સ્વાસ્થ્ય એલર્ટ / 6 કલાકથી ઓછો સમય ઊંઘ લેનારા ચેતી જજો, નહીં તો હાર્ટને થઇ શકે છે મોટું નુકસાન, જાણો કેવી રીતે

• હેલ્ધી રહેવા માટે યોગ્ય ઊંઘ લેવી જરૂરી
• અનિંદ્રાને કારણે હ્રદયરોગનો થઈ શકે છે
• હાઈ બ્લડપ્રેશર, મેદસ્વીતાનું રહે છે જોખમ

હેલ્ધી રહેવા માટે સ્વસ્થ આહારની સાથે સાથે શારીરિક એક્ટિવિટી અને યોગ્ય ઊંઘ પણ જરૂરી છે. યોગ્ય ઊંઘ ના લેવાને કારણે આરોગ્યને નુકસાન થઈ શકે છે અને રોજબરોજના કામ પર પણ અસર થાય છે. સ્ટડી પરથી જાણવા મળ્યું છે કે, અનિંદ્રાને કારણે હ્રદયરોગનો પણ ભોગ બની શકો છો. સ્ટડી પરથી જાણવા મળ્યું છે કે, અનિંદ્રાને કારણે હાઈ બ્લડપ્રેશર, મેદસ્વીતા, હ્રદય રોગ અને સ્ટ્રોક સહિત અનેક બિમારીઓનો ભોગ બની શકો છો. જે અંગે અહીંયા જણાવવામાં આવ્યું છે. 

અનિંદ્રાને કારણે આરોગ્ય જોખમાઈ શકે છે
અનિંદ્રાને કારણે વ્યક્તિ અનહેલ્ધી આદતોનો શિકાર બની શકે છે, જેના કારણે હાર્ટને નુકસાન થઈ શકે છે. આ કારણોસર તણાવ વધવા લાગે છે અને ખાનપાનની ખોટી આદત લાગી શકે છે. 7 કલાક કરતા ઓછી ઊંઘ લેવાથી હાર્ટની બિમારી અને ડિપ્રેશન સહિત અનેક બિમારીઓ થવાનું જોખમ રહે છે. આ કારણોસર હાર્ટ ડિસીઝ અને સ્ટ્રોકનું જોખમ વધી શકે છે. 

સ્ટડી
સ્ટડી પરથી જાણવા મળ્યું છે કે, સતત અનિંદ્રાની પરેશાનીને કારણે બ્લડપ્રેશર વધી શકે છે. જેના કારણે હાર્ટ ફેલિયર અને કિડનીની બિમારી થઈ શકે છે. આ કારણોસર 7થી 9 કલાકની ઊંઘ લેવી જરૂરી છે. 

યોગ્ય ઊંઘ આવે તે માટે શું કરવું?

• અનિંદ્રા અને ખરાબ ગુણવત્તાવાળી ઊંઘને કારણે આરોગ્યને નુકસાન થાય છે. આ કારણોસર ઊંઘ પૂરી કરવાની સાથે સાથે સારી ગુણવત્તાની ઊંઘ આવે તે પણ જરૂરી છે. સારી ગુણવત્તાની ઊંઘ આવે તે માટે શું કરવું જોઈએ, તે અંગે અહીંયા જણાવવામાં આવ્યું છે. 
• સારી ઊંઘ આવે તે માટે સૂવાનો અને ઊઠવાનો સમય નક્કી કરી લો. રજાઓ અને વીકેન્ડ્સમાં પણ આ જ શિડ્યુલ ફોલો કરો. 
• સૂતા પહેલા કેફીન, શરાબ, નિકોટીન અને ભારે ભોજનનું સેવન ના કરવું. આ ફૂડ આઈટમ્સનું સેવન કરવાથી નર્વસ સિસ્ટમ પર અસર થતા ઊંઘની ગુણવત્તા પ્રભાવિત થાય છે. 
• સૂવા માટે એક આરામદાયક માહોલ બનાવો. બેડરૂમમાં અંધારૂ, શાંતિ અને આરામદાયક વાતાવરણ હોય તેનું ખાસ ધ્યાન રાખો. 
• સૂતા પહેલા સ્ક્રીન અને ઈલેક્ટ્રોનિક્સ ડિવાઈસનો ઉપયોગ ના કરવો. ટીવી, કમ્પ્યૂટર, સ્માર્ટફોન અને ટેબલેટમાંથી નીકળતી બ્લ્યૂ લાઈટ મેલાટોનિન ઓછું કરે છે, જે સ્લીપ પેટર્નને કંટ્રોલ કરે છે. 
• હેલ્ધી રહેવા અને સારી ઊંઘ આવે તે માટે નિયમિતરૂપે કસરત કરો. શારીરિક એક્ટિવિટી કરવાથી તણાવ ઓછો થાય છે અને મૂડ સારો રહે છે. જેથી ઊંઘ સારી આવે છે. સૂતા સમયે કસરત ના કરવી. 
• બપોરના સમયે ઊંઘવું નહીં, બપોરે ઊંઘવાને કારણે રાત્રે ઊંઘની ગુણવત્તા અને સૂવાના સમયમાં ફેરફાર થઈ શકે છે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)