World cup 2023 / વર્લ્ડકપ જીતનાર ટીમને મળશે 33 કરોડ રૂપિયા: હારી ગયા તો આટલા રૂપિયામાં કરવો પડશે સંતોષ

• વર્લ્ડકપ ફાઈનલમાં ભારત અને ઓસ્ટ્રેલિયાની ટીમો આમને-સામને થશે
• આઈસીસીએ ટૂર્નામેન્ટની શરૂઆત પહેલા જ ઈનામી રકમની જાહેરાત કરી 
• વિજેતા ટીમને રૂ.33.31 કરોડ, હારનારી ટીમને રૂ.16.65 કરોડ મળશે

વર્લ્ડ કપ હવે અંતિમ તબક્કામાં છે. 46 દિવસના આ મોટા ઈવેન્ટમાં ભારતમાં 47 મેચ રમાઈ છે. હવે છેલ્લી અને અંતિમ મેચ અમદાવાદના નરેન્દ્ર મોદી સ્ટેડિયમમાં રમાશે. આ મેચમાં ભારત અને ઓસ્ટ્રેલિયાની ટીમો આમને-સામને થશે. ભારત અત્યાર સુધીમાં બે વખત ચેમ્પિયન બન્યું છે અને ઓસ્ટ્રેલિયા પાંચ વખત ટાઈટલ જીતવામાં સફળ રહ્યું છે. ટીમ ઈન્ડિયાની નજર 12 વર્ષ બાદ વિજેતા બનવા પર છે. આ મેચ જીતનારી ટીમ પર પૈસાનો વરસાદ થશે.

Five match-ups, 10 game changers 😲

The destiny of the #CWC23 Final could well be decided by these epic face-offs on the field 👊

👉 https://t.co/Xb9lHaDeQs pic.twitter.com/bWYPWTfykB

— ICC (@ICC) November 18, 2023

ટુર્નામેન્ટ માટે રૂ. 83.29 કરોડ (US$10 મિલિયન)નું બજેટ

આઈસીસીએ ટૂર્નામેન્ટની શરૂઆત પહેલા જ ઈનામી રકમની જાહેરાત કરી દીધી હતી. તેણે ટુર્નામેન્ટ માટે રૂ. 83.29 કરોડ (US$10 મિલિયન)નું બજેટ નક્કી કર્યું હતું. તેમાંથી વિજેતા ટીમને 33.31 કરોડ રૂપિયા (ચાર મિલિયન યુએસ ડોલર) મળશે. સાથે જ ફાઈનલમાં હારનારી ટીમને 16.65 કરોડ રૂપિયા (બે મિલિયન યુએસ ડોલર)થી સંતોષ માનવો પડશે.

Two captains. One trophy 🏆

Who will lift the ultimate prize?#CWC23 pic.twitter.com/nV6aDzxl5q

— ICC (@ICC) November 18, 2023

સેમી ફાઈનલ અને ગ્રુપ રાઉન્ડમાં હારેલી ટીમોને પણ પૈસા મળ્યા હતા

સેમિફાઇનલમાં હારેલી ટીમોને રૂ. 6.66 કરોડ (US$800,000) મળ્યા હતા. દક્ષિણ આફ્રિકા અને ન્યુઝીલેન્ડને સેમીફાઈનલમાં હારનો સામનો કરવો પડ્યો હતો. આ સાથે જ ગ્રૂપ રાઉન્ડમાં બહાર થઈ ગયેલી છ ટીમો પાકિસ્તાન, અફઘાનિસ્તાન, ઈંગ્લેન્ડ, શ્રીલંકા, બાંગ્લાદેશ અને નેધરલેન્ડને પણ પૈસા મળ્યા છે. આ છ ટીમોને રૂ. 83.29 લાખ (US$100,000) મળ્યા હતા.

It all comes down to 𝙊𝙣𝙚 𝘿𝙖𝙮 🤩#CWC23 #INDvAUS pic.twitter.com/yCJAxRoDCK

— ICC (@ICC) November 18, 2023

સેમીફાઈનલમાં ભારતે ન્યુઝીલેન્ડને હરાવ્યું હતું

ભારતે સેમીફાઈનલમાં ન્યુઝીલેન્ડને હરાવીને ફાઈનલની ટિકિટ બુક કરી લીધી છે. આ સાથે જ કાંગારૂ ટીમે દક્ષિણ આફ્રિકા સામે જીત મેળવી હતી. હવે 20 વર્ષ બાદ બંને ટીમો ફરી એકવાર ટાઈટલ મેચમાં સામસામે ટકરાશે. ત્યારબાદ ઓસ્ટ્રેલિયાએ ભારતને 125 રનથી હરાવીને ટાઈટલ જીત્યું હતું.

ટીમ ઈન્ડિયાની નજર બદલો લેવાની છે

ભારતની નજર 2003માં મળેલી હારનો બદલો લેવા પર છે. તેણે 2019 વર્લ્ડ કપની સેમિફાઇનલમાં ન્યૂઝીલેન્ડને સેમિફાઇનલમાં હરાવીને હારનો બદલો લીધો હતો. હવે તેની નજર બીજા વેર પર છે. ટીમ ઈન્ડિયા 20 વર્ષ પહેલા અમદાવાદમાં ઓસ્ટ્રેલિયાને હરાવીને ફાઇનલમાં મળેલી હારનો બદલો લેવા માંગશે.