અમદાવાદ / વાહ રે AMC.! હાટકેશ્વર બ્રિજ મામલે વિજિલન્સની ચાર્જશીટમાં થયો ઘટસ્ફોટ, લોડ ટેસ્ટ બારોબાર કર્યો, રમત જોઈ ચોંકી જશો

• અમદાવાદમાં હાટકેશ્વર બ્રિજ મામલે AMCના અધિકારીઓની બેદરકારી
• વિજિલન્સ દ્વારા કરવામાં આવેલી ચાર્જશીટમાં થયો ખુલાસો
• પૂર્વ સિટી ઈજનેર હિતેષ કોન્ટ્રાક્ટરે બેદરકારી કરી હોવાનો ખુલાસો

અમદાવાદમાં હાટકેશ્વર બ્રિજ મામલે AMC ના અધિકારીઓની બેદરકારી સામે આવી છે. વિજિલન્સ દ્વારા કરવામાં આવેલી ચાર્જશીટમાં ખુલાસા થયા છે. જેમાં પૂર્વ સિટી ઈજનેર હિતેષ કોન્ટ્રાક્ટરે બેદરકારી કરી હોવાનો ખુલાસો કરવામાં આવી રહ્યો છે. હાટકેશ્વર બ્રિજનો અધિકારીઓએ લોડ ટેસ્ટ ન કર્યો હોવાનો ખુલાસો કર્યો છે. ટેન્ડરમાં લોડ ટેસ્ટ ફરજિયાત છતાં કરવામાં આવ્યો ન હતો. અધિકારીઓએ કોન્ટ્રાક્ટર અને  PMC કન્સલ્ટન્સી બચાવવા ટેસ્ટ કર્યો ન હતો. ત્યારે બ્રિજમાં અનેક વખત ગાબડાં પડવા છતાં યોગ્ય કાર્યવાહિ કરવામાં આવી ન હતી. 

અધિકારીઓની બેદરકારી સામે આવી
હાટકેશ્વર બ્રિજ મામલે AMCના અધિકારીઓની બેદરકારી સામે આવી છે. વિજિલન્સે ચાર્જશીટમાં ખુલાસો કર્યો છે કે પૂર્વ સિટી ઈજનેર હિતેષ કોન્ટ્રાક્ટરે બેદરકારી દાખવી હતી. હિતેષ કોન્ટ્રાક્ટરે હાટકેશ્વર બ્રિજનો લોડ ટેસ્ટ ન કર્યો હોવાનો ખુલાસો કરવામાં આવ્યો છે.. ટેન્ડરમાં લોડ ટેસ્ટ ફરજિયાત હોવા છતાં આ બેદરકારી દાખવવામાં આવી હતી. પૂર્વ સિટી ઈજનેર હિતેષે બ્રિજના કોન્ટ્રાક્ટર અને PMC કન્સલટન્સીને બચાવવા માટે લોડ ટેસ્ટ ન કર્યો હોવાનો ફણ ખુલાસો થયો છે. બ્રિજમાં અનેકવાર ગાબડા પડ્યા બાદ પણ આ મામલે કોઈ કાર્યવાહી હાથ ધરાઈ ન હતી.

કોન્ટ્રાક્ટર સામે પોલીસ ફરિયાદ દાખલ કરવામાં આવી
હાટકેશ્વ બ્રિજ મામલે કોન્ટ્રાક્ટર સામે ફરિયાદ નોંધવામાં આવી છે. કોન્ટ્રાક્ટર અજય એન્જિનિયરિંગ ઈન્ફ્રાસ્ટ્રક્ચર પ્રાઈવેટ લિમિટેડ અને પ્રોજેક્ટ મેનેજમેન્ટ સન્સલ્ટન્સી એસજીએસ ઈન્ડિયા પ્રાઈવેટ લિમિટેડ દ્વારા હલકી ગુણવત્તાનું બાંધકામ કર્યું હોવા મામલે પોલીસ ફરિયાદ કરવામાં આવી રહી છે. તેમજ બંને કંપનીઓ સામે કડક કાર્યવાહિ થાય તે માટે મ્યુનિસિપલ કમિશ્નર દ્વારા પોલીસ ફરિયાદ દાખલ કરવામાં આવી હતી.