જૂનાગઢ / 'ધારાના હત્યારા સૂરજ ભુવાને ફાંસી આપો..' કોળી સમાજે એક થઈ સમાજની દીકરીને ન્યાય અપાવવા ઉઠાવ્યો અવાજ, કરી આ માંગો

• સુરજ ભૂવાને ફાંસીની સજા આપવા માગ
• કોળી સમાજના આગેવાનોએ કરી માગ
• જૂનાગઢ કલેક્ટરને આપ્યું આવેદન પત્ર

જૂનાગઢમાં ધારા હત્યા કેસના આરોપી સુરજ ભૂવાને ફાંસીની સજા આપવાની માગ. કોળી સમાજના આગેવાનોએ માગ સાથે જૂનાગઢ કલેક્ટરને આવેદન પત્ર આપ્યું. MLA દેવા માલમ અને ભગવાનજી કરગઠિયાએ આવેદન પત્ર આપ્યું. સમગ્ર ઘટનાને લઈ 3 મુદ્દાઓ સાથે ફાંસીની માગનો આવેદન પત્રમાં ઉલ્લેખ કરાયો. ધારાનો કેસ ટ્રાયલ કોર્ટમાં ચલાવવામાં આવે અને ફાસ્ટ્રેક કોર્ટની રચના કરાય. ધારાનો કેસ ટ્રાયલ કોર્ટમાં ચલાવવા સરકારી વકીલની નિમણૂકની કરી માગ. સમગ્ર ઘટનાની તપાસ વિઝિલન્સ અધિકારી કરે તેવી કરી માગ. ઉલ્લેખનીય છે કે સુરજ ભૂવાએ ધારાને પ્રેમજાળમાં ફસાવી , લગ્નની લાલચ આપી , બળાત્કાર ગુજારી તરછોડી દીધી હતી. બાદમાં ધારાએ કેસ કરતા મિત્રો સાથે મળીને ધારાને મોતને ઘાટ ઉતારી હતી.

ધારાનાં કુટુંબને ન્યાય મળે તે માટે આજે અમે આવેદનપત્ર આપ્યું
આ બાબતે માંગરોળનાં ભાજપનાં ધારાસભ્ય ભગવાનજી કરગઠિયાએ જણાવ્યું હતું કે, આજ રોજ કોળી સમાજ દ્વારા જૂનાગઢની દિકરી ધારાની જે હત્યા થઈ છે. એ હત્યા અનુસંધાને આવેદનપત્ર આપવામાં આવ્યું છે. અને સુરેન્દ્રનગરમાં જ સુરજ ભુવા છે એ આવા ધતિંગ કરી ઘણી બહેન દિકરીઓને ફસાવી  અને આવા ગોરખ ધંધા કરે છે. એની ઉપર કડકમાં કડક કાર્યવાહિ થાય અને ધારાનાં કુટુંબને ન્યાય મળે તે માટે આજે અમે આવેદનપત્ર આપ્યું છે.