પહેલ / મહામારીમાં દેશ સેવા માટે IFFCOએ કલોલ સ્થિત કારખાનેથી હોસ્પિટલોને મફત ઑક્સિજન આપવાનું કર્યું એલાન

• કલોલ સ્થિત પોતાના કારખાનામાં IFFCO લગાવી રહ્યું છે ઑક્સિજન પ્લાન્ટ
• આ ઑક્સિજન હોસ્પિટલોમાં મફતમાં ઉપલબ્ધ કરાવાશે
• IFFCO મહામારીમાં દેશની મદદ માટે આવા ત્રણ વધુ પ્લાન્ટ સ્થાપશે

IFFCOએ ગુજરાતમાં કલોલ સ્થિત પોતાના કારખાનામાં 200 ક્યૂબિક મીટર પ્રતિ કલાકના ઉત્પાદનની ક્ષમતા વાળો એક ઑક્સિજન પ્લાન્ટ લગાવી રહ્યું છે. IFFCO આ ઑક્સિજન હોસ્પિટલોમાં મફત આપશે. આ કારખાનાથી તૈયાર થનારા એક ઑક્સિજન સિલિન્ડરમાં 46.7 લીટર ઑક્સિજન હશે.

માંગ હોવા પર IFFCOના આ કારખાનાથી દરરોજ 700 મોટા ડી ટાઇપ અને 300 મીડિયમ બી ટાઇપ સિલિન્ડરમાં મેડિકલ ગ્રેડના ઑક્સિજનની સ્પલાઈ કરાશે. આ ઑક્સિજન હોસ્પિટલોમાં મફતમાં ઉપલબ્ધ કરાવાશે. એટલું જ નહીં, IFFCO મહામારીમાં દેશની મદદ માટે આવા ત્રણ વધુ પ્લાન્ટ સ્થાપશે.

राष्ट्र सेवा के क्षेत्र में एक और कदम बढ़ाते हुए #इफको #गुजरात में स्थित अपनी #कलोल इकाई में 200 क्यूबिक एमटीआर / घंटा की क्षमता वाला ऑक्सीजन प्लांट लगा रहा है।इफको द्वारा अस्पतालों को निःशुल्क ऑक्सीजन मिलेगा।एक सिलेंडर 46.7 लीटर का होगा। @narendramodi @PMOIndia @DVSadanandGowda

— Dr. U S Awasthi (@drusawasthi) April 19, 2021

કેવી રીતે થશે સપ્લાઈ?

આના માટે હોસ્પિટલોએ પોતાના ખાલી સિલિન્ડર મોકલવા પડશે. જો કોઇ હોસ્પિટલ ખાલી સિલિન્ડર નથી મોકલતી તો તેને સિલિન્ડર માટે એક સિક્યોરિટી રકમ જમા કરાવવી પડશે. સિલિન્ડરની કેટલીક હોસ્પિટલો સંગ્રહખોરી ન કરે તેના માટે આ વ્યવસ્થા ગોઠવાઇ છે. IFFCOના MD અને CEO ડૉ. એસ. અવસ્થીએ ખુદ ટ્વીટ કરીને આ માહિતી આપી છે.