હેલ્થ / ઊંઘવા પહેલા ફોન જોવાની ટેવ કેટલી યોગ્ય? જાણી લેશો તો ઉડી જશે નિંદર, બધા જ ભ્રમ કરી લો દૂર

• સૂતા પહેલા ફોન વાપરવાથી આંખોને થાય છે નુકસાન. 
• મગજ હંમેશા એક્ટીવ રહે છે અને ઊંઘ પર અસર થાય છે. 
• અંધારામાં સ્ક્રીનથી દૂર રહેવું જોઈએ.

આજના સમયમાં લગભગ તમામ લોકો મોબાઈલ ફોનનો ઉપયોગ કરે છે. સૂતા પહેલા ફોન જોવો અથવા ફોન પાસે રાખવો તે કોઈ નવી વાત નથી. શું તમે ક્યારેય વિચાર્યું છે કે, આ પ્રકારે કરવાથી ગંભીર પરિણામ આવી શકે છે. આરોગ્યની વાત હોય તો તમામ પ્રકારે ધ્યાન રાખવું જરૂરી છે. બને ત્યાં સુધી અંધારામાં સ્ક્રીનથી દૂર રહેવું જોઈએ. શું તમે પણ સૂતા પહેલા ફોન જોવો છો, તેના નુકસાન અંગે અહીંયા વિગતવાર જાણકારી આપવામાં આવી છે. 

મગજ હંમેશા એક્ટીવ રહે છે

સૂવાના સમયે મસ્તિષ્કને આરામ મળવો જરૂરી છે. નિષ્ણાંતો જણાવે છે કે, ફોન ચેક કરતા રહેવાથી મગજ ઉત્તેજિત થઈ જાય છે. આ કારણોસર તમે વધુ એક્ટીવ રહે છે અને તમે જાગૃત અવસ્થામાં જ રહો છો. ફોનને ક્વિક ચેક કરવામાં આવે તો પણ યૂઝરનું મગજ વ્યસ્ત થઈ શકે છે અને જલ્દી ઊંઘ આવતી નથી. સોશિયલ મીડિયા પર સ્ક્રેલ કરવાથી અથવા ઈમેઈલનો જવાબ આપ્યા બાદ પણ તમારું મગજ એક્ટીવ અને વ્યસ્ત રહી શકે છે. 

સ્ક્રીનની અસર ખૂબ જ ઘાતક હોય છે

ફોનની રોશની એક આર્ટિફિશિયલ કલર છે, જે દિવસના અજવાળા સમાન હોઈ શકે છે. ફોનની રોશની દિવસના અજવાળા દરમિયાન સારી છે, જેના કારણે તમે એક્ટીવ રહો છો. અંધારામાં સ્ક્રીન જોતાં જ મોબાઈલ, લેપટોપ કે ટીવીની લાઈટ સીધી આંખોમાં આવી જાય છે. રાત્રે રોશનીની જરૂર ના હોવાથી પરિસ્થિતિ તદ્દન અલગ થઈ જાય છે. સ્ટડી પરથી જાણવા મળ્યું છે કે, સ્માર્ટફોનમાંથી જે રોશની બહાર નીકળે છે, તેનાથી દ્રષ્ટિ ખરાબ થઈ જાય છે. ઉપરાંત આ રોશની ઊંઘ માટે પણ હાનિકારક છે. 

લાગણી રહેતી નથી

પથારીમાં સૂતા સમયે આરામ અનુભવાય તે જરૂરી છે. સૂતા પહેલા ફોન લેવાથી તમારી લાગણીઓ પર નકારાત્મક અસર થઈ શકે છે.