મોટા સમાચાર / કોરોના વાયરસને હરાવવા ગુજરાત સરકાર કરશે ફ્રીમાં વેક્સિનેશન, આટલા ડોઝનો આપ્યો ઓર્ડર

• ગુજરાતમાં તમામ લોકોને વેક્સિન ફ્રીમાં અપાશે
• 1 મેથી 18 વર્ષથી વધુની વયના લોકોનું થશે ફ્રીમાં વેક્સીનેશન
• કોવિશિલ્ડના 1 કરોડ, કોવેક્સિનના 50 લાખ ડોઝનો આપ્યો ઓર્ડર

1 મે 2021થી 18 વર્ષથી વધુ ઉંમરના તમામ લોકોને કોરોના વેક્સિનની રસી આપવાની શરૂઆત કરવામાં આવશે. ત્યારે ગુજરાત સરકારે વેક્સિનનો ઑર્ડર આપી દીધો છે. તો ગુજરાતમાં વેક્સિન ફ્રીમાં આપવામાં આવશે.  1 મેથી 18 વર્ષથી વધુની વયનાને રાજ્ય સરકાર દ્વારા લોકોનું ફ્રીમાં વેક્સિનેશન થશે. 

રાજ્ય સરકારે ફ્રી વેક્સિનેશન માટે વેક્સિનનો આપ્યો ઓર્ડર

રાજ્યમાં કોરોનાના વધતા સંક્રમણ વચ્ચે સરકારે કવાયત હાથ ધરી છે. રસીકરણ અભિયાન માટે સરકારે 1.50 કરોડ રસીકરણ ડોઝની વ્યવસ્થા કરી છે. મુખ્યમંત્રી રૂપાણીની અધ્યક્ષતામાં મળેલી કોર કમિટીની બેઠકમાં આ નિર્ણય લીધો હતો. ગૃહ રાજ્યમંત્રી પ્રદીપસિંહ, મુખ્ય સચિવ, CMના અધિક મુખ્ય સચિવ હાજર હતા. આરોગ્ય અગ્ર સચિવ ડૉ. જયંતી રવિ, અશ્વિનીકુમાર પણ હાજર રહ્યા હતા.

ગુજરાતમાં 6 હજાર સરકારી અને ખાનગી રસીકરણ કેન્દ્રો શરૂ થશે. રાજ્યમાં અત્યાર સુધી 1 કરોડ 13 લાખ વેક્સિનના ડોઝ અપાયા. રસીકરણ માટે લોકોએ ઓન લાઇન રજીસ્ટ્રેશન કરાવવાનુ રહેશે. કોવિન પોર્ટલ પર તારીખ 28 એપ્રિલથી રજીસ્ટ્રેશનની કામગીરી શરૂ થશે.

18 વર્ષથી ઉપરના લોકો રસી લેવા માટે ઓનલાઇન કરાવી શકશે રજિસ્ટ્રેશન

18 વર્ષથી વધુ ઉંમરના લોકો 1 મેથી કોરોના રસી મેળવી શકશે. જે લોકો રસી લેવા માંગતા હોય તેઓ વેબસાઈટ cowin.gov.in પોર્ટલ પર નોંધણી કરાવી શકશે.

ગુજરાત કોરોના અપડેટ(25-4-2021)

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 14,296 નવા કેસ નોંધાયા છે તો સંક્રમણના કારણે 157 લોકોના મોત નિપજ્યા છે. આ સાથે જ 6,727 દર્દીઓ સાજા થયાં છે. આ સાથે જ અત્યાર સુધીમાં 3,74,699 દર્દીઓ કોરોના મુક્ત થયાં છે. 

છેલ્લા 24 કલાકમાં 157 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 157 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 6328 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 384 લોકો વેન્ટિલેટર પર છે. એક્ટિવ કેસનો આંકડો 1,15,006 પર પહોંચ્યો છે.