સારા સમાચાર / સરકાર ઘટાડશે ટેક્સ ! ખાદ્ય તેલની વધતી કિંમતોથી લોકોને રાહત આપવાની તૈયારી

• આગામી સમયમાં ખાદ્ય તેલના ભાવ ઘટી શકે
• ખાદ્ય તેલો પર ટેક્સ ઘટાડવાનો સરકારનો પ્લાન
• આયાત ડ્યુટી 35 ટકાથી ઘટાડીને ૫ ટકા કરવાની વિચારણા
• આયાત ડ્યુટી ઘટે તો ખાદ્ય તેલ સસ્તું થઈ શકે 

ભારતમાં હાલમાં ખાદ્ય તેલ સહિતની બીજી અને વસ્તુઓની ભારે કિંમતને કારણે મોંઘવારી હાહાકાર મચાવી રહ્યો છે. ખાદ્ય તેલ પણ લોકોની પહોંચી બહાર બની રહ્યું તેટલું મોંઘુ થયું છે. ખાદ્ય તેલોની કિંમતોને અંકૂશમાં લઈને લોકોને રાહત આપવાની દિશામાં સરકાર વિચારણા કરી રહી છે. સૂત્રોના જણાવ્યાનુસાર, સરકાર ટૂંક સમયમાં સ્થાનિક બજારમાં ખાદ્યતેલોની કિંમતોને નિયંત્રિત કરવા માટે ખાદ્ય તેલો પર ટેક્સ ઘટાડી શકે છે.  સૂત્રોએ માહિતી આપી છે કે ભારત સરકાર ટૂંક સમયમાં જ પગલું ભરી શકે છે, કારણ કે યુક્રેન કટોકટી અને ઇન્ડોનેશિયાએ પામ ઓઇલની નિકાસ પર પ્રતિબંધ મૂક્યા બાદ કિંમતોમાં વધારો થયો છે.

India is planning to cut taxes on some edible oils to cool the domestic market after the war in Ukraine and Indonesia’s ban on palm oil exports sent prices skyrocketing https://t.co/GN5weeynj0

— Bloomberg (@business) May 5, 2022

પામતેલની આયાત પરનો સેસ 5 ઘટાથી ઓછો થઈ શકે 

સૂત્રોના જણાવ્યા અનુસાર સરકાર હવે કેનોલા તેલ, ઓલિવ ઓઇલ, રાઇસ બ્રાન ઓઇલ અને પામ કર્નલ ઓઇલ પરની આયાત ડ્યુટી 35 ટકાથી ઘટાડીને ૫ ટકા કરવા પર વિચાર કરી રહી છે. જો આમ થાય તો ખાદ્યતેલોના ભાવમાં મોટો ઘટાડો આવી શકે છે. સરકાર દ્વારા ક્રૂડ પામ ઓઇલ પર બેઝ ઈમ્પોર્ટ ડ્યૂટીને પહેલાથી જ ખતમ કરી દેવામાં આવી છે.

ભાવને અંકુશમાં લેવા ભારતે લીધા આ પગલાં
સરકારે ભાવને અંકુશમાં લેવા અનેક પગલાં લીધાં છે, જેમાં પામ, સોયાબીન તેલ અને સૂર્યમુખીના તેલ પરની આયાત ડ્યૂટીમાં ઘટાડો અને સંગ્રહખોરી અટકાવવા માટે ચીજવસ્તુઓને મર્યાદિત કરવાનો સમાવેશ થાય છે. જો કે, આ પગલાં એટલા સફળ બન્યા નથી કારણ કે વધુ ખરીદીની અટકળોએ આંતરરાષ્ટ્રીય સ્તરે કિંમતોમાં વધારો કર્યો હતો.

સરકારે આયાત ડ્યુટી ઘટાડાની વિચારણા શરુ કરી

નાણા મંત્રાલય અને ઉપભોક્તા બાબતોના મંત્રાલય વચ્ચે પામ ઓઈલ પરની આયાત ડ્યુટી ઘટાડવાના મુદ્દે ચર્ચા ચાલી રહી છે. આગામી થોડા સમયમાં તેની જાહેરાત થઈ શકે છે.