IND vs WI / પિતા ઈલેક્ટ્રીશયન, બેટ ઉછીનું માંગીને સેન્ચુરી ફટકારી: હાર્દિક પંડ્યાએ મોકો આપ્યો અને છવાઈ ગયો આ ખેલાડી

• WI સામે T20 સીરિઝની પહેલી મેચમાં ટીમ ઈન્ડિયાને ચાર રનથી હાર મળી 
• ટીમમાં ડેબ્યૂ કરનાર આઈપીએલ સ્ટાર તિલક વર્મા મેચમાં છવાઈ ગયો
• બે બોલમાં સતત બે સિક્સર ફટકારીને તિલકે સૌનું ધ્યાન ખેંચ્યું

Tilak Verma Debut in Team India: ભારત અને વેસ્ટ ઈન્ડિઝ (WI vs IND) વચ્ચેની પાંચ મેચની T20 સીરિઝની પહેલી મેચ ત્રિનિદાદના બ્રાયન લારા ક્રિકેટ સ્ટેડિયમમાં રમાઈ હતી.  વેસ્ટ ઈન્ડિઝ સામેની 5 મેચની સીરિઝની પહેલી મેચમાં ટીમ ઈન્ડિયાનો 4 રને પરાજય થયો હતો. આ મેચમાં પ્રથમ બેટિંગ કરતા વેસ્ટ ઈન્ડિઝે 149 રન બનાવ્યા હતા. જવાબમાં ટીમ ઈન્ડિયા 9 વિકેટ ગુમાવીને 145 રન જ બનાવી શકી હતી. ટીમ ઈન્ડિયા માટે આ મેચ ભલે ખરાબ રહી પણ ભારતીય ટીમમાં ડેબ્યૂ કરનાર આઈપીએલ સ્ટાર તિલક વર્મા પહેલી જ મેચમાં છવાઈ ગયો હતો.

A very good debut match for Tilak.

39 runs from 22 balls when everyone struggled to get going, a star in making. pic.twitter.com/iWgWEbC5sH

— Johns. (@CricCrazyJohns) August 3, 2023

તિલકે 39 રનની ઇનિંગ રમી હતી
ભારતીય ટીમમાં ડેબ્યૂ કરનાર આઈપીએલ સ્ટાર તિલક વર્માએ તેના પહેલા જ મેચમાં છગ્ગો ફટકારીને તેની આંતરરાષ્ટ્રીય કારકિર્દીના પ્રથમ રન બનાવ્યા. તેણે બે બોલમાં સતત બે સિક્સર ફટકારીને બધાનું ધ્યાન ખેંચ્યું હતું. તિલક વર્માએ પોતાની ડેબ્યૂ મેચમાં 22 બોલમાં 39 રનની શાનદાર ઇનિંગ રમી હતી. આ દરમિયાન તેણે ત્રણ જબરદસ્ત સિક્સર અને બે જબરદસ્ત ફોર ફટકારી હતી. આ દરમિયાન તેનો સ્ટ્રાઈક રેટ 177.27 હતો. જણાવી દઈએ કે તિલક વર્માએ આ વર્ષની IPLમાં પોતાની શાનદાર બેટિંગથી સૌનું ધ્યાન ખેંચ્યું હતું.

IPLમાં 343 રન બનાવ્યા
અગાઉ તિલક વર્માએ આ વર્ષની IPL સિઝનમાં શાનદાર બેટિંગ કરી હતી. તેણે મુંબઈ ઇન્ડિયન્સ માટે 11 ઇનિંગ્સમાં 43.88ની એવરેજથી 343 રન બનાવ્યા હતા. આ દરમિયાન તેણે અડધી સદી પણ ફટકારી હતી. તેના પ્રદર્શનના આધારે તેને ટીમ ઈન્ડિયામાં એન્ટ્રી મળી હતી.

Two debutants for #TeamIndia today.

Tilak Varma and Mukesh Kumar are all set to make their T20I debuts for India 👏👏

Go well, boys.#WIvIND pic.twitter.com/o5nMrKycvB

— BCCI (@BCCI) August 3, 2023

તિલક વર્માની સફર સરળ ન હતી
તિલક વર્માની ટીમ ઈન્ડિયામાં એન્ટ્રીની સફર આસાન રહી નથી. હૈદરાબાદના તિલકનો જન્મ 8 નવેમ્બર 2002ના રોજ થયો હતો. તેમના પરિવારની આર્થિક સ્થિતિ સારી ન હતી. તેના પિતા ઇલેક્ટ્રિશિયન તરીકે કામ કરતા હતા. તિલક બાળપણમાં ટેનિસ ક્રિકેટ રમતા હતા. ત્યારે જ કોચ સલામ બાયશની નજર તેના પર પડી અને તેણે તિલકને એકેડેમીમાં મફતમાં ક્રિકેટ શીખવ્યું એટલું જ નહીં પરંતુ તિલકના પિતાને પણ ક્રિકેટ રમવા દેવા માટે સમજાવ્યા.

He dreamt of playing for India 🇮🇳

Today he walked on the field with the #TeamIndia jersey on 👌🏻

Proud moment for young Tilak Varma 👍🏻

Full chat Coming Soon 🔜 on https://t.co/Z3MPyeKtDz #WIvIND | @TilakV9 pic.twitter.com/Up0bLWgkSl

— BCCI (@BCCI) August 3, 2023

તિલકે ઉધાર બેટ વડે સદી ફટકારી હતી
આવી સ્થિતિમાં તિલક વર્માની ક્રિકેટ કારકિર્દી સરળ ન હતી. તેણે ઉછીના બેટથી પ્રેક્ટિસ પણ કરી છે. કોચ સલામ બાયશે તિલકને મફતમાં ક્રિકેટ શીખવ્યું હતું. શરૂઆતમાં તિલક પાસે બેટ ખરીદવાના પૈસા નહોતા. એક વર્ષ સુધી ક્રિકેટ શીખ્યા પછી તિલક ઉધાર બેટ વડે સદી ફટકારી હતી અને એ બાદ ક્યારેય પાછળ વળીને જોયું નથી. તિલકે ચાર વર્ષ સુધી રન બનાવ્યા અને વર્ષ 2021-22માં વિજય મર્ચન્ટ ટ્રોફી સાથે ભારતીય સ્થાનિક ક્રિકેટમાં ડેબ્યૂ કર્યું હતું.