T-20 વર્લ્ડ કપ / સેહવાગે જાહેર કરી T-20 વર્લ્ડ કપ માટે ટીમ ઈન્ડીયા, હાર્દિકનું કાપ્યું પત્તું, કોને કોને લીધા?

આઈસીસી ટી-20 વર્લ્ડ કપ 2024 જૂનમાં વેસ્ટ ઈન્ડિઝ અને અમેરિકામાં થવા જઈ રહ્યો છે. આગામી ટુર્નામેન્ટમાં કયા ખેલાડીઓ ઉતરશે અને કોણ ચૂકી જશે તેને લઈને ભૂતપૂર્વ ક્રિકેટરો અને નિષ્ણાતો સતત આગાહી કરી રહ્યા છે. આ ક્રમમાં હવે ભારતના પૂર્વ ઓપનર વીરેન્દ્ર સહેવાગનું નામ પણ સામેલ થઈ ગયું છે. સેહવાગે ટી-20 વર્લ્ડ કપ માટે તેની પ્રિય ભારતીય પ્લેઇંગ ઇલેવન પસંદ કરી છે. તેણે આ ટીમમાંથી સ્ટાર ઓલરાઉન્ડર હાર્દિક પંડ્યાનું પત્તું કાપી નાખ્યું છે.

To a man who was a hope, who taught us that we can do it and a perfect role-model for all youngsters . Someone with whom i had the privilege of batting together for 14 years, a very happy 51st birthday @sachin_rt paaji 🙏🏼
Ishwar aapko achhi sehat aur khushali hamesha de🙏🏼 pic.twitter.com/V3We4hpdIL

— Virender Sehwag (@virendersehwag) April 24, 2024

સેહવાગે શિવમ દુબે-સંદીપ શર્માને સ્થાન આપ્યું  
સેહવાગે ટી 20 વર્લ્ડ કપ માટે પસંદ કરેલી ટીમમાં હાર્દિકની જગ્યાએ ઓલરાઉન્ડર શિવમ દુબેની પસંદગી કરી છે.  શિવમ દુબે ચેન્નઈ સુપર કિંગ્સ વતી રમી રહ્યો છે.  દુબેએ આઠ મેચમાં 51.83ની એવરેજ અને 169.95ની સ્ટ્રાઇક રેટથી 311 રન બનાવ્યા છે. સેહવાગે ફાસ્ટ બોલર સંદીપ શર્માને પોતાની ટીમમાં જગ્યા આપીને બધાને ચોંકાવી દીધા છે. સેહવાગે પેસર અર્શદીપ સિંહ અને મુકેશ કુમાર કરતાં સંદીપને પસંદ કર્યો. 30 વર્ષીય સંદીપ રાજસ્થાન રોયલ્સ (આરઆર)નો ભાગ છે. સંદીપે તાજેતરમાં જ મુંબઈ સામે 18 રન આપીને પાંચ વિકેટ ઝડપી હતી. સેહવાગે પ્લેઇંગ ઇલેવનમાં વિકેટકીપર બેટ્સમેન તરીકે ઋષભ પંતની પસંદગી કરી છે. તેઓએ જીતેશ શર્મા, સંજુ સેમસન અને ઇશાન કિશનને આઉટ કર્યા હતા. દિલ્હી કેપિટલ્સ (ડીસી)ના કેપ્ટન પંતે કેટલીક મેચોમાં સારો દેખાવ કર્યો છે.

ટીમનું સત્તાવાર એલાન નહીં
જોકે સેહવાગે જાહેર કરેલી ટી 20 વર્લ્ડ કપની ટીમની આ સત્તાવાર જાહેરાત નથી. વિરેન્દ્ર સેહવાગે પોતાની રીતે ટીમ બનાવી છે. ભારતીય ક્રિકેટ બોર્ડ તારીખ 28મી એપ્રિલની આસપાસ 15 સભ્યોની ટી-20 વર્લ્ડ કપની ટીમની જાહેરાત કરશે.

ટી-20 વર્લ્ડ કપ 2024 માટે વિરેન્દ્ર સેહવાગની પ્લેઇંગ ઇલેવન: 
રોહિત શર્મા (કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, રિષભ પંત (વિકેટકીપર), રિંકુ સિંહ અથવા શિવમ દુબે, રવિન્દ્ર જાડેજા, કુલદીપ યાદવ, જસપ્રીત બુમરાહ, મોહમ્મદ સિરાજ, સંદીપ શર્મા.

સેહવાગની આગાહી કેટલી સાચી પડશે?
સેહવાગે ટી 20 વર્લ્ડ કપ માટે પોતાની ટીમ તો બનાવી દીધી પરંતુ જોવાનું એ રહે છે કે તેની આ ટીમની આગાહી કેટલી સાચી પડે છે કે પછી સેહવાગે કોઈ ઈશારો તો નથી કર્યોને?