કામની વાત / 300 રુપિયાથી સસ્તો મળી રહ્યો છે LPG cylinder, 10 કરોડથી વધારે લોકો લીધો લાભ

આ દિવસોમાં LPG સિલિન્ડરના ભાવમાં નોંધપાત્ર વધારો થયો છે. તેવામાં આજના સમયમાં બજાર ભાવ ગમે તે હોય - તમે હજુ પણ 300 રુપિયા ઓછા ભાવે સિલિન્ડર ખરીદી શકો છો. તમે વિચારી રહ્યા હશો કે આ કેવી રીતે શક્ય છે? આવો સમજાવીએ કે, લાભાર્થીઓ હાલમાં ઉજ્જવલા યોજના દ્વારા આ લાભો મેળવી રહ્યા છે. તમારે પણ ચિંતા કરવાની જરૂર નથી, કારણ કે તમે પણ ઘરેલુ LPG સિલિન્ડર તેના વાસ્તવિક પુરવઠા ભાવ કરતા નોંધપાત્ર રીતે ઓછી કિંમતે મેળવી શકો છો.

દિલ્હીની વાત કરીએ તો, ઉજ્જવલા યોજનાના લાભાર્થીઓ માત્ર 613 રુપિયામાં 14.2 કિલોગ્રામનું ઘરેલું સિલિન્ડર ખરીદી શકે છે, જ્યારે સબસિડી ન મેળવનારાઓને તે જ સિલિન્ડર માટે 913 રુપિયા ચૂકવવા પડે છે. આ કિંમત 1,200 રુપિયાની વાસ્તવિક સપ્લાય કિંમત કરતા ઓછી છે. દેશભરમાં 105.5 મિલિયનથી વધુ મહિલાઓ બજાર ભાવ કરતા 300 રુપિયા ઓછી કિંમતે અને સપ્લાય કિંમત કરતા 587 રુપિયા ઓછી કિંમતે સિલિન્ડર મેળવી રહી છે. સરકારી આંકડા અનુસાર, દેશમાં આશરે 330 મિલિયન ઘરેલુ LPG ગ્રાહકો છે.

કેમ આટલો સસ્તો મળે છે LPG સિલેન્ડર?

LPG સિલિન્ડરોના પુરવઠા ખર્ચ અને બજાર ભાવ વચ્ચેના તફાવત તેમજ ઉજ્જવલા સબસિડીને કારણે ઓઇલ માર્કેટિંગ કંપનીઓને નોંધપાત્ર નુકસાન થઈ રહ્યું છે. ગયા વર્ષે, કંપનીઓને 41,338 કરોડ રુપિયાનું નુકસાન થયું હતું, જે હવે વધીને 60,000 કરોડ રુપિયા થઈ શકે છે. આ નુકસાનને સરભર કરવા માટે, સરકારે ચાલુ વર્ષ માટે અંદાજે 30,000 કરોડ રુપિયાના વળતરની બજેટ જોગવાઈ કરી છે.

તમે કેવી રીતે મેળવી શકશો આ સિલેન્ડર?

• ઉજ્જવલા યોજના કનેક્શન મેળવવા માટે, કૃપા કરીને તમારા નજીકના ડિસ્ટ્રીબ્યુટરની મુલાકાત લો. ગેસ કનેક્શન માટે અરજી કરવા માટે તમારી ઉંમર 18 વર્ષ કે તેથી વધુ હોવી આવશ્યક છે.
• જો કોઈ પરિવાર પાસે LPG કનેક્શન ન હોય, તો તે પરિવારની મહિલા પોતાનું આધાર કાર્ડ, રેશન કાર્ડ અને બેંક ખાતાની વિગતો સબમિટ કરીને અરજી કરી શકે છે.
• ઉજ્જવલા યોજના હેઠળ, પાત્ર મહિલાઓને કોઈપણ સુરક્ષા ડિપોઝિટ ચૂકવ્યા વિના ગેસ કનેક્શન મળે છે. આ સાથે તેમને ગેસથી ભરેલા પહેલા સિલિન્ડર સાથે મફત ગેસ સ્ટવ આપવામાં આવે છે.

ઉજ્જવલા યોજના માટે જરુરી ડોક્યુમેન્ટ

પ્રધાનમંત્રી ઉજ્જવલા યોજનાનો લાભ મેળવવા માટે, અરજદારે કેટલાક આવશ્યક દસ્તાવેજો સબમિટ કરવા જરૂરી છે. આમાં સૌથી મહત્વનું છે યોગ્ય રીતે ભરેલું KYC અરજી ફોર્મ સામેલ હોય . ઓળખના પુરાવા તરીકે આધાર કાર્ડની નકલ આપવી ફરજિયાત છે. જો અરજદારનું વર્તમાન રહેણાંક સરનામું આધાર કાર્ડમાં નોંધાયેલા સરનામાથી અલગ હોય, તો રહેઠાણનો એક અલગ પુરાવો પણ સબમિટ કરવો જરુરી છે.

માઇગ્રેન્ટ શ્રેણીના અરજદારોએ સ્વ-ઘોષણા ફોર્મ સબમિટ કરવું જરૂરી છે. આ ઉપરાંત સંબંધિત રાજ્યનું રેશન કાર્ડ, અથવા રાજ્ય સરકાર દ્વારા જારી કરાયેલ કોઈપણ માન્ય ડોક્યુમેન્ટ જે પરિવારના સભ્યોની વિગતો પ્રમાણિત કરે છે, તે પણ જરુરી છે.

આ પણ વાંચોઃ દિવસ-રાત ચલાવશો AC છતાં પણ નહીં આવે મોટું બિલ, અપનાવો આ 5 સ્માર્ટ ટીપ્સ

અરજદાર અને તેમના પરિવારના તમામ પુખ્ત સભ્યોના આધાર કાર્ડની નકલો સબમિટ કરવી જરુરી છે, જો તેમના નામ રેશનકાર્ડ અથવા કુટુંબના દસ્તાવેજોમાં નોંધાયેલા હોય. સાથે જ બેંક ખાતાની પાસબુક અથવા કેન્સલ ચેકની ફોટોકોપી અરજી સાથે જોડવી જરુરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ