ઍલર્ટ! / જો તમારા શરીરમાં આ લક્ષણો દેખાય તો ચેતી જજો, હોઇ શકે છે બ્લડ કેન્સરના સંકેત, ભૂલથી પણ ન કરતા ઇગ્નોર

• કેન્સર એક ઘાતક બિમારી છે
• કેન્સરના પ્રકાર પ્રમાણે તેના લક્ષણ પણ અલગ અલગ હોય છે
• સમગ્ર વિશ્વમાં લોકોના મૃત્યુનું થવાનું પ્રમુખ કારણ કેન્સર છે

કેન્સર એક ઘાતક બિમારી છે. જેનું નામ સાંભળતા જ લોકો ડરી જાય છે. સમગ્ર વિશ્વમાં લોકોના મૃત્યુનું થવાનું પ્રમુખ કારણ કેન્સર છે. કેન્સરના અનેક પ્રકાર હોય છે અને તેના લક્ષણ પણ અલગ અલગ હોય છે. અહીંયા અમે તમને બ્લડ કેન્સરના લક્ષણો વિશે જણાવીશું. આ કેન્સરને હેમેટોલોજિક મેલિગ્નેંસી તરીકે ઓળખવામાં આવે છે. 

બ્લડ કેન્સરના લક્ષણો
સતત થાક લાગવો
અનેક વાર યોગ્ય પ્રકારે ભોજન ના કરવાને કારણે શરીરમાં પાણીની ઊણપ સર્જાય છે, જેના કારણે થાક લાગે છે. સતત થાક લાગતો હોય તો તે બ્લડ કેન્સરનું લક્ષણ હોઈ શકે છે. શરીરમાં લોહીની ઊણપને કારણે એનીમિયા થઈ શકે છે. 

અચાનક વજન ઘટી જવું
શરીરમાં કેન્સર કોશિકાઓ વધે તો મેટાબોલિઝમમાં ફેરફાર થાય છે, જેના કારણે વજન ઘટવા લાગે છે. બ્લડ કેન્સરનું આ પ્રાથમિક લક્ષણ છે. 

વારંવાર ઈન્ફેક્શન થવું
વારંવાર કોઈને કોઈ ઈન્ફેક્શન થતું હોય તો ડોકટરની સલાહ જરૂરથી લેવી જોઈએ. બ્લડ કેન્સર થાય તો શરીરમાં WBCની ઊણપ વર્તાય છે. જેના કારણે શરીરમાં વારંવાર ઈન્ફેક્શન થાય છે. 

લિમ્ફ નોડ્સમાં સોજો
લિમ્ફ નોડ્સમાં સોજો આવવાના અનેક કારણ હોઈ શકે છે. લોકો આ સોજાને નજરઅંદાજ કરે છે. ગર્દન અને બગલમાં દુખાવો થતો હોય તો તાત્કાલિક તપાસ કરાવવી જોઈએ. 

હાડકાંમાં દુખાવો
દર્દીને સતત પીઠ અને પાંસળીઓમાં દુખાવો થતો હોય તો તે બ્લડ કેન્સરનું લક્ષણ હોઈ શકે છે. તમને પણ સતત આ પ્રકારે દુખાવો થતો હોય તો આરોગ્ય નિષ્ણાંતની સલાહ લેવી. 

ઈજા થવી અને વધુ લોહી નીકળવું
સામાન્ય ઈજા થવા છતાં વધુ સમય સુધી બ્લીડિંગ થાય તો તે બ્લડ કેન્સરના લક્ષણ હોઈ શકે છે. પેઢામાંથી લોહી નીકળવું તે પણ બ્લડ કેન્સરનું લક્ષણ હોઈ શકે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)