ગોરખધંધો / સ્પામાં મસાજની આડમાં હુસ્નનો વેપલો, વડોદરામાં દેહ વ્યાપારનું રેકેટ ઝડપાયું, 2ની ઘરપકડ

• વડોદરામાં સ્પામાં ચાલતુ દેહવ્યાપારનુ રેકેટ ઝડપાયુ
• પોલીસે 2 આરોપીની કરી ધરપકડ
• પોલીસે બાતમીને આધારે કરી કાર્યવાહી

વડોદરા શહેરમાં સમા-સાવલી રોડ પર સ્પાની આડમાં દેહ વેપારનો  ધંધો હોવાની બાતમીનાં આધારે પોલીસે રેડ કરી બે વ્યક્તિઓની ધરપકડ કરી તેઓ સામે કાયદેસરના કાર્યવાહી હાથ ધરી હતી. જ્યારે સ્પાનો સંચાલક પોલીસને જોઈ ફરાર થઈ ગયો હતો.

પોલીસે બે લોકોની ધરપકડ કરી
વડોદરામાં છેલ્લા ઘણા સમયથી સ્પાની આડમાં દેહ વ્યાપારનો ધંધો ફુલ્યો ફાલ્યો છે. વડોદરામાં સમા-સાવલી રોડ પર અન્ના સ્પાનાં સંચાલક બંટી ચંદવાણી સ્પાની આડમાં છેલ્લા ઘણા સમયથી દેહવ્યાપારનું રેકેટ ચલાવતો હોવાની માહિતી પોલીસને મળતા પોલીસે રેડ કરી ઈમ્તિયાઝ શેખ અને હિતેશ ચંદવાણીની ધરપકડ કરી હતી. 

અન્ના સ્પાનો સંચાલક પોલીસને જોઈ ફરાર
વડોદરાનાં સમા-સાવલી રોડ પર આવેલ અન્ના સ્પામાં છેલ્લા ઘણા સમયથી ચાલતા દેહ વ્યાપારનાં ધંધા પર રેડ કરી બે લોકોની ધરપકડ કરી છે. ત્યારે સ્પા પર રેડ પડી હોવાની બાતમી અન્ના સ્પાનાં સંચાલક બંટી ચંદવાણીને થતા સ્પા સંચાલક ફરાર થઈ ગયો હતો. પોલીસે સ્પા સંચાલક સામે પણ ગુનો નોંધી તેની શોધખોળ હાથ ધરી છે.