હિરોશિમા / 'માનવ કલ્યાણ, શાંતિ અને સમૃદ્ધિ માટે કામ કરતા રહીશું ', Quad સમિટમાં બોલ્યાં પ્રધાનમંત્રી મોદી

• Quad Summitમાં PM મોદીએ આપ્યું નિવેદન
• કહ્યું ઈન્ડો પેસિફિકની સુરક્ષા અને સફળતા વિશ્વ માટે મહત્વની..
• 2024માં ક્વોડ સમિટી ભારતમાં યોજવાની પણ કરી વાત

તેમણે કહ્યું કે ક્વોડ ગ્રુપે સ્થિરતા, શાંતિ અને સમૃદ્ધિ માટેનાં મહત્વનાં મંચ તરીકે પોતાની સ્થાપના કરી છે. ઈન્ડો-પેસિફિક ક્ષેત્ર એ વૈશ્વિક વ્યાપાર, નવીનતા અને વિકાસનું એક એન્જિન છે. ઈન્ડો પેસિફિકની સુરક્ષા અને સફળતા એ સમગ્ર વિશ્વ માટે મહત્વની છે. 

Speaking at the Quad Leaders' Meeting in Hiroshima. https://t.co/ZKTSzXOPM5

— Narendra Modi (@narendramodi) May 20, 2023

2024માં ક્વોડ લીડર સમિટનું આયોજન ભારતમાં કરવા અમને આનંદ થશે- PM મોદી
તેમણે કહ્યું કે "સ્ટ્રેટેજીક ટેકનોલોજી, હેલ્થ સિક્યોરિટી, મેરીટાઈમ સિક્યોરિટી, કાઉન્ટર ટેરેરિઝમ જેવા ક્ષેત્રોમાં અમારો સહયોગ વધી રહ્યો છે. અનેક દેશ અને સમૂહ પોતાની ઈન્ડો-પેસિફિક રણનીતિની ઘોષણા કરી રહ્યાં છે. આજની આપણી આ બેઠકમાં લોકકેન્દ્રીત વિકાસ સાથે સંકળાયેલા વિષયો પર ચર્ચા કરવાનો અવસર મળ્યો છે. મારું માનવું છે કે  ક્વોડ માનવ કલ્યાણ, શાંતિ અને સમૃદ્ધિ માટે કામ કરવાનાં પ્રયાસો ચાલુ રાખશે. પ્રધાનમંત્રી અલ્બેનીઝને આ સમિતીની અધ્યક્ષતા માટે અભિનંદન આપું છું. 2024માં ક્વોડ લીડર સમિટનું આયોજન ભારતમાં કરવા અમને આનંદ થશે. "

અત્રે ઉલ્લેખનીય છે કે ક્વોડ બેઠકમાં ભારતનાં પ્રધાનમંત્રી મોદી સહિત અમેરિકાનાં પ્રેસિડેન્ટ જો બાઈડન, ઓસ્ટ્રેલિયાનાં પ્રધાનમંત્રી એલ્બેનીઝી અને જાપાનનાં પ્રધાનમંત્રી કિશિદા જોડાયા હતાં.