છોટાઉદેપુર / હજુ હું ઘરડો નથી થયો, ચૂંટણી ચોક્કસ લડવાનો છું' : કોંગ્રેસના દિગ્ગજ નેતાનું મોટું નિવેદન

• વિરોધ પક્ષના નેતા સુખરામ રાઠવાનું મોટું નિવેદન
• હું ચૂંટણી ચોક્કસ લડવાનો છું: સુખરામ રાઠવા
• પાર્ટી આદેશ કરશે તે પ્રમાણે ચૂંટણી ચોક્કસ લડીશઃ સુખરામ રાઠવા

ગુજરાત વિધાનસભાની ચૂંટણી પૂર્વે ગુજરાત કોંગ્રેસના પ્રદેશ પ્રમુખ અને વિપક્ષ નેતા સહીત ગુજરાત કોંગ્રેસના 5 મોટાગજાના નેતાઑ વિધાનસભાની ચૂટણીમાં નહિ ઝંપલાવે. જેમાં ગુજરાત પ્રદેશ કોંગ્રેસના પ્રમુખ જગદીશ ઠાકોર, ભરતસિંહ સોલંકી, શક્તિસિંહ ગોહિલ અને વિપક્ષ નેતા સુખરામ રાઠવા સહીતના નેતાઑના નામની ચર્ચા જાગી હતી. ત્યારબાદ સુખરામ રાઠવાનું નિવેદન સામે આવ્યું છે.જેમાં 'હજુ હું ઘરડો નથી થયો, ચોક્કસ ચૂંટણી લડવાનો છું' તેમ જણાવ્યું હતુ.
 
ચૂંટણીમાં ઉંમર નડતી નથીઃ સુખરામ રાઠવા
સુખરામ રાઠવા સહીતના દિગ્ગ્જ નેતાઓ ચૂંટણીમાં લડવાના બદલે ઉમેદવારો માટે રાજ્યભરમાં પ્રચાર કરવાના મૂડમાં છે. તેવી વાત વચ્ચે વિરોધ પક્ષના નેતા સુખરામ રાઠવાએ જણાવ્યું હતું કે, હું ચૂંટણી ચોક્કસ લડવાનો છું અને ચૂંટણીમાં કોઈ ઉંમર નડતી નથી. વધુમાં હું હજી ઘરડો ન થયો હોવાનો ઉલ્લેખ કરી  પાર્ટી આદેશ કરશે તે પ્રમાણે ચૂંટણીમાં ઝંપલાવવાની સુખરામ રાઠવાએ તૈયારી દર્શાવી છે. ઉલ્લેખનીય છે કે, સુખરામ રાઠવા સહીત 5 દિગ્ગજ નેતાઓ ચૂંટણી લડવાના બદલે રાજ્યભરમાં ચૂંટણીલક્ષી પ્રચાર કરશે. તેવી વાત સામે આવી હતી.

બંધમાં જોડાનારા છોટાઉદેપુરના વેપારીઑનો આભાર : સુખરામ રાઠવા 
વધુમાં પુત્રને ચૂંટણી લડાવવા અંગેના પ્રશ્નના જવાબમાં સુખરામ રાઠવાએ જણાવ્યું કે પોતાનો પુત્ર તાલુકા પંચાયતનો સભ્ય છે જે તૈયાર થાય બાદ ચૂંટણી લડાવવાની વાત કરી હતી. વધુમાં ગુજરાત કોંગ્રેસે આજે સવારના 8થી 12 વાગ્યા સુધી આજે રાજ્યવ્યાપી બંધનું એલાન આપ્યું હતું. રાજ્યમાં મોંઘવારી, બેરોજગારીને લઈને આજે કોંગ્રેસે પ્રતિકાત્મક બંધનું એલાન આપ્યું હતું. ત્યારે બંધમાં સમર્થન આપનાર છોટાઉદેપુર પંથકના વેપારીઑનો સુખરામ રાઠવાએ આભાર વ્યક્ત કર્યો હતો.