IND vs WI / સતત બે હાર બાદ ગુસ્સે થયો કેપ્ટન હાર્દિક પંડ્યા, કહ્યું 'બેટ્સમેનોએ વધુ જવાબદારી લેવાની જરૂર છે'

• ભારત વેસ્ટ ઈન્ડિઝ સામેની બીજી મેચમાં બે વિકેટે હાર્યું 
• હાર્દિકે બેટ્સમેનોને આ માટે જવાબદાર ઠેરવ્યા 
• કહ્યું બેટ્સમેનોએ વધુ જવાબદારી લેવાની જરૂર છે

IND vs WI Hardik Pandya: બીજી T20માં ભારતને વેસ્ટ ઈન્ડિઝ (WI vs IND) દ્વારા 2 વિકેટે હાર મળી હતી. આ સાથે ટીમ ઈન્ડિયા હવે 5 મેચની T20 સીરિઝમાં 2-0થી પાછળ છે. સતત બે મેચમાં હાર મળ્યા બાદ કેપ્ટન હાર્દિક પંડ્યા નિરાશ થયા છે. હાર બાદ કેપ્ટન હાર્દિકે સીધા બેટ્સમેનોને આ માટે જવાબદાર ઠેરવ્યા છે. હાર્દિકનું માનવું છે કે અમે મેચમાં સારી બેટિંગ કરી ન હતી.'

A close game in the end in Guyana!

West Indies win the 2nd T20I by 2 wickets.

Scorecard - https://t.co/9ozoVNatxN#TeamIndia | #WIvIND pic.twitter.com/jem0j9gMzv

— BCCI (@BCCI) August 6, 2023

બેટ્સમેનોએ વધુ જવાબદારી લેવાની જરૂર છે
મેચ બાદ હાર્દિકે સીધું જ કહ્યુ કે "સાચું કહું તો બેટિંગનું પ્રદર્શનથી જરા પણ ખુશ નથી. અમે 160-170 રન મોટો ટાર્ગેટ બનાવી શક્યા હોત. મેચમાં બેટ્સમેનોએ વધુ જવાબદારી લેવાની જરૂર છે. અમારે સારા પ્રદર્શન માટે ટોચના-7 બેટ્સમેન પર વિશ્વાસ રાખવો પડશે અને આશા છે કે બોલરો મેચો જીતાડશે.' 

હાર્દિકે તિલક વર્માના વખાણ કર્યા 
કેપ્ટન હાર્દિકે વધુમાં કહ્યું કે, "અમારે યોગ્ય સંતુલન હોય તે સુનિશ્ચિત કરવાના રસ્તાઓ શોધવા પડશે પરંતુ સાથે જ બેટ્સમેનોએ વધુ જવાબદારી લેવાની જરૂર છે, ચોથા નંબર પર આવનાર ડાબોડી બેટ્સમેન આપણને વિવિધતા આપે છે. એવું લાગતું નથી કે આ તેની બીજી આંતરરાષ્ટ્રીય મેચ છે." વાસ્તવમાં હાર્દિકે આ વાત તિલક વર્માના વખાણમાં કહી હતી. 

Hardik Pandya said, "we were not good enough with the bat. I thought we could've scored 170 here". pic.twitter.com/4yvEPALbGs

— Mufaddal Vohra (@mufaddal_vohra) August 6, 2023

તિલક વર્માનું શાનદાર પ્રદર્શન 
ટીમ ઈન્ડિયા તરફથી વેસ્ટ ઈન્ડિઝને 153 રનનો ટાર્ગેટ આપવામાં આવ્યો હતો. મેચમાં ભારતીય ટીમે 7 વિકેટ ગુમાવીને 152 રન બનાવ્યા હતા. ટીમ ઇન્ડિયામાં તિલક વર્મા શાનદાર રમ્યો હતો અને તેણે અડધી સદીની ઇનિંગ રમી હતી. તિલકે  41 બોલમાં 51 રન બનાવ્યા હતા. નોંધનીય છે કે  તિલક વર્માની આંતરરાષ્ટ્રીય કારકિર્દીની આ પ્રથમ અર્ધસદી હતી. આ મેચમાં ઈશાન કિશને 27 અને કેપ્ટન હાર્દિક પંડ્યાએ 24 રન બનાવ્યા હતા. 

Hardik Pandya said, "going forward we will keep getting better. It is a learning process which is fine". pic.twitter.com/os6iYj1Loj

— Mufaddal Vohra (@mufaddal_vohra) August 6, 2023