સફળતા / UNSC પરિષદમાં ભારતને મળી મોટી જીત, પાકિસ્તાન છંછેડાયું

• સુરક્ષા પરિષદમાં અસ્થાયી સભ્ય બન્યું ભારત
• ભારતના પક્ષમાં 184 મત, અસ્થાયી સભ્ય બનવા 128 મતની હતી જરૂર

ઉલ્લેખનીય છે કે ભારતને અસ્થાયી સભ્ય બનવા માટે માત્ર 128 મતની જરૂર હતી. પરંતુ ભારતને પહેલાથી જ આશા હતી કે બુધવારના રોજ સુરક્ષા પરિષદ ચુંટણીમાં દેશની આસાનાથી જીત મળી જશે. જે 2021-22ના કાર્યકાળમાં અસ્થાયી સભ્ય તરીકે સંયુક્ત રાષ્ટ્રના ટોપ નંબરમાં લાવશે. 

ભારત પહેલી વખત 1950માં અસ્થાયી સભ્ય તરીકે ચૂટાંયુ હતું અને આજે આઠમી વખતે વખત ચૂંટાઇને આવ્યું છે. ભારત 2021-22ના સમયગાળા માટે એશિયા-પ્રશાંત શ્રેણીથી અસ્થાયી બેઠક માટે એકમાત્ર ઉમેદવાર હતું. યુએન હેડક્વાર્ટર કોરોના મહામારીના કારણે 15 માર્ચથી જ બંધ હતું. આજે અહીં ત્રણ ચાર ચૂંટણી યોજવામાં આવી હતી. આ સાથે ભારત સંયુક્ત રાષ્ટ્રના શક્તિશાળી 15 સભ્યની સુરક્ષા પરિષદમાં એક અસ્થાયી સભ્ય તરીકે સામેલ થઇ ગયું છે. 

ભારતની આ સફળતાથી પાકિસ્તાન છંછેડાયું

જ્યારે બીજી તરફ પાકિસ્તાનના વિદેશ મંત્રી શાહ મહમૂદ કુરેશીએ કહ્યું કે ભારત હંમેશા આ મંચ પરથી ઉઠાવામાં આવેલા પ્રસ્તાવોને નામંજૂર કરતું રહ્યું છે, ખાસ કરીને કાશ્મીર જેવા મુદ્દાઓને. કાશ્મીરીઓને તેમનો હક્ક આપવામાં આવ્યો નહીં પરંતુ તેમના જુલ્મ હજુ પણ કરવામાં આવી રહ્યો છે. કુરેશીએ કહ્યું કે ભારતી અસ્થાયી સભ્ય બનવાથી કોઇ આભ ફાટી નહીં પડે. પાકિસ્તાન પણ અત્યાર સુધીમાં 7 વખત અસ્થાયી સભ્ય રહી ચૂક્યું છે. 

વસુધૈવ કુટુમ્બકમના લોકાચારને દુનિયા સુધી લાવવામાં મળશે મદદ

સંયુક્ત રાષ્ટ્રના ભારતના સ્થાયી પ્રતિનિધિ ટી એસ ત્રિમૂર્તિએ કહ્યું, પરિષદમાં ભારતની ઉપસ્થિતિથી 'વસુધૈવ કુટુમ્બકમ' ના તેમના લોક વિચાર દુનિયા સુધીમાં લાવવામાં મદદ મળશે.