WC 2019 / ભારત-પાકની મેચને લઈને આવી રહ્યા છે ખરાબ સમાચાર, તમારું અનુમાન સાચું છે

ICC વર્લ્ડ કપનું શેડ્યૂઅલ જ્યારથી જાહેર થયું ત્યારથી બંને ટીમના ફેન્સ આ હાઇવૉલ્ટેજ મેચની રાહ જોઇ રહ્યા હતા. જોકે એક રિપોર્ટ અનુસાર, આ મેચમાં વરસાદ વિલન બની શકે છે. વરસાદના કારણે ઇંગ્લેન્ડ અને વેલ્સમાં થઇ રહેલા વર્લ્ડ કપની ઘણી મેચો રદ્દ થઇ ચૂકી છે. વર્લ્ડ કપની 12મી સિઝનમાં અત્યાર સુધી 4 મેચ રદ્દ થઇ ચૂકી છે જેમાં ભારત અને ન્યૂઝીલેન્ડની મેચ પણ શામેલ હતી, જે ગુરુવારે રમાવાની હતી. હવે ભારત-પાકની મેચમાં પણ વરસાદ આવવાની શંકા છે

અત્યાર સુધીના વાતાવરણની વાત કરવામાં આવે તો મૈન્ચેસ્ટરમાં અત્યારે પણ વરસાદ થઇ રહ્યો છે. ત્યારે મેદાન પર પિચ હૉલર કવરથી ઢંકાયેલુ હોય છે, જ્યારે બાકીનું મેદાન ઢાંકવામાં આવતુ નથી. ઘણી મેચોમાં વરસાદ આવ્યા પછી સ્ટેડિયમ સ્ટાફ પણ સતર્કની સાથે પ્રયત્ન કરી રહ્યો છે કે પિચને નુકસાન ના થાય. 

જોકે એવી આશા છે કે, વરસાદ તો રોકાઇ જશે પરંતુ આજે થનારી મેચ માટે મેદાન સજ્જ છે. આ માટો સવાલ છે. જોકે વાતાવરણની વાત કરવામાં આવે તો એક વેબસાઇટ અનુસાર, રવિવારે સવારે સ્થાનિક સમયનુસાર 10-11 (ભારતીય સમય અનુસાર બપોરે 2:30થી 3:30 વચ્ચે) સુધીમાં વરસાદ થવાની શક્યતા છે. આ પછી પણ વાદળ છવાયેલા રહેશે. શું આ સ્થિતિમાં મેદાન સૂકાઈ જશે તે જોવાનું રહ્યુ. ભારતીય સમયનુસાર સાંજે 7:30 દરમિયાન વરસાદ આવી શકે છે.
 

ICCની થઇ રહી છે ટીકા:

વરસાદના કારણે વારંવાર મેચ રદ્દ થવાથી ICCની ટીકા થઇ રહી છે. આ ટૂર્નામેન્ટ દરમિયાન પિચ અને તેની આસપાસના વિસ્તાર જ કવર કરવામાં આવી રહ્યા છે. સમગ્ર મેદાનને ઢાંકવામાં નથી આવતું. આથી વરસાદ રોકાયા પછી પણ મેદાનને તૈયાર થવામાં સમય લાગે છે, આથી મેનેજમેન્ટ પર સવાલ થઇ રહ્યા છે. 

પહેલી વખત આ સ્થિતિ:

વર્ષ 2019 વર્લ્ડ કપમાં પહેલી વખત થઇ રહ્યુ છે કે વરસાદને કારણે મેચ રદ્દ થઇ હોય. અત્યાર સુધી 4 મેચ રદ્દ થઇ શકે છે. આ પહેલા 1979માં 1, 1992માં 2, 1996માં 1, 2003માં 2, 2011માં 1, 2015માં 1 મેચ રદ્દ થઇ હતી.