વિવાદ વધવાના એંધાણ / કિમ જૉંગની બહેને આપી અમેરિકાને ચેતવણી, શાંતિથી ઊંઘવું હોય તો ન કરતા આવી હરકત

• અમેરિકાના વિદેશમંત્રીની દક્ષિણ કોરિયાની મુલાકાત પહેલા ઉ.કોરિયાનું નિવેદન
• કિમ જોંગની બહેનની ટીપ્પણથી બન્ને દેશ વચ્ચેનો વિવાદ વધવાની સંભાવના
• કિમ યો જોંગ ઉત્તર કોરિયાની સૌથી શક્તિશાળી મહિલા 

કિમ યો જોંગનું આ નિવેદન એવે સમયે આવ્યું છે કે જ્યારે અમેરિકાના વિદેશમંત્રી પહેલી વાર દક્ષિણ કોરિયા અને જાપાનની યાત્રા પર આવી રહ્યાં છે. 

ઉત્તર કોરિયાની સરકારી એજન્સી કેસીએનએએ જણાવ્યું કે કિમ યો જોંગે અમેરિકા અને દક્ષિણ કોરિયાના સંયુક્ત લશ્કરી અભિયાનની ઉગ્ર ટીકા કરી છે. કિમ જોંગે કહ્યું કે અમેરિકાની નવી સરકારને સલાહ છે કે અમેરિકા આગામી 4 વર્ષ સુધી શાંતિથી ઊંઘવા માગતો હોય તે અમારા વિસ્તારમાં બારુદની દુર્ગંધથી દૂર રહે. 

ઉત્તર કોરિયાએ હજુ સુધી બાઈડનને પ્રમુખ માન્યા નથી
ઉત્તર કોરિયાએ હજુ સુધી અમેરિકાના નવા પ્રમુખ જો બાઈડનને નવા પ્રમુખ તરીકે સ્વીકાર્યા નથી. અમેરિકાએ કહ્યું હતું કે તે ઉત્તર કોરિયા સાથે રાજદ્વારી સંપર્ક સ્થાપિત કરવાની કોશિશમાં છે. ઉલ્લેખનીય છે કે ઉત્તર કોરિયાના મિસાઈલ અને પરમાણુ હથિયાર કાર્યક્રમ અંગે બન્ને દેશોની વચ્ચે વિવાદ થયેલો છે. ઉત્તર કોરિયા અમેરિકાના રાજદ્વારી સંબંધો સ્થાપવાના પ્રયાસો પર કોઈ જવાબ આપતો નથી. 

અમેરિકા અને દક્ષિણ કોરિયાના સંયુક્ત યુદ્ધાભાસનો વિરોધ

કિમ યો જોંગે ફરી એક વાર અમેરિકા અને દક્ષિણ કોરિયાની સેના વચ્ચેના સંયુક્ત યુદ્ધાભાસ પર વિરોધ વ્યક્ત કર્યો હતો. ઉત્તર કોરિયાનું કહેવું છે કે યુદ્ધાભાસ અમારી પરના કબજાની તૈયારી છે. તેમણે કહ્યું કે દક્ષિણ કોરિયાની સરકાર ફરી એક વાર યુદ્ધ તરફ વધવાનો અને સંકટ તરફ આગળ વધવાનો માર્ગ પસંદ કર્યો છે. 

કિમ યો જોંગ કોરિયાની સૌથી શક્તિશાળી મહિલા 

ઉલ્લેખનીય છે કે કિમ યો જોંગ તાનાશાહ કિમ જોંગની સગી નાની બહેન છે અને તેમની સૌથી નજીક છે. ઉત્તર કોરિયાની સરકારમાં કિમ યો જોંગ ઘણી પ્રભાવશાળી છે.