1994માં અમેરિકન કાઉંસિલ ઑફ યંગ પૉલિટિકલ લીડર્સનાં કાર્યક્રમમાં નરેન્દ્ર મોદીને આમંત્રિત કરવામાં આવ્યું હતું. તે સમયે તેમણે ઈન્ડિયન પોલિટિક્સ, ફોરેન રિલેશન્સ પર વિસ્તારથી વાત કરી હતી.
Share
29 વર્ષ પહેલાં પણ PM મોદીને અમેરિકાએ આપ્યું હતું આમંત્રણ
PM મોદીએ ઈન્ડિયન પોલિટિક્સ, ફોરેન રિલેશન પર કરી હતી વાત
હાલમાં PM મોદી અમેરિકાની યાત્રાએ છે. અમેરિકન રાષ્ટ્રપતિ જો બાઈડનનાં આમંત્રણથી થતી આ તેમની પ્રથમ વિઝિટ છે. 2014માં ભારતનાં પ્રધાનમંત્રી બન્યાં બાદ તેઓ હવે છઠ્ઠી વખત અમેરિકા પહોંચ્યાં છે પરંતુ જાણવા જેવી વાત તો એ છે કે 29 વર્ષ પહેલાં પણ નરેન્દ્ર મોદીને અમેરિકા જવાનો અને પોતાનો વિચાર રાખવાનો મોકો મળ્યો હતો.
1994માં અમેરિકામાં ભાષણ આપ્યું હતું
અમેરિકી વિદેશ વિભાગ અને અમેરિકી યુવા રાજનૈતિક નેતાઓની પરિષદ, અન્ય દેશનાં યુવા નેતાઓને તેમનો અપ્રોચ સમજવા માટે અમેરિકા આમંત્રિત કરે છે. 1994ની સાલમાં અમેરિકન કાઉંસિલ ઑફ યંગ પોલિટિકલ લીડર્સનાં કાર્યક્રમમાં નરેન્દ્ર મોદીને પણ બોલાવવામાં આવ્યું હતું. આ દરમિયાન PM મોદીએ ઈન્ડિયન પોલિટિક્સ, ફોરેન રિલેશન પર વિસ્તારથી વાત કરી હતી. આ દરમિયાન PM મોદીએ અનેક પોલિસી મેકર્સ, પોલિટિકલ લીડર્સ, બિઝનેસમેન, બ્યૂરોક્રેટ્સ સાથે પણ મુલાકાત કરી હતી.
source: G Kishan Reddy FB
જી કિશન રેડ્ડીએ ફોટો કર્યો પોસ્ટ
કેન્દ્રીય પ્રવાસ મંત્રી જી કિશન રેડ્ડીએ 2014માં PM મોદીની અમેરિકાની યાત્રા દરમિયાન આ પોસ્ટ શેર કરી હતી. તેમાં તેમણે લખ્યું હતું કે 1994માં ભારતનાં પ્રધાનમંત્રી નરેન્દ્ર મોદી અમેરિકી યુવા રાજનૈતિક નેતાઓની પરિષદનાં આમંત્રણ પર અમેરિકા ગયાં હતાં. ખાસ વાત એ છે કે તે સમયે પણ જી કિશન રેડ્ડી, ભાજપ નેતા અને પૂર્વ કેન્દ્રીય મંત્રી અનંત કુમાર પણ નરેન્દ્ર મોદીની ટીમનો એક ભાગ હતાં.
2002માં અમેરિકાનાં વીઝા પર પ્રતિબંધ લાગ્યો
2002માં ગુજરાતમાં થયેલ દંગાને લઈને અમેરિકાએ નરેન્દ્ર મોદીને વીઝા આપવાથી ઈનકાર કરી દીધો હતો. 2014 સુધી આ પ્રતિબંધ લાગુ હતો. જો કે તેઓ પ્રધાનમંત્રી બન્યાં જે બાદ તત્કાલીન રાષ્ટ્રપતિ બરાક ઓબામાએ તેમને અમેરિકા આવવાનું આમંત્રણ આપ્યું હતું. આ બાદ PM નરેન્દ્ર મોદીનાં વીઝા પર લાગેલ પ્રતિબંધ દૂર કરવામાં આવ્યો.
