Health Tips / ચોમાસામાં વારંવાર નાક થઇ જાય છે બંધ! તો ચિંતા શાની, અપનાવો આ ઘરેલુ નુસખા ને મેળવો રાહત

• ચોમાસામાં બિમારી થવાનું જોખમ રહે છે
• શર્દી, ખાંસી અને કફ થાય છે
• ઘરેલુ ઉપાયની મદદથી આ સમસ્યાથી મેળવો રાહત

ચોમાસુ આવતા જ ચારેબાજુ હરિયાળી છવાઈ જાય છે અને આસપાસનું વાતાવરણ મહેકી ઉઠે છે. તેની સાથે સાથે અનેક પરેશાનીઓ પણ આવે છે. ચોમાસામાં મચ્છરોનો ઉપદ્રવ વધી જવાને કારણે ઈન્ફેક્શન અને બિમારી થવાનું જોખમ રહે છે. ઉપરાંત નાક બંધ થઈ જાય અને શર્દી કફ થાય છે. જેના કારણે સરળતાથી શ્વાસ લઈ શકાતો નથી. આ સમસ્યા દવાથી ઠીક થઈ શકે છે, પરંતુ કેટલાક ઘરેલુ ઉપાય કરીને પણ આ સમસ્યાથી રાહત મળી શકે છે. જે અંગે અહીંયા જાણકારી આપવામાં આવી છે. 

બંધ નાકથી છુટકારો મેળવવા શું કરવું?
સ્ટીમ લેવી
વરાળ લેવાથી કફ છૂટો પડે છે અને તાત્કાલિક રાહત મળી શકે છે. સ્ટીમ લેવા માટે થોડુ પાણી ઉકાળો અને એક વાટકીમાં તે પાણી લો. હવે ટુવાલ માથા પર રાકીને વાટકી તરફ મોઢુ લઈ જાવ અને તે વરાળ શ્વાસથી લેવાની કોશિશ કરો. 2-3 મિનિટ સુધી આ પ્રકારે કરવાથી બંધ નાકથી રાહત મળે છે. 

ખારા પાણીથી નાક સાફ કરવું
બંધ નાકથી રાહત મેળવવા માટે આ એક કારગર રીત છે. તમારે ખારું પાણી લઈને નાકથી કોગળા કરવાના છે. તે માટે એક ગ્લાસ ગરમ પાણીમાં એક ચમચી મીઠુ નાખો અને નાકનો રસ્તો ધીરેથી સાફ કરો. તે માટે તમે નેતિ પોટનો પણ ઉપયોગ કરી શકો છો. આ પ્રકારે કરતા સમયે થોડી સાવધાની રાખવાની જરૂર છે. 

શેક લેવો
ગરમ શેક લેવાથી પણ બંધ નાકથી રાહત મળે છે. આ પ્રકારે કરવાથી સોજામાં પણ રાહત મળે છે. એક સાફ કપડું ગરમ પાણીમાં બોળીને નીચોવી લો અને થોડી મિનિટ માટે તમારા નાક અને માથા પર રાખો. 

હાઈડ્રેટેડ રહો
પાણી, હર્બલ ટી અને ગરમ સૂપ જેવી અનેક લિક્વિડ આઈટમ છે, જે પીવાથી કફ છૂટો પડે છે અને બંધ નાકથી રાહત મળે છે. 

આદુની ચા
આદુમાં નેચરલ એન્ટી ઈન્ફ્લામેટરી ગુણ હોય છે. આદુને પાણીમાં થોડી મિનિટ સુધી ઉકાળીને ચા બનાવો અને તેમાં મધ મિશ્ર કરો. આ ચાનું સેવન કરવાથી બંધ નાકથી છુટકારો મળે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)