એશિયા કપ / લંકા જીતવા મેદાને પડ્યાં ભારતના આ 11 વીરલા, એક ગુજરાતી ખેલાડીને પણ તક મળી

• કોલંબોમાં શરુ થઈ ભારત-શ્રીલંકાની મેચ
• શાદુર્લ ઠાકુર ભારતની પ્લેઈંગ ઈલેવનમાંથી બહાર
• શ્રેયર અય્યરને પણ આરામ અપાયો, અક્ષર પટેલને લેવાયો 

 એશિયા કપ 2023માં આજે ભારતીય ટીમ શ્રીલંકા સામે ટકરાશે. આ મેચમાં ભારતીય ટીમ પ્રથમ બેટિંગ કરી રહી છે. ભારતીય ટીમના પ્લેઇંગ-11માં શાર્દુલ ઠાકુરની જગ્યાએ અક્ષર પટેલને તક મળી છે. જો રોહિત શર્માની આગેવાની હેઠળની ટીમ ઈન્ડિયા આ મેચ જીતશે તો તે ફાઈનલમાં પહોંચી જશે. ગઈ કાલે ભારતે પાકિસ્તાન સામે 228 રને જીત મેળવી હતી. આવી સ્થિતિમાં તેનું મનોબળ ઘણું ઉંચુ છે. 

Match Day!

📍 Colombo

🏟️ India 🆚 Sri Lanka

🤝 Super 4⃣s

💻 https://t.co/Z3MPyeL1t7 #TeamIndia | #AsiaCup2023 | #INDvSL pic.twitter.com/l1sSxGAFTX

— BCCI (@BCCI) September 12, 2023

ભારતે ટોસ જીત્યો, શાર્દુલ ઠાકુરને તક ન મળી
ભારતીય ટીમના કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય લીધો છે. શાર્દુલ ઠાકુરની જગ્યાએ ભારતના પ્લેઈંગ-11માં અક્ષર પટેલનો સમાવેશ કરવામાં આવ્યો છે. એટલે કે ભારત આ મેચમાં ત્રણ સ્પિન બોલર કુલદીપ યાદવ, રવિન્દ્ર જાડેજા અને અક્ષર પટેલ સાથે ઉતરી રહ્યું છે.

ભારતની પ્લેઈંગ ઈલેવન: 
રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ (વિકેટકીપર), ઈશાન કિશન, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, જસપ્રિત બુમરાહ, મોહમ્મદ સિરાજ

 શ્રેયર અય્યરને આરામ અપાયો 
બીસીસીઆઈએ કહ્યું કે શ્રેયર અય્યરની તબિયત સારી છે પરંતુ હજુ સુધી તે પીઠની ઈજામાંથી સંપૂર્ણપણે સારો થયો નથી. બીસીસીઆઈ મેડિકલ ટીમ દ્વારા તેને આરામની સલાહ અપાઈ છે અને તે આજે શ્રીલંકા સામેની ભારતની સુપર-4 મેચમાં સ્ટેડિયમમાં હાજર નહીં રહે. 

ભારત વિરુદ્ધ શ્રીલંકાનો  રેકોર્ડ 
ભારત અને શ્રીલંકા વચ્ચે કુલ 165 વન-ડે ઈન્ટરનેશનલ મેચ રમાઈ છે. જેમાંથી ભારતે 96માં જીત મેળવી હતી જ્યારે શ્રીલંકાએ 57માં જીત મેળવી હતી. 11 મેચમાં કોઈ પરિણામ આવ્યું ન હતું અને એક મેચ ટાઈમાં સમાપ્ત થઈ હતી. એશિયા કપના ODI ફોર્મેટમાં બંને ટીમો વચ્ચે લગભગ સમાન સ્પર્ધા રહી છે. એશિયા કપના ODI ફોર્મેટમાં બંને ટીમો વચ્ચે 19 મેચ રમાઈ છે, જેમાંથી ભારતે 9 મેચ જીતી છે, જ્યારે શ્રીલંકાએ 10 મેચ જીતી છે.