પેપર લીક / નક્કર પુરાવા નથી મળ્યાના અસિત વોરાના નિવેદન પર યુવરાજસિંહે કહ્યું- પૂરાવા આપ્યાનો પણ પૂરાવો આપવો પડે છે

• હેડ ક્લાર્કના પેપર ફૂટવા અંગે સત્ય શું ?
• પેપર લીકના મુદ્દે ટ્રાન્સપરન્ટ તપાસ કેમ નહી ?
• હજારો યુવાઓના ભવિષ્ય સાથે ચેડા કેમ ?

હેડ ક્લાર્કના પેપર ફૂટવા અંગે  ગૌણસેવા પસંદગીના અધ્યક્ષ અસીત વોરાએ કહ્યું કે હજુ સુધી પેપર ફૂટવાના અમને કોઈ પૂરાવા મળ્યા નથી. પરીક્ષા શાંતિપૂર્ણ રીતે સમાપ્ત થઈ છે. આ મુદ્દે આંદોલનકારી યુવારાજ સિંહે કહ્યું કે પેપર લીકના તમામ પુરાવાઓ અમે ગૌણ સેવા પસંદગીના સચીવને સોંપ્યા છે...ગાંધીનગર PI ને પણ અમે જાણ કરી છે.

અમને પૂરાવા નથી મળ્યા: અસિત વોરા
હેડ ક્લાર્કની પરીક્ષામાં પેપર લીક મામલે ગૌણ સેવા પસંદગી બોર્ડના ચેરમેન અસિત વોરા ગાંધીનગરમાં એક પ્રેસ કોન્ફરન્સને સંબોધતા જણાવ્યું હતું કે, રાજ્યમાં 88 હજાર ઉમેદવારોએ હેડ કલાર્કની પરીક્ષા આપી છે, સરકારને બીજા દિવસે ટીવી મીડિયાથી અમને ખબર પડી કે પેપરલીક થયું છે. મંડળ પાસે આજદિન સુધીમાં પેપરલીક મામલે કોઈ જ ફરિયાદ આવી નથી. હાલ આ મામલે સાબરકાંઠામાં 16 ટીમો દ્વારા સઘન તપાસ ચાલી રહી છે.અને જો ગેરરીતિ જણાશે તો કડકમાં કડક પગલાં લેવાશે. તેમજ તેણે ઉમેર્યું હતું કે, પેપરલીક થયું હોય તેવા કોઈ જ નક્કર પુરાવા અમને મળ્યા નથી, પોલીસને કોઈ પુરાવા મળશે તો મંડળ ફરિયાદ દાખલ કરશે. 

અસિત વોરાની શંકાસ્પદ ભૂમિકા, તેમને તપાસમાંથી દૂર કરવામાં આવેઃ યુવરાજસિંહ
હેડ ક્લાર્ક પેપર લીક આક્ષેપ મામલે વિદ્યાર્થી નેતા યુવરાજસિંહ જાડેજાએ પ્રેસ કોન્ફરન્સ યોજી હતી. જેમાં તેમણે જણાવ્યું હતું કે, અમે ગૌણ સેવાના સચિવને પુરાવા આપ્યા હતા. 2 વાગ્યે પેપર ફૂંટ્યા અંગે જાણ કરી હતી. પરંતુ તેમણે કહ્યું કે ઓથેન્ટિંગ પુરાવા આપો. હવે તેઓ કયા પુરાવાને ઓથેન્ટિંગ માને છે તે અમને નથી ખબર. આ પેપર લીકની તપાસમાં GSSSBના ચેરમેનની શંકાસ્પદ ભૂમિકા છે, તેથી તપાસમાંથી અસિત વોરા ને દૂર કરવામાં આવે એવી માંગ છે. અમે અસિત વોરાને તપાસથી દુર કરીને નિષ્પક્ષ તપાસ થવી જોઈએ. અસિત વોરા અધ્યક્ષ હતા ત્યારે અનેક કૌભાંડ થયા છે. અસિત વોરાને અધ્યક્ષ પદેથી દુર કરવામાં આવે.

હેડ ક્લાર્ક પેપર લીક આક્ષેપના મામલે વિદ્યાર્થી નેતા યુવરાજસિંહ જાડેજાએ વધુ એક  ઘટસ્ફોટ કરી  ઓડિયો ક્લિપ કરી જાહેર કરી છે. આ ઓડિયો ક્લિપમાં અગાઉ ટેલિફોનિક વાતચીતમાં પેપર લીક થયા અંગે અમે ગૌણ સેવાના અધિકારીને જણાવવામાં આવ્યુ હતું. અને પેપર ફૂંટ્યા અંગે જાણ કરી હતી અને આવા લોકોને પકડવા જોઇએ તેમ પણ અધિકારીને જણાવ્યુ હતું. અને હેડ ક્લાર્કનું પેપર ફોડનારા વ્યક્તિ સામે કાર્યવાહી કરી તપાસ કરવામાં આવે. અને આ માટે અધિકારીએ પણ પુરાવા આપવા અંગે જણાવ્યુ હતું.