ધરપકડ / પડોશીએ ટામેટાં માંગ્યા... પણ મળ્યું મોત...: સુરતમાં ઘાતકી હત્યાની શૉકિંગ ઘટના

• સુરતમાં પાડોશીએ ટામેટા માંગતા યુવકને મોત મળ્યું
• ટામેટા માંગવાના સામાન્ય બાબતમાં બે પડોશીનો ઝઘડો થયો હતો
• ઝઘડાની અદાવતમાં એક પડોશીએ બીજા પડોશીને ચપ્પુના ઘા ઝીંક્યા

 સુરતનાં લસકાણા વિસ્તારમાં પાડોશીએ ટામેટા માંગતા તેને મોત મળ્યું હતું. સુરતનાં લસકાણા વિસ્તારમાં હત્યાની ઘટના બની હતી. ટામેટા માંગવાના સામાન્ય બાબતમાં બે પાડોશીને ચપ્પુના ઘા ઝીંક્યા હતા. ગંભીર ઈજાને પગલે પાડોશીનું ઘટના સ્થળે જ મોત નિપજ્યું હતું.

મૃતક તેમજ હત્યારો બંને મજૂરી કામ કરતા હતા
લસકાણા વિસ્તારમાં રહેતા  બિઘાધરા પાંડવ તેમના પાડોશી કાળુગુરૂ સંતોષગુરૂ સાથે ઝઘડો થયો હતો. જે ઝઘડાની અદાવત રાખી કાળુગુરૂ સંતોષગુરૂએ બિઘાધારાને ચપ્પાના ઘા ઝીંકી મોતને ઘાટ ઉતારી દીધો હતો. મૃતક વિઘાધરા પાંડવ અને હત્યારો બંને જણા મજૂરી કામ કરતા હતા. આ સમગ્ર મામલે સરથાણ પોલીસે હત્યાનો ગુનો નોંધી હત્યારા કાળુગુરૂ સંતોષગુરૂને ઝડપી પાડ્યો હતો.