કમળ પૂજા.? / પતિ-પત્નીએ માથું કાપીને હવનકુંડમાં હોમી દીધું, 50 રૂપિયાના સ્ટેમ્પ પેપર સાથે સુસાઇડ નોટ ટીંગાળી, રાજકોટમાં તાંત્રિક વિધિનો વરવો ખેલ

• રાજકોટના વિંછિયામાં અંધશ્રદ્ધાનો કેસ 
• ખેતરમાં તાંત્રિક વિધિમાં પતિ-પત્નીએ જીવન ટુંકાવ્યુ
• બન્નેએ મસ્તક હવન કુંડમાં હોમી દીધા

આધુનિક યુગમાં પણ વરવી આંધળી અંધશ્રદ્ધાના કિસ્સાઓ સામે આવી રહ્યાં છે. આપણે ડામ આપવાના કિસ્સાઓ તો સાંભળતા હોઈ છીએ પરંતુ આજે એક એવો અંધશ્રદ્ધાનો કિસ્સો સામે આવ્યો છે જે વાંચી રૂવાડા ઉભા થઈ જશે. રાજકોટના વિંછિયામાં અંધશ્રદ્ધામાં પતિ-પત્નીએ પોતાનું જીવન હોમી દીધું છે. બંન્નેએ પોતાના મસ્તક હવનકુંડમાં હોમી દીધા છે.

સ્યુસાઈડ નોટ સાથે 50 રૂપિયાનો સ્ટેમ્પ પેપર પણ હતો
રાજકોટના વિંછિયાથી આંધળી અંધશ્રદ્ધાનો કિસ્સો સામે આવ્યો છે. ખેતરમાં તાંત્રિક વિધિ કરીને પતિ-પત્નીએ બન્નેએ પોતાના મસ્તક હવનકુંડમાં હોમીને પોતાનું જીવન ટૂંકાવ્યું છે. પતિ પત્નીની બન્નેની બે સ્યુસાઈડ નોટ પણ મળી આવી છે જે સ્યુસાઈડ નોટ સાથે 50 રૂપિયાનો સ્ટેમ્પ પેપર પણ હતો. બંન્ને નામ હેમુ મકવાણા અને હંસાબેન મકવાણાએ છે જેમણે અંધશ્રદ્ધામાં કહેવાતા શબ્દ કમળ પૂજા કરી પોતાનું જીવન ટૂંકાવ્યું છે.

રાત્રીના સમયે તાંત્રિક પૂજા વિધિ કરી
પાપ્ત વિગતો મુજબ પતિ-પત્ની બંનેએ આ ઘટનાના આગળના દિવસે દીકરા દીકરીને તેના મામાના ઘેર મુકી આવ્યા હતા. ત્યાર બાદ રાત્રીના સમયે તાંત્રિક પૂજા વિધિ કરી હતી. એવી પણ માહિતી છે કે, પતિ-પત્ની છેલ્લા 3 વર્ષથી તાંત્રિક વિધિ કરતા હતા. જે સમગ્ર ઘટનાની જાણ થતાં ઘટનાસ્થળે પોલીસ ટીમ અને મામલતદાર સહિતની ટીમ પહોંચી છે. સમગ્ર મામલે વિંછિયા પોલીસ તપાસ કરી રહી છે.

સળગતા સવાલ
પતિ-પત્નીએ ક્યા કારણોસર કરાવી તાંત્રિક વિધી?
દંપતીએ સ્યુસાઇડ નોટ કેમ રાખી હતી તૈયાર?
50 રૂપિયાના સ્ટેમ્પ પેપરને તાંત્રિક વિધી સાથે શું કનેકશન છે?
હેમુભાઇ અને હંસાબેનને કોઇએ ફસાવ્યા છે?
તાંત્રિક વિધિ કરાવવાનો ઉદેશ્ય શું હતો?
3 વર્ષથી તાંત્રિક વિધિ કરવા પાછળનો હેતું શું હતો?
હવનકુંડમાં પોતાનું મસ્તક હોમવાની ફરજ કોણે પાડી?
તાંત્રિક વિધિ કરાવનારા ક્યારે સકંજામાં આવશે?