શિક્ષણ / ઠાગા-ઠૈયા કરું છું,ચાંચૂડી ઘડાવું છું; ગુજરાત યૂનિ.ની મુરાદ મેલી કે વહીવટ ખાડે? વિદ્યાર્થીઓ પરેશાન

• ગુજરાત યુનિ.માં પ્રવેશ પ્રક્રિયા વિલંબથી  
• હજૂ સુધી ચાલી રહી છે પ્રવેશ પ્રક્રિયા 
• મેરિટ ન આવતા વિદ્યાર્થીઓ ચિંતિત 

શિક્ષણ અને વહીવટના કારણે ગુજરાત યૂનિવર્સિટીથી ખાનગી યૂનિવર્સિટીને કેવી રીતે ફાયદો થાય છે.અથવા એમ કહો કે,ગુજરાત યૂનિવર્સિટીના સત્તાધિશોની મેલી મુરાદથી કેવી રીતે ખાનગી યૂનિવર્સિટી વિધાર્થીરૂપી મલાઈ તાણી જાય છે, તે જાણવું રસપ્રદ રહેશે.ગુજરાત યૂનિવર્સિટીમાં હજૂ સુધી પ્રવેશ પ્રક્રિયા ચાલે છે. અને મેરિટ લિસ્ટ બહાર નથી પાડવામાં આવ્યું.એટલે સીધી રીતે ખાનગી યુનિવર્સિટીઓને ફાયદો કરાવવાનું કામ થઈ રહ્યું છે આ ખુદ વિદ્યાર્થીઓ કહી રહ્યા છે.ત્યારે કેમ પ્રવેશ પ્રક્રિયામાં થઈ રહ્યો છે વિલંબ?શા માટે આ ગોકળગાય ગતિએ ચાલે છે  તે જાણશો તો સમગ્ર વહીવટીય પ્રક્રિયા આપોઆપ સમજાઈ જશે

. ક્યાં ? કેવા છીંડા ?

રાજ્યની સૌથી જુની અને NIRFમાં પ્રથમ સ્થાન પ્રાપ્ત કરનાર ગુજરાત યુનિવર્સિટીમાં એડમિશન પ્રક્રિયા હજૂ સુધી પૂર્ણ નથી થઈ. ધોરણ 12નું પરિણામ આવ્યાને પણ બે મહિના વિતી ગયા છે. છતાં હજૂ સુધી યુનિવર્સિટીમાં એડમિશન પ્રક્રિયા પૂર્ણ થવાનું નામ નથી લઈ રહી B.com,BBA. સહીતની વિવિધ વિદ્યાશાખામાં મેરિટ બહાર ન પડાતા વિદ્યાર્થીઓને જ નુકસાન થયુ છે.. એડમિશન પ્રક્રિયા ધીમી ચાલવાથી ના છુટકે વિદ્યાર્થીઓને ખાનગી યૂનિવર્સિટીમાં એડમિશન લેવાની ફરજ પડી રહી છે.વિદ્યાર્થીઓએ આક્ષેપ કર્યો કે સર્વરથી લઇને વેરીફિકેશનમાં જ મોડુ થઇ ગયુ છે.અને હજૂ ક્યારે મેરિટ બહાર પાડશે તેની પણ કોઈ ચોક્કસ તારીખ નક્કી નથી. 

ગોકળગાય જેવી પ્રક્રિયા 

હાલ તો એડમિશન પ્રક્રિયા અને મેરિટ લિસ્ટને લઈને વિદ્યાર્થીઓમાં રોષ જોવા મળી રહ્યો છે.આ મામલે યુથ કોંગ્રેસે યૂનિવર્સિટી સત્તાધીશો પર આક્ષેપ પણ લગાવ્યા છે કે,કુલપતિ સહીતના અધિકારીઓ ખાનગી યૂનિવર્સિટીને ફાયદો થાય તે રીતે પ્રવેશ પ્રક્રિયામાં મોડુ કરી કરી રહ્યા છે.એડમિશન પ્રક્રિયા મોડી કરવાથી ના છુટકે વિદ્યાર્થીઓને ખાનગી યુનિમાં એડમિશન લેવું પડે છે.

 સતાધીશોને સવાલ  

અહીં સવાલ એ થાય છે કે, 12માં ધોરણના પરિણાના 2 મહિના પછી પણ કેમ એડમિશન પ્રક્રિયા પૂર્ણ ન થઈ? શું ગુજરાત યુનિવર્સિટીના સત્તાધિશો 2 મહિના સુધી ઊંઘતા હતા? શું ખાનગી યુનિવર્સિટીઓને ફાયદો કરાવવા માટે એડમિશન પ્રક્રિયા મોડી શરૂ કરાઈ? ખાનગી યૂનિવર્સિટીઓની કમાણી માટે ગુજરાતના ભાવિ સાથે રમત રમશો? સવાલો અનેક છે. સૌથી ખાસ વાત તો એ સામે આવી તે, કોરોનાને કારણે વિદ્યાર્થીઓને માસ પ્રમોશન આપવામા આવ્યુ છે ત્યારે યૂનિવર્સીટીમાં સીટો વધારવી પડે તેવી સ્થિતી સર્જાઇ હતી.પરંતુ ધીમી એડમિશન પ્રક્રીયાને કારણ યૂનિવર્સીટીમાં સીટો ખાલી રહે તેવી શક્યતાઓ સેવાઇ રહી છે..