિયાન યૂક્રેનમાં મોટી સંખ્યામાં રહેલા ભારતીય નાગરીકો ત્યાં ફસાઈ ગયા છે. યૂક્રેનમાં ભારતીય દૂતાવાસે ભારતીય નાગરિકોને કહ્યું છે કે યૂક્રેનમાં વર્તમાન સ્થિતિ ઘણી અનિશ્ચિતતાઓથી ભરેલ છે. તમે અત્યારે જ્યાં છો, ત્યાં શાંતિ તથા સુરક્ષા સાથે રહો. 

ઘણા દિવસોથી જે આશંકા હતી, આખરે એ જ થયું. રુસ તથા યૂક્રેન વચ્ચે જંગની શરૂઆત થઇ ગઈ છે. ગુરુવારે રુસે યૂક્રેન પર સૈન્ય કાર્યવાહી આદેશ આપ્યો, જ્યાર બાદ યૂક્રેનમાં અત્યાર સુધી ઘણી તબાહી મચી છે. યૂક્રેનમાં મોટી સંખ્યામાં ભારતીય છાત્રો પણ ફંસાયા છે, જેમને ગયા કેટલાક દિવસોથી એરલિફ્ટ કરવાનું કામ ચાલી રહ્યું છે. હજુ પણ યૂક્રેનમાં ફંસાયેલ ભારતીય છાત્રો માટે કેંદ્ર સરકારે એડવાઈઝરી જાહેર કરી છે. 

યૂક્રેનમાં ભારતીય દૂતાવાસે ભારતીય નાગરિકોને કહ્યું છે કે યૂક્રેનમાં વર્તમાન સ્થિતિ ઘણી અનિશ્ચિતતાઓથી ભરેલ છે. તમે જ્યાં હોવ, ત્યાં શાંતિ તથા સુરક્ષા સાથે રહો. પછી તે તમારું ઘર હોય, હોસ્પિટલ હોય, હોટલ હોય કે બીજું કઈ. એડવાઈઝરી જાહેર કરતા યૂક્રેનની રાજધાની કીવમાં સ્થિત ભારતીય દૂતાવાસે આગળ કહ્યું કે જે કોઈપણ કીવની યાત્રા કરી રહ્યા છે, તેમને સલાહ આપવામાં આવે છે તે પાછા પોતાના શહેર આવી જાય. આ ઉપરાંત અન્ય જાણકારીઓ માટે આગળના સૂચનો જલ્દી જ જાહેર કરવામાં આવશે. 

આ સાથે જ સરકારે યૂક્રેનમાં ફંસાયેલ ભારતીય નાગરીકો માટે હેલ્પલાઇન નંબર્સ પણ જાહેર કર્યા છે. આ ટોલ ફ્રી નંબર્સ છે, જેનાં માધ્યમથી વર્તમાન સ્થિતિ પર અધિક જાણકારીઓ મેળવી શકાય છે. 
 

ફોન નંબર: 

• 1800118797
•  +91-11-23012113
•  +91-11-23014104
•  +91-11-23017905.  

જ્યારે, સરકારે મદદ માટે [email protected] મેલ આઈડી પણ જાહેર કર્યું છે.