મહામારી / વૈજ્ઞાનિકોને કોરોનાનો મળ્યો જબરો ઈલાજ, જાણીને લાગશે નવાઈ, વાયરસના ખાતમાની ખાતરી

• વૈજ્ઞાનિકોએ શોધ્યો કોરોનાનો નવો ઈલાજ
• પેટના બેક્ટેરિયા કોરોનાનો ખાતમો કરી શકે છે
• સાઉથ કોરિયાની યોંસેઈ યુનિવર્સિટીના સ્ટડીમાં દાવો 
• કોરોનાનો ઈલાજ તો માણસના પેટમાં છુપાયેલો છે

સાઉથ કોરિયાની યોંસેઈ યુનિવર્સિટીના એક સ્ટડીમાં દાવો કરાયો છે કે માણસના પેટમાં રહેલા બેક્ટેરીયા કોરોનાની સારવારમાં કારગર નીવડી શકે છે.

કોરોના વાયરસ સામે લડવાનું હથિયાર તો માણસના પેટમાં મોજૂદ 

સાઉથ કોરિયાની યોંસેઈ યુનિવર્સિટીના એક સ્ટડીમાં જણાવાયું છે કે કોરોના વાયરસ સામે લડવાનું હથિયાર તો માણસના પેટમાં મોજૂદ છે. માણસોના પેટમાં એક એવા બેક્ટેરીયા છે જે આ વાયરસ પર લગામ કસી શકે છે. 

સાઉથ કોરિયાની યોંસેઈ યુનિવર્સિટીના સ્ટડીમાં ચોંકાવનારો દાવો 

યોંસેઈ યુનિવર્સિટી દ્વારા કરવામાં આવેલા સ્ટડીમાં જણાવાયુ કે પેટના બેક્ટેરીયા એક એવા કંપાઉન્ડને પ્રેરિત કરે છે જે કોરોના વાયરસને રોકવામાં સક્ષમ છે. 

બિફિદોબેક્ટીરિયમ નામના બેક્ટેરીયા કોરોનાથી બચાવી શકે 

યોંસેઈ યુનિવર્સિટીના સંશોધક મોહમ્મદ અલીએ જણાવ્યું કે પેટમા રહેલા બેક્ટેરીયા વાયરસના હુમલાથી આંતરડાને બચાવી શકે છે કે નહીં. તેની ખોજ કરવા માટે અમે કોરોના સામે આંતરડાના બેક્ટેરીયાની ભૂમિકા પર નજર દોડાવી. સંશોધનમાં અમને જણાયું કે બિફિદોબેક્ટીરિયમ નામના બેક્ટેરીયામાં થોડા પ્રકારની ગતિવિધિ જોવા મળી. 

સંશોધકોએ આ નિષ્કર્મ પર પહોંચવા માટે ઘણા પ્રકારની ટેકનીકનો ઉપયોગ કર્યો જેમાં મશીન લર્નિંગ ટેકનીક પણ સામેલ છે. સંશોધકોએ જણાવ્યું કે આ કંપાઉન્ડ વાયરસની સામે અસરકારક બની શકે છે. સંશોધક અલીએ જણાવ્યું કે આ નિષ્કર્ષ પર પહોંચવામાં ઘણા પ્રકારના કંપાઉન્ડ્સનો ટેસ્ટ કરવામાં આવ્યો. જોકે આ અંગે હજુ વધુ સ્ટડીની જરુર છે.