IND vs WI / ઓવરની બીજી બોલ અને તિલક વર્મા, નિકોલસ પૂરનને આઉટ કરી આંતરરાષ્ટ્રીય કારકિર્દીની પ્રથમ વિકેટ લીધી, જુઓ VIDEO

• ટીમ ઈન્ડિયા વેસ્ટ ઈન્ડિઝ સામે 5મી T20માં 8 વિકેટે હારી
• તિલક વર્માએ આંતરરાષ્ટ્રીય કારકિર્દીની પ્રથમ વિકેટ લીધી 
• હાર્દિક પંડ્યાએ તિલક વર્માને બોલિંગ કરવા આપી 

Tilak Varma 1st Wicket: પાંચમી T20 મેચમાં ભારતનો પરાજય થયો અને આ હાર સાથે ટીમ ઈન્ડિયા T20 સિરીઝ 2-3થી હારી ગઈ છે.  મેચમાં ભલે હાર મળી હોય પણ તિલક વર્મા ફરી એકવાર ચર્ચામાં આવ્યા છે. સારી બેટિંગ કરનાર તિલક આ વખતે બેટિંગ માટે નહીં પરંતુ બોલિંગ માટે ચર્ચાનો વિષય બન્યા છે. 

Maiden International wicket for Tilak Varma....!!!

The biggest positive for India from this series. pic.twitter.com/r0L9nTioNZ

— Johns. (@CricCrazyJohns) August 13, 2023

તિલક વર્માએ આંતરરાષ્ટ્રીય કારકિર્દીની પ્રથમ વિકેટ લીધી 
વાત એમ છે કે પાંચમી T20માં તિલક વર્માએ નિકોલસ પૂરનને આઉટ કરીને તેની આંતરરાષ્ટ્રીય કારકિર્દીની પ્રથમ વિકેટ લીધી હતી અને તેનો પણ વીડિયો સોશિયલ મીડિયા પર વાયરલ થઈ રહ્યો છે. ગઇકાલની એ મેચમાં નિકોલસ પૂરન અને બ્રાન્ડન કિંગે જબરદસ્ત બેટિંગ કરી અને ભારતને હારની નજીક પહોંચાડ્યું હતું. મેચમાં બંને વચ્ચે 107 રનની ભાગીદારી નોંધાઈ હતી. બંનેએ જોરદાર બેટિંગ કરી હતી અને તેની સામે કોઈ બોલર ટકી શક્યા નહતા. 

હાર્દિક પંડ્યાએ તિલક વર્માને બોલિંગ કરવા આપી 
આવી સ્થિતિમાં કેપ્ટન હાર્દિક પંડ્યાએ તિલક વર્માને બોલિંગ કરવા માટે મોકો આપ્યો હતો. તિલકએ આવતાની સાથે જ તેનો કમાલ બતાવ્યો અને પૂરનને આઉટ કરીને તેની આંતરરાષ્ટ્રીય કારકિર્દીની પ્રથમ વિકેટ લીધી હતી.  પૂરને તિલકના બીજા બોલ પર રિવર્સ હિટ રમવાનો પ્રયાસ કર્યો પણ બોલ બેટ પર ન આવ્યો અને ઉપરના કિનારે અથડાઇને લેગ સ્લિપમાં ગયો અને કેપ્ટન હાર્દિકે એક સરળ કેચ લઈને પુરનની ઇનિંગ્સનો અંત લાવ્યો. 

Tilak Varma - the future of team India. pic.twitter.com/2RI5IF2NBM

— Mufaddal Vohra (@mufaddal_vohra) August 8, 2023

તિલક વર્માએ બીજા જ બોલમાં પહેલી વિકેટ લીધી
જો કે અમ્પાયરે નિકોલસ પૂરનને આઉટ આપ્યો ન હતો પણ આ પછી ભારતીય ટીમે ડીઆરએસની મદદ લીધી. નિર્ણય ભારતના પક્ષમાં ગયો અને તિલક વર્માએ પોતાની કારકિર્દીના બીજા જ બોલમાં સિક્સર ફટકાર્યા બાદ બોલિંગના બીજા જ બોલમાં વિકેટ લીધી. પુરને મેચમાં 35 બોલમાં 47 રનની ઇનિંગ રમી હતી જેમાં 1 ફોર અને 4 સિક્સર ફટકારી હતી. આ રીતે તિલકને તેની આંતરરાષ્ટ્રીય કારકિર્દીની પ્રથમ વિકેટ પુરન તરીકે મળી.  

Tilak Varma picks his maiden International wicket in his 2nd ball.

- He gets Pooran. pic.twitter.com/vurRaE9zAB

— Johns. (@CricCrazyJohns) August 13, 2023

જણાવી દઈએ કે પાંચમી T20 પહેલા ભારતીય બોલિંગ કોચે તિલક વર્માને બોલર તરીકે પણ ઉપયોગ કરવાની વાત કરી હતી. બોલિંગ કોચે ખાસ કરીને યશસ્વી જયસ્વાલ અને તિલક વર્મા વિશે વાત કરી અને કહ્યું કે આ બે એવા ભારતીય બેટ્સમેન છે જે આવનારા સમયમાં ભારત માટે મેચોમાં બોલિંગ પણ કરી શકે છે.