IND vs WI / ટીમ ઈન્ડિયા માટે પહેલી ફિફ્ટી ફટકારીને તિલક વર્માએ કર્યું અલગ રીતે સેલિબ્રેશન, કહ્યું 'રોહિત શર્માની દીકરીને વચન આપ્યું હતું..'

• તિલક વર્માએ વેસ્ટ ઈન્ડિઝ સામેની બીજી મેચમાં અડધી સદી ફટકારી
• અડધી સદી ફટકારી અને તેને અલગ રીતે સેલિબ્રેશન કર્યું
• તિલકે રોહિત શર્માની પુત્રી સમાયરાને આપ્યું હતું વચન 

IND vs WI Tilak Varma Celebration: એક મેચ પહેલા જ ટીમ ઈન્ડિયા માટે ઈન્ટરનેશનલ ડેબ્યૂ કરનાર તિલક વર્માએ બીજી મેચમાં જ અડધી સદી ફટકારી હતી. તેને વેસ્ટ ઈન્ડિઝ સામેની પાંચ મેચોની T20 ઈન્ટરનેશનલ સીરિઝની બીજી મેચમાં અડધી સદી ફટકારી અને તેને અલગ રીતે તેનું સેલિબ્રેશન કર્યું હતું. જો કે આ અલગ રીતે કરવામાં આવેલ સેલિબ્રેશનની પાછળનું કારણ પણ તેને જણાવ્યું છે. 

A special fifty 👍

A special celebration for someone special from the Rohit Sharma family ☺️#TeamIndia | #WIvIND | @ImRo45 | @TilakV9 pic.twitter.com/G7knVbziNI

— BCCI (@BCCI) August 6, 2023

અડધી સદી ફટકાર્યા પછી કર્યું અનોખું સેલિબ્રેશન 
એ વાત તો આપણે બધા જાણીએ જ છીએ કે તિલક વર્માએ પ્રથમ મેચમાં પણ સારી ઇનિંગ રમી હતી.જો કે બંને મેચમાં ટીમનો પરાજય થયો હતો પરંતુ બીજી મેચમાં ફિફ્ટી ફટકાર્યા બાદ તિલક વર્માએ અલગ જ ઉજવણી કરી હતી.  તિલક વર્માએ પોતાની અડધી સદી ફટકાર્યા પછી પહેલા બેટને હવામાં લહેરાવ્યું અને પછી બંને હાથના કાંડા ફેરવીને એક નાનકડી ડાન્સ ટાઈપ સેલિબ્રેશન કર્યું.

રોહિત શર્માની પુત્રી સમાયરાને આપ્યું હતું વચન 
વાત એમ છે કે તિલકે આવું એટલા માટે કર્યું કારણ કે તેને રોહિત શર્માની પુત્રી સમાયરાને વચન આપ્યું હતું કે જો તે ક્યારેય સદી અથવા અડધી સદી ફટકારશે તો તે તે જ રીતે ઉજવણી કરશે જેવી રીતે તે સમાયરા સાથે રમે છે. તિલક વર્માએ મુંબઈ ઈન્ડિયન્સ માટે આઈપીએલ રમ્યો હતો અને તેમ તેના દમદાર પર્ફોમન્સ પરથી તેને ટીમ ઈન્ડિયામાં સ્થાન મળ્યું હતું. 

Tilak Varma said, "I had promised Rohit bhai's daughter, Samaira that whenever I score a fifty or a century, I'll do this celebration for her". pic.twitter.com/6xzPLyoRnx

— Mufaddal Vohra (@mufaddal_vohra) August 7, 2023

માત્ર સેમી માટે મેં આમ ઉજવણી કરી
તિલક વર્માએ મેચ પછી કહ્યું, "આ બધું સેમી (સમાયરા) રોહિત ભાઈની પુત્રી વિશે હતું, કારણ કે હું અને સેમી એક સરખા છીએ. અમારા બંનેના સંબંધો ખરેખર ખૂબ સારા છે. તેથી મેં એટલું જ કહ્યું કે જ્યારે પણ હું સદી કે 50 ફટકારીશ ત્યારે  હું પ્રથમ એ રીતે ઉજવણી કરીશ જે રીતે આપણે હંમેશા એકબીજા સાથે રમીએ છીએ ત્યારે કરીએ છીએ. તેથી માત્ર સેમી માટે મેં આમ ઉજવણી કરી."રોહિત શર્માએ ઈન્સ્ટા સ્ટોરીમાં તેની અડધી સદીનો ફોટો પણ શેર કર્યો છે.

Tilak Varma did his and Sammy dance celebration after scoring his 50 🥹❤️ pic.twitter.com/rKRyplSfms

— 𝐑𝐢𝐲𝐚⁴⁵ (@RiyaAgarwal45) August 6, 2023

તિલક વર્માનું શાનદાર પ્રદર્શન 
ટીમ ઈન્ડિયા તરફથી વેસ્ટ ઈન્ડિઝને 153 રનનો ટાર્ગેટ આપવામાં આવ્યો હતો. મેચમાં ભારતીય ટીમે 7 વિકેટ ગુમાવીને 152 રન બનાવ્યા હતા. ટીમ ઇન્ડિયામાં તિલક વર્મા શાનદાર રમ્યો હતો અને તેણે અડધી સદીની ઇનિંગ રમી હતી. તિલકે  41 બોલમાં 51 રન બનાવ્યા હતા. નોંધનીય છે કે  તિલક વર્માની આંતરરાષ્ટ્રીય કારકિર્દીની આ પ્રથમ અર્ધસદી હતી. આ મેચમાં ઈશાન કિશને 27 અને કેપ્ટન હાર્દિક પંડ્યાએ 24 રન બનાવ્યા હતા.