તમારા કામનું / કેલ્શિયમથી લઈને હેલ્ધી સ્વાસ્થ્ય માટે અનેક રીતે લાભદાયક છે બકરીનું દૂધ, જાણો તેના અન્ય શું ફાયદા

• ગાય અને ભેંસ કરતા પણ બકરીનું દૂધ વધુ ફાયદાકારક
• શારીરિક અને માનસિક આરોગ્યમાં સુધારો થાય છે
• જાણો બકરીના દૂધના ફાયદા

સારા આરોગ્ય માટે લોકો ગાય અથવા ભેંસના દૂધનું સેવન કરે છે. ગાય અને ભેંસ કરતા પણ બકરીનું દૂધ વધુ ફાયદાકારક હોય છે. બકરીના દૂધથી શારીરિક અને માનસિક આરોગ્યમાં સુધારો થાય છે. 

• બકરીના દૂધમાં ભરપૂર માત્રામાં મેગ્નેશિયમ હોય છે, જે હ્રદય માટે ફાયદાકારક ગણવામાં આવે છે. મેગ્નેશિયમ હાર્ટબીટને સંતુલિત રાખે છે. ઉપરાંત તેમાં કોલસ્ટ્રોલનું પ્રમાણ પણ ઓછું હોય છે. 
• બકરીના દૂધમાં એન્ટી ઈન્ફ્લામેટરી ગુણ રહેલા છે, જે શરીરના સોજાને ઓછો કરવામાં મદદરૂપ થાય છે. 
• બકરીનું દૂધ સરળતાથી પચી જાય છે. ગાયના દૂધમાં રહેલ પ્રોટીનની સરખામણીએ બકરીના દૂધમાં રહેલ પ્રોટીન સરળતાથી પચી જાય છે. બકરીના દૂધમાં લેક્ટોઝ ઓછું હોય છે, જેનાથી પેટ સ્વસ્થ રહે છે. 
• બકરીના દૂધમાં કેલ્શિયમનું પ્રમાણ વધુ હોય છે, જેથી હાડકાં મજબૂત થાય છે. બકરીના દૂધમાં મેગ્નેશિયમ અને ફોસ્ફરસ પણ હોય છે, જેનાથી હાડકાં સ્વસ્થ રહે છે. 
• બકરીના દૂધથી શારીરિક વિકાસની સાથે સાથે માનસિક વિકાસ પણ થાય છે. બકરીના દૂધમાં લિનોલિક એસિડ રહેલું હોય છે. લિનોલિક એસિડ મસ્તિષ્કનો વિકાસ કરે છે, જેથી માઈન્ડ ફ્રી રહે છે. 
• બકરીના દૂધમાં વિટામિન ‘એ’ હોય છે. નિયમિતરૂપે બકરીના દૂધનું સેવન કરવાથી મોતિયો જેવી બિમારી થતી નથી. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)