IND vs WI / 30 બોલમાં 37 રન, 6 વિકેટ બાકી છતાં પણ ટીમ ઈન્ડિયા કેમ હારી આ મેચ? જાણો ક્યાં ભૂલ થઈ

• ટીમ ઈન્ડિયા  વેસ્ટ ઈન્ડિઝ સામેની પહેલી T20માં 4 રનથી હારી
• ભારતીય ટીમે આ પહેલી મેચમાં કઈ ભૂલ કરી હતી
• 30 બોલમાં માત્ર 37 રન બનાવવાના હતા છતાં પણ હારી 

ભારતીય ટીમ ભલે વેસ્ટ ઈન્ડિઝ સામેની પહેલી T20 ઈન્ટરનેશનલ મેચમાં ફક્ત 4 રનથી હારી છે પણ આ નજીકની હાર કોઈ શરમજનક હારથી ઓછી નથી. કારણ કે એક સમયે ટીમ 20મી ઓવર પહેલા જ જીતી રહી હોય તેવું લાગી રહ્યું હતું પણ વાસ્તવમાં એવું ન થયું અને 20 ઓવર પૂરી થતાં ટીમ ઈન્ડિયા મેચ હારી ગઈ હતી. એવામાં હવે એ જાણવું અગત્યનું છે કે ભારતીય ટીમે પાંચ મેચની T20 સીરિઝમાં 0-1થી પાછળ રહ્યા બાદ આ પહેલી મેચમાં કઈ ભૂલ કરી હતી. 

West Indies win the first #WIvIND T20I.#TeamIndia will look to bounce back in the second T20I in Guyana. 👍 👍

Scorecard ▶️ https://t.co/AU7RtGPkYP pic.twitter.com/b36y5bevoO

— BCCI (@BCCI) August 3, 2023

30 બોલમાં માત્ર 37 રન બનાવવાના હતા
એ વાત તો નોંધનીય છે કે ભારતીય ટીમને છેલ્લી 5 ઓવરમાં એટલે કે 30 બોલમાં માત્ર 37 રન બનાવવાના હતા. આ સાથે જ એ સમયે ભારતની માત્ર 4 વિકેટ પડી હતી. એ સમયે કેપ્ટન હાર્દિક પંડ્યા અને સંજુ સેમસન ક્રિઝ પર હતા પણ 16મી ઓવરના પહેલા બોલ પર પંડ્યા આઉટ થતાં જ ટીમ રિકવર કરી શકી ન હતી. પંડ્યા બાદ સંજુ સેમસન અને ટૂંક સમયમાં અક્ષર પટેલ પણ પેવેલિયન પરત ફર્યા હતા. છેલ્લી ઓવરમાં કુલદીપ યાદવ અને અર્શદીપ સિંહ આઉટ થતાં ભારતીય ટીમ 4 રનથી મેચ હારી ગઈ હતી.  

સારી બેટિંગ લાઇન-અપ છતાં 150 રન ન કરી શક્યા?
જો કે, આ હાર ભારતીય ટીમ માટે કોઈ સમસ્યાનું કારણ નહીં હોય કારણ કે ટીમ T20 વર્લ્ડ કપ માટે ક્વોલિફાય થઈ ગઈ છે અને સાથે જ હજુ પણ આ સીરિઝ પણ જીતી શકે છે, કારણ કે ચાર મેચ બાકી છે. જો કે આ પહેલા મેચમાં મળેલી હારથી દરેકને આશ્ચર્ય થાય છે કે જ્યારે સારી બેટિંગ લાઇન-અપ હતી ત્યારે 150 રનનો પીછો કેમ ન કરી શક્યા? લોકોના મનમાં આવા પ્રશ્નો છે કે આ મેચને છેલ્લી ઓવર સુધી કેમ જવા દીધી. શું હાર્દિક પંડ્યાએ 6 નંબર પર ઉતરવું ન જોઈએ? 

5 બેટ્સમેન અને બે ઓલરાઉન્ડર સાથે ઉતરી હતી ટીમ ઈન્ડિયા 
ભારતીય ટીમ આ મેચમાં 5 બેટ્સમેન અને બે ઓલરાઉન્ડર સાથે ઉતરી હતી.આ રીતે 7મા નંબર સુધી માત્ર બેટિંગ હતી જે ઘણી વખત ઘાતક સાબિત થઈ હતી.જો અક્ષર પટેલને મેચ પ્રેક્ટિસ ન મળી હોત તો તેની પાસેથી વધુ અપેક્ષા રાખી શકાય તેમ નથી.આવી સ્થિતિમાં તમારી પાસે હાર્દિક પંડ્યા સહિત માત્ર 6 બેટ્સમેન હતા.આ જ કારણ હતું કે જ્યારે સંજુ સેમસન રનઆઉટ થઈને પેવેલિયન પરત ફર્યો ત્યારે ભારતની હાર લગભગ નિશ્ચિત થઈ ગઈ હતી. 

West Indies hold their nerve and go 1-0 up in the five-match T20I series 👏#WIvIND | 📝: https://t.co/NfcMJQlC3w pic.twitter.com/sMBCfpSh8W

— ICC (@ICC) August 3, 2023

ટીમ ઈન્ડિયાના ખેલાડીઓ બનાવ્યા આટલા રન 
શુભમન ગિલ માત્ર 3 રન બનાવીને આઉટ થયો હતો. 28 રનના સ્કોર પર ઇશાન કિશનના રૂપમાં ભારતને બીજો ઝટકો લાગ્યો હતો. સૂર્યકુમાર પણ 21 રન બનાવીને આઉટ થયો હતો તો ટીમને ચોથો ઝટકો તિલક વર્માના રૂપમાં લાગ્યો હતો. મેચમાં ડેબ્યુ કરનાર વર્મા પણ 22 બોલમા 39 રન કરી પવેલીયન પરત ફર્યો હતો. હાર્દિક પંડયા 19 રન બનાવીને આઉટ થયો હતો. સંજુ સૈમસન પણ 12 રન બનાવીને આઉટ થયો હતો. વધુમાં અક્ષર પટેલના આઉટ થયા બાદમા ટીમ ઇન્ડિયા દબાવમાં આવી હતી. જ્યારે છેલ્લી એક ઓવરમાં ભારતને 10 રનની જરૂર હતી. ત્યારે રોમારીયો શેફર્ડ છેલ્લી ઓવરના પહેલા જ બોલ પર કુલદીપ યાદવને આઉટ કર્યા બાદ ભારતના હાથમાંથી જાણે મેચ જતી જ રહી હતી અને અંતે સીરિઝની પ્રથમ મેચ વેસ્ટ ઈન્ડિઝે 4 રને જીત લીધી હતી.