IND vs WI / ટીમ ઇન્ડિયાને મોટો ઝટકો: વધુ એક સ્ટાર પ્લેયર વન-ડે સિરીઝમાંથી 'OUT', BCCIએ જણાવ્યું કારણ"

• આજથી ભારત અને વેસ્ટ ઈન્ડિઝ વચ્ચે ODI શ્રેણી શરૂ થશે
• આ શ્રેણી પહેલા ભારતીય ટીમને એક મોટો ઝટકો લાગ્યો છે
• મોહમ્મદ સિરાજ વેસ્ટ ઈન્ડિઝ સામેની વનડે શ્રેણીમાં નહીં રમે

ટીમ ઈન્ડિયાનો ફાસ્ટ બોલર મોહમ્મદ સિરાજ વેસ્ટ ઈન્ડિઝ સામેની 3 વનડે શ્રેણીમાં નહીં રમે. તે આર અશ્વિન, અજિંક્ય રહાણે, કેએસ ભરત અને નવદીપ સૈની સાથે ભારત પરત ફર્યો છે જેઓ ટેસ્ટ શ્રેણીનો ભાગ હતા. જો કે, સિરાજની વનડે શ્રેણી માટે પસંદગી કરવામાં આવી હતી પરંતુ ટીમ મેનેજમેન્ટે અચાનક તેને આરામ આપવાનો નિર્ણય લીધો છે. મોહમ્મદ સિરાજે પોર્ટ ઓફ સ્પેનમાં ડ્રો થયેલી બીજી ટેસ્ટમાં 5 વિકેટ લીધી હતી અને તે પ્રથમ વખત પ્લેયર ઓફ ધ મેચ તરીકે ચૂંટાયો હતો. તેણે ડોમિનિકા ટેસ્ટમાં પણ 2 વિકેટ લીધી હતી. તે આર અશ્વિન (15) પછી ભારત માટે સૌથી વધુ વિકેટ લેનાર બીજા બોલર હતો.

UPDATE - Mohd. Siraj has been released from Team India’s ODI squad ahead of the three-match series against the West Indies.

The right-arm pacer complained of a sore ankle and as a precautionary measure has been advised rest by the BCCI medical team.

More details here… pic.twitter.com/Fj7V6jIxOk

— BCCI (@BCCI) July 27, 2023

વનડે શ્રેણીમાંથી આરામ આપવાનો નિર્ણય કર્યો

મોહમ્મદ શમીને આરામ આપવામાં આવ્યો હોવાથી સિરાજ પેસ આક્રમણનું નેતૃત્વ કરશે તેવી અપેક્ષા હતી. જેમાં જયદેવ ઉનડકટ, શાર્દુલ ઠાકુર, મુકેશ કુમાર અને ઉમરાન મલિક સિવાય ઓલરાઉન્ડર હાર્દિક પંડ્યાનો સમાવેશ થાય છે. જો કે, વર્કલોડને ધ્યાનમાં રાખીને બીસીસીઆઈએ સિરાજને વેસ્ટ ઈન્ડિઝ સામેની વનડે શ્રેણીમાંથી આરામ આપવાનો નિર્ણય કર્યો છે.  મોહમ્મદ સિરાજ, જે વેસ્ટ ઈન્ડિઝ સામેની T20I શ્રેણીનો ભાગ ન હતો, તેણે બે ટેસ્ટમાં કુલ 7 વિકેટ ઝડપી હતી, જેમાં પોર્ટ-ઓફ-સ્પેન ખાતે ફ્લેટ ટ્રેક પર પ્રથમ દાવમાં 5 વિકેટનો સમાવેશ થાય છે. ઈન્ડિઝની બેટિંગ પડી ભાંગી. આ પ્રવાસ પહેલા, તે ઓસ્ટ્રેલિયા સામે ઓવલ ખાતે રમાયેલી વર્લ્ડ ટેસ્ટ ચેમ્પિયનશિપ ફાઈનલનો પણ ભાગ હતો, જેમાં તેણે પ્રથમ દાવમાં ચાર સહિત મેચમાં કુલ 5 વિકેટ લીધી હતી. તેણે રોયલ ચેલેન્જર્સ બેંગ્લોર માટે IPL 2023માં પણ મહત્વની ભૂમિકા ભજવી હતી. તેણે IPL 2023માં 14 મેચમાં 19 વિકેટ ઝડપી હતી, જે RCB માટે સૌથી વધુ છે. 

pic.twitter.com/uTqCQoY8ck

— BCCI (@BCCI) July 26, 2023

હવે આ ઝડપી બોલર ટીમમાં શાનદાર દેખાવ કરશે

 રવિચંદ્રન અશ્વિન, અજિંક્ય રહાણે, કેએસ ભરત અને નવદીપ સૈની ટેસ્ટ શ્રેણી બાદ પોતાના ઘરે પરત ફર્યા છે. સિરાજ પણ તેની સાથે દેશ પરત ફર્યો છે. હવે સિરાજની ગેરહાજરીમાં માત્ર અનુભવી શાર્દુલ ઠાકુર જ વેસ્ટ ઈન્ડિઝ સામેની વનડે શ્રેણીમાં ફાસ્ટ બોલિંગની આગેવાની કરતો જોવા મળશે. શાર્દુલે અત્યાર સુધી 35 મેચમાં 50 વિકેટ લીધી છે. તેમના સિવાય ઉમરાન મલિક, જયદેવ ઉનડકટ અને મુકેશ કુમાર ઝડપી બોલર તરીકે ટીમમાં સામેલ થશે. મુકેશ કુમાર હવે વનડેમાં ડેબ્યૂની રાહ જોઈ રહ્યો છે. ભારતીય ટીમ મેનેજમેન્ટ પણ સિરાજના રિપ્લેસમેન્ટને લાવવા માંગે છે, કારણ કે તેમની પાસે ઝડપી બોલિંગ ઓલરાઉન્ડર હાર્દિક પંડ્યા પણ છે. ODI બાદ ભારતીય ટીમે વેસ્ટ ઈન્ડિઝના પ્રવાસ પર 5 T20 મેચોની શ્રેણી પણ રમવાની છે. સિરાજ આ શ્રેણીનો ભાગ નથી. આ જ કારણ છે કે તે હવે પોતાના ઘરે પરત ફર્યો છે.

ODI શ્રેણી માટે બંને ટીમો

ભારતીય ટીમઃ

રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, સૂર્યકુમાર યાદવ, સંજુ સેમસન (વિકેટકીપર), ઈશાન કિશન (વિકેટકીપર), હાર્દિક પંડ્યા (વાઈસ-કેપ્ટન), શાર્દુલ ઠાકુર, રવિન્દ્ર જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ, જયદેવ ઉનડકટ, ઉમરાન મલિક, મુકેશ કુમાર.

વેસ્ટ ઈન્ડિઝની ટીમઃ

શાઈ હોપ (કેપ્ટન), રોવમેન પોવેલ (વાઈસ-કેપ્ટન), એલીક અથાનેજ, યાનિક કરિહા, કેસી કાર્ટી, ડોમિનિક ડ્રેક્સ, શિમરોન હેટમાયર, અલઝારી જોસેફ, બ્રાન્ડોન કિંગ, કાયલ મેયર્સ, ગુડાકેશ મોટ્ટી, જેડન સીલ્સ, રોમા , કેવિન સિંકલેર, ઓશેન થોમસ.